في امريكا ..
فؤاد ونهى رجعو امريكا بعد مدة حلوة قضوها مع بعض وسط اهلهم في السودان
الجو كان خريف ..
في غرفتهم الدافئه .. كانت حااضناها وهو محتويها ..
نهى: ما حتسمعني
فؤاد: لو شي بخص نفس السيرة انسسي
نهى قعدت في السرير: مش كفايه عناد
فؤاد نزل من السرير:كفايه تفكري نفس الموضوع
نهى نزلت وراه: انا بتكلم معاك يا فؤاد اسمعني مرة وحدة
فؤاد: انتي ليه عاوزة تعملي شي من اللا شي
نهى: لاني ما انفع اكون معاك اكتر
فؤاد: ليه؟ عشان ..
نهى: عشان انا عقيمه يافؤاد ..
مسك ايدها: هشش .. وانا ماعايز غيرك يعمري
نهى: وانا عاوزة اشوفك اب
فؤاد بابتسامه: انتي اي شي في حياتي ليه ما عايزة تفهمي اني ما مهتم ماعايز بديل غيرك ..
نهى: طيب انا معاك بس انت ممكن تتزوج تاني
فؤاد بصوت عالي:كلمه تانيه حسيبلك الغرفه
نهى بنرفزة: انا الحسيبها .. اتقدمت خطوات عشان تطلع بس وقفت لما سمعت صوت الررعد .. جات واندست في حضنو
فؤاد بضحك:شايفه ما بتقدري تستغني عني 😂
نهى:انا ما بهظر
فؤاد بصوت مبحوح:لو ما طلعتي الافكار دي من راسك حزعل
نهى: مشكلتك ما بتفهني
فؤاد باسها:مشكلتك انك عنيدة
____
كانو مع بعض في بلكونه غرفتهم:
غياث كان ماسك كبايه قهوة .. وشغال في اللاب ..
نور كانت في الكرسي الجنبو: غياث
غياث: ايوة
.. سكتتت واتراجعت .. غياث عاين ليها
غياث: ليه سكتي
نور: نسيت كنت عاوز اقول شنو
غياث بضحكه: جنان لحقت تعملك زهايمر
نور بابتسامه: نامت وهي بتبكي عايزة ابوها
غياث قفل اللاب وجا على نور: حاسي انو في شي غللط
نور بتوتر: مافي شي اتطمن
غياث: متاكدة
نور: لا في شي
غياث باسها في ايدها: طيب سامعك
نور اشرت لغياث على شنطتها .. شالها وفتحهاا قبل ما يشيل تحاليل نور ..رسم في وشو ابتسامه .. نفس احساسو لما اتقالو حتبقى اب لاول مرة ..
غياث: انتي حامل 💜
نور وسط شعورها المشوش: حتبقى اب تاني
غياث قبل ما يبوسها في عنقها: لمتين وانتي بتفرحيني 💜
نور بابتسامه: لما "اموت"
ضماها عليهو بحب: بعد الشر 💜
" في الوقت دة نور وغياث اول مرة يختلفو من جواهم وهم في حضن بعض"
_____
في الغرفه السوداء ..
بضغط على ايدو بقوة .. غمض عيونو اول ما حقن نفسو ..رمى جسمو في الارض وسند راسو في السرير .. ملامحو الوسيمه اترملت .. ارتجف للحظات قبل ما يغط في نوم عميق ..
المخدرات حتقدر تنتهي منو ولا حينتشل نفسو من قاع الضياع الهو فيه"
_____
ماجد: ما حدخل
باسم: هو على كيفك دي محاضرة مهمه افهم انو دة اخر سمستر
ماجد بضحك: مهمه!! انت صح ..مافي شي اهم من جبهه البروف وجلحاتو الواسعه دي😂
باسم بضحك: انت اقوى من كدة
ماجد: ما حكمل .. وبعدين اقعد عايز اتكلم معاك
باسم: امري لله اتفضل😒
ماجد: ريم
باسم:عايزيني اتكلم مع اريام عشان ريم
ماجد: طيب ما انت بتفهم عايز بالمحاضرة شنو😂
باسم: حااضر عايز شي تاني
ماجد: حتوافق
باسم: حتوافق لما تتكلم معاها انت
ماجد بضحكه: عايزيني الاقيها بالصدفه واقولها انا بحبك صح انت اهبل اقولك حاظراني من اي موقع
باسم ضحك: اممم طيب خليها علي
ماجد: لا ما بثق فيك
باسم: ارحمني ياا ماجد
ماجد: ما تتنرفز بهظظر .. يلا عشان نلحق المحاضرة
باسم قعد جنب ماجد: لا خلاص غيرت رأي
ماجد عمل ميت مع الجملة .. وبضحك في باسم..
