كانسر

٢٣

في بيت رياض ابو غياث
الساعه كانت 9:00
اريام كانت بتتونس مع امهااا .. جاها اتصال وطلعت غرفتهاا .. ردت بصوتها الناعم
اريام: حبيبي
فارس: كيفك يعمري
اريام: بخير .. مشتااقالك
فارس: بس كدة؟؟ عاوزة نطلع ؟؟
اريام: ياريت
فارس: طيب يا حياتي اختاري المكان وانا بجي اسوقك

.....
دايماً الانتقام بجي في الولايه .. دايماً الراجل بنتقم في الجهه الضعيفه .. بنفذ انتقامو في ألين واعطف خلق الله .. معظم الخزلان والخيانه البتجي للانثى سببها إنتقام 💔
_________

فؤاد كان مشتاااق لنهى .. ايوة قااعدة مععاه في نفس البيت بس ماا قادر يشوفهاا .. صوتها لما يرجع من الشغل .. ازعاجها رغم الكان بيناتهم .. نزل من غرفتو وبدون مايتردد اتوجه لغرفتهاا .. بعد ما حس بأنو غلط معاها .. دخل بدون ما يضرب الباب .. عقد حواجبو بعد ما شاف نهى الكانت نايمه في سريرها .. عيونها المسودة خدودها البنفسجيه وجسمها الهلكان .. كانها جثه هاامدةة .. ما إتردد وقررب منهاا حاول يصحيهاا بس كأنها ماا ساامعاه .. رفعها بخوف بين ايديهو وطلعها العربيه .. بحاول يصحيهاا بس ماافي رد .. فؤواد كان ساايق وبيرجف .. نهى ماتت؟؟ كان ماسك اييدها البااردة وبرجف .. اول ما وصل المستشفى نزل وبسرعععه جاا بجهتا فتح الباب وشالهاا .. جات الطوارئ ونقولهاا لغرفه الفحص .. كان وااقف قصدااها ومااقادر يعمل شي .. نسى للحظه انو دكتور .. طلع لما الممرضه طلبت منو يطلع .. دكتور كارل بيسأل فيه الحصل عليها شنو؟؟ فؤاد كان برد وبعاين لنهى 💔

_________

ناصر ابو نور جاا وانبسط شديد لوجود نور
قاعدين مع بعض وبشربو في الشاي في سطوح البيت
ناصر: يااريتني ماا افقد اللمه دي تاني 💔
نور: الله يطول لي بعمركم التلاته ياارب😻
باسم: لا معليش انا عاوز اموت بدري بدري😌
شمس ضربت باسم: انت اسكت
باسم: ااي ماا خلاص بتكم حبيبتكم جات وحتنسو الحبشي الكان مالي ليكم البيت😒
ناصر: مالي شنو ياحبيبي؟ انت يااود بنشحدك الكلام شحدة ياانايم ياا مع اصحابك
نور بضحك: حيشرو ليك غسيلك الوسخان احسن تسكت😂😂
باسم: احسن اقوم عديل 😂
نور: حتطلع ؟؟💔
باسم: عندي مشوار مهم والله
ناصر: جربي يانور اسألي المشوار المهم دة شنو 😂😂
شمس: حيطلع يااكل طعميه مثلا
ناصر: او حينزل يعاكس البنات ويجي يتعشى وينوم
نور : اتوكل يا باسم لما نشوف موضوع مشاويرك دة بعدين😂😂
باسم نزل هو بضحك
اتلاقى مع وريفال في السلم
باسم: لو سمحتي من وقتك ي مدام 🌚
ريفال: انسه لو سمحت☝🏽
باسم: طيب يا انسه ريفال انتي ومااجد صحبي بتدخلو بيتنا كيف؟؟ عاوز افهم دة بعد ازنك طبعا 😊
ريفال: معانا جننن😈😈
باسم: ااه لو كدة معليش🌚
ريفال بضحك: ماشي وين
باسم: وانتي مالك ؟؟
ريفال: اصلا انا الغلطانه الواقفه معاك
باسم نزل وخلاها تردح براها😂
ريفال طلعت اتونست معااهم .. ودخلت هي ونور بعد ساااعات ونسه ينومو ..
ريفال:حاسه بأمان ي نور 💜
نور: نفس الاحساس لمن كنا بننوم مع بعض واحنا صغار 💜
ريفال: كبرناا واتفرقنا شديد
نور: ما اتفرقنااا بس بعدنا عن بعض .. انتي لسه ذي ما انتي جواي💜
نامو اثناء كلامهم ..
"الصاحب الما بتغيرو الايام والظروف بنلاقهو جوة كل واحد فينا .. ما دايماً كل الحولينا ما بينفعو يكونو اصحاب .. الحقيقه انو ما كل الاصحاب بينفعو يكونو للنهايه"
__________

فؤاد كان حاسي انو السبب في الحصل لنهى .. نهى اتعرضت لضمور عام لانها يومين ما شربت ولا اكلت.. كانت في العنايه وحالتها مستقرة .. رغم ضيقها في التنفس بس قاومت 💔
عدا اسبوع كامل وفؤاد ما غمضت ليهو عين .. يمكن من يومها ما اتحرك من جنب غرفتهاا .. لما اهلها يتصلو كان بطمنهم عليها .. بشويه مبررات💔 وقف لما شاف دكتور كارل (بتكلم مع فؤاد انجليزي بس حترجم)
كارل: نهى صحت وحالتها اتحسنت كتير وبنقدر ننقلهاا لغرفه تانيه
فؤاد: متأكد
كارل:اكيد
بعد دقائق طلعوها من الغرفه لغرفه تانيه وحالتها مستقرة .. كانت صاحيه بس مغمضه عيونهاا .. دخل الغرفه .. كان بعاين ليها بإنكسار .. نهى حست بصوت فؤاد المبحوح وهو بقول ليها : اسف
نهى فتحت عيونهاا الباهته .. مررتهم في ملامح فؤاد المكسورة .. حاولت تتسند على السرير بس ما قدرت ..
فؤاد: ما تتحركي
نهى بصوت واطي: عطشانه
فؤاد قرب منها: ماينفع تشربي الليله
نهى غمضت عيونهاا قبل ما تنزل دمعه ماا ليها صوت .. فؤاد كان واقف قرب شويه ومسك ايدهاا قعد في الكرسي ومسح على راسهاا .. لما حسا بيها نامت وقف وعايز يطلع بس هي كانت ماسكه في ايدو بقوة .. ابتسم شويه وبقا بمرر عيونو في ملامحاا .. بصوت واطي قال ما حخلي عيونك تدمع وانا بتنفس 💜