قمتاا بسررعة .. خطواتي الكل شويه كانت بتسررع .. فتحت الباب .. اترسمت ضحكه عفويه ف وشي بعد م شفت ابوي واقف وعاملي حركتي البحبها .. رافع حاجبو اليسار .. حضنتو شدديد بستو ف خدودو الاتنين .. جاات امي دااخلة وبتقول: اي انا جايباك من الميتم استلمتي ابوك بس 😏 .. ضحكت وقلت ليها احلى اتنين حضتنتني عليها وقالت لي كيفك قلت ليها بخيرر .. دخلو الاتنين وقفت اعاين شويه كنت مفتكراه حيجي معااهم قفلت الباب بس الجرس رجع ررن تاني .. مشيت فتحتو لقيتو باسم .. عاين لي مساافه ودخل بدون م يتكلم ولا يسلم علي 💔
ايوا بااسم اخو نور ، مش اخوها وبس بااسم ونور تؤام .. بتشابهو بس بحاجات بسييطه عيونهم مثلاا .. ونفس الضحكه .. بس بااسم شعرو بني غاتم واطول من نور بشويه .. نور شعرها بني فاتح ومن تحت افتح .. عيونهم الزرقاء الكانت بتحكي عن خوتهم ..
شمس: اخبارك ي بتي
نور وهي بتعاين لباسم الكان مندمج مع تلفونو: كويسه ي ماما
ناصر وهو ماسك ايد نور: غياث ف الشغل ولا شنو؟؟
نور: ايوة .. انتو كيفكم
ناصر وشمس: كويسين
نور بصوت عالي وبتعاين لباسم: ما عايز ترد جيت ليه طيب
باسم وقف واتوجه للباب عايز يمشي بعد م اتغاظ من كلام اختو
نور قاامت بسررعه ووقفت قداامو م قدرت تعاين ليهو كتير بسرعه دموعاا نزلت وحضنتو .. باسم ابتسم وختا يديه ف خدودها : يعني انتي بتكي مع الناس😒
نور: اي ببكي قايلني حجر زيك
باسم: دي الاهانه التانيه ف بيتك
نور: دة م بيتي وبعدين شنو شغل البيبي دة ليه م بتتصل علي ؟؟ شهرين وانت م بتتكلم معااي ولا بتجيني ؟؟ 😭
باسم: اعمل شنو مش دة كان كلامك .. م تتكلم معاي ولا تتصل علي وم تدخل ف حياتي ؟؟
نور: ززلة لساان .. انت عارفني بحبك بس انت استسزيفني اليوم داك😔
باسم ضحك بصووت عاالي: انتي لسه م بتعرفي تنطقي استنفزيتني؟؟ غياث سمع الكلمه دي عندك ولا لسه ؟؟ 😂😂😂
نور ضربتو ف كتفو: م تتريك علي 😒
باسم: يللا قولي اسفه عشان اقسم بالله انا لسه زعلان وحطلع
نور: على جثتي م حقول
باسم: م هو انا كمان م حقولك اسف
نور بلامبالاة : يلا انا كمان بسحب كلام الحب القلتو هسي
بااسم ضمااها تاني : اسسف اصلا عارفك م حتعتززري .. عنيدة ومتكاابرة 💜
نور بضحك: حبيبي يلا ارجع اقعد عاملة ليك الكب كيك المفضل عندك 😻
باسم: لي خمسة شهور من الكيك بتاعك يااخ .. وانحنى باسها ف خدهاا
نور بإبتسامه: لعيونك الحلوة دي 😻
ناصر: شفتي ي شمس ولا كأنو احنا ماافي
شمس: اي لممن كانو متخاصمين ي دووب اتعرفنا عليهم
ناصر: اهاا كنتو حتبكوني خشو اعملو لي حااجه اكلها( ابو نور زول كومدياني .. بحب اولادو بعمق الكلمة .. عايش عشانهم .. بموت بس عشان يشوف ضحكاتهم )
نور: بس كدة لعيونك ي بابا💜
دخلت هي وباسم الكان قداامها وبفتش ف التلاجه
باسم: وين الكب كيك؟؟؟😒
نور: انت صدقت دة اسمو حنك ي باسم 😌
باسم:عادي ممكن ارتكب ف وشك دة جريمه لو بتكذبي
نور: بقيت سفااح 😂
باسم: انجززي 😒
نور وهي بتأشر: ف البيكر افتحو بتلاقاه قاعد
باسم شال الكب كيك وقعد ف السفرة الف المطبخ وهو بياكل عايز يخنق : اورر؟؟
نور وهي بتضحك فيهو: الاكل م جاري اكل برااحه .. مدت ليهو المويه .. وبدت تطلع الفطور ف السفرة البرة .. امها جات سااعدتهاا وقعدوو كلهم ياكلو م عدا باسم الفتح التلفزيون لانو انصدم بسبب الكيك ..
خلصو اكل ونور عملت قهوة وبسبوسه وفشار وقعدو يتنونسو ويحضرو
ناصر: الاحنا فيهو دة بعثه تغذيه م مجرد اهل جاين لبتهم 😂
نور ضحكت بصوت عالي: م اتحرم منك يحياتي
شمس: ابوك بس ؟؟
نور وهي بتحضن امها: وانتي ي شموستي 😘
باسم: اناا برضوو لو سمحتي ☝🏽
نور: واحد دعوة لبااسم كمان 😂😂
اتعاالت الضحكاات .. ناصر الكان بضحك من جوة قلبو وهو شايف اسرتو بتضحك .. باسم الاتوقع انو يطلع بنفس الزعلة من بيت نور بس حصل العكس .. شمس الحنينه البتغير على بتها حتى من غياث .. نور الكانت مبسوطه لشوفت اهلها جنبهاا .. اتزكرت قبل خمسه شهور وهي معاهم ف البيت .. كانو بيغنو مع بعض وكانهم الاربعه اخوان ما اب حازم وام متشددة .. اتزكرت احتواهم لبعض ف عزز الشدة ..الاسرة دايما تناسق من رب العالمين .. كل بيت من بيت بختلف .. وكل سعاادة من سعادة بتختلف .. ف ناس م ضاقو للسعادة طعم .. وف ناس ايامهم كلها سعاادة .. الحزن بيمر عليهم كانو فايروس متطفل .. 💜
يتبع
