#وقفه
الصور كانت بتحكي عن قصة طوويلة بين غياث وخلود .. كانو شبه احسن ثنائي .. خلود قدرت تخلي غياث يحبهاا .. وقدرت تكسروو في النهايه ..
نور يمكن كانت سااكته الايام الفاتت بدون ما تسال غياث .. ثقتها بغياث كانت اكبر من انها تتهور وتعمل شي لمجرد صور اتبعتت ليها من مجهول !! سألت اريام عن خلود .. غياث كان منبه انو مافي زول يجيب سيرة خلود لنور .. بس نور الحت على اريام عشان توريهاا إذا هي بتعرف خلود !!
#فلاش_باك
.. نور عزمت اريام لمكتبها في المجلة ع اساس تروح ليها نشاطاتهاا في الميديا .. اريام ابتمست اول مادخلت مكتب نور .. نور وقفت وسلمت على اريام الكانت بتسألها عن حملها وتعبهاا
نور: انا بخير والبيبي كمان انتي كيفك
اريام: يااشيخه درش الجاامعه بس💔
نور: الله يعينك
اريام: امين حبيبتي
نور: قبل ما نبدا الانترفيو خلينا نطلع ما بحب جو المكاتب انتي عارفه
اريام: طيب يلاا قهوة على حسابي 😍
نور بضحك :انولها وين على طول 😍
طلعوو لكافي قريب من المجلة .. نور كانت مترددة تسأل اريام بس في الاخر سألتهاا
نور: اريام انتي زي اختي وعادي بتجي تفضفضي لي وانا بسمعك صح!؟
اريام ختت ايدها في يد نور: اكييد
نور: وهسي انا عايزة اتكلم وافضفض ليك ينفع؟؟
اريام: احكي خوفتيني
نور: لا ما تخافي بس عايزة اسألك ومتأكدة انك عارفه اجوبه لأسألتي
اريام: طيب يا نور انا سامعه
نور رفعت تلفونها بعد ما فتحت الصور الرسلتهم خلود .. اريام كانت بتمرر عيونها في الصور ..
اريام اتوترت قبل ما تقول : خلود!!؟
نور: بتعرفيها!
اريام: بعرفها بس ياا نور .. نور قاطعتها
نور: بس شنو؟؟ خلود علاقتها شنو مع غياث !!
اريام: مااحقدر اقولك شي غير انها مااضي يانور
نور: حتقولي .. حتقولي يا اريام انا ماافاهمه شي وعاوزة افهم 💔
اريام: عايزة تعرفي ليه غياث ماسك ايدها ليه حاضنها ليه محتويها كدة؟؟ عايزة تعرفي متين وكيف؟؟
نور: عاوزة اعرف غياث بحبها💔
اريام: غياث نسااهاا شاالا من بالو ياانور
نور: طيب هي ليه رسلت لي الصور دي ليه ؟؟
اريام: خلود خسيسه .. اكتر انسانه تافهه ممكن تلاقيك .. اكيد عايزة تخرب بينك وبين اخوي .. عايزة ترجع غياث تاني
نور بإستغراب: ترجع غياث!!!
اريام: نور .. غياث وخلود كانو مخطوبين كان فاضل لعرسهم شهر .. شهر بس وغياث قدر يكشفها هي وابوها
نور: مخطوبين؟؟ ليه !! ليه غياث ما قالي
اريام: لانو نساها لانو كان عاوز يبدا من جديد ..
نور: بس خلود عملت شنو ليه انفصلو ؟!!
اريام: ابو خلود اسمو عبد المنعم طبق الاصل عن بتو خسيس عندو شركة تصدير معظم شغلو غير قانوني .. وشركه بابا كانت عائق بالنسبه لشغلو القذر ..قدر يرسل بتو عشان تخلي غياث يتزوجها .. وتقدر تاخد شويه اعمال واسرار من شركة بابا .. كانت مفتكرة انو غياث شغال مع ابوي في الشركه .. بس في الاخر وقعت في شر اعمالها لما كانو حيتزوجو غياث وراها بشغلو الحقيقي وانو عميل سري في الحكومه .. وبطبيعه شغلهم مافي زول مفروض يعرف عنهم شي حتى اقرب الناس .. سمعها هي بتتكلم مع ابوها كانت بتقول لابوها يا بابا انا حتورط غياث طلع ما عندو علاقه بي شركة ريااض .. عارفه ياانور غياث كان راسم مستقبلو كلو مع خلود حباها بكل مااتحمل الكلمه .. كان متعلق فيهاا لدرجه انو مرات بناديني بإسمها
نور: دة كلو وانا ماا عارفه
اريام: غياث ما اتكسر ياانور غياث بقى اقوى رغم انو حباها بس ما استسلم لضعف الخزلان .. كان ببين عكس الجواهو بضحك وبطلع مع اصحابو كأنو مافي شي .. وانتي دخلتي على حياتو كأنك ضماده .. لما شافك اول مرة ما ادى نفسو فرصة يخسرك .. اتزوجك وهو بحبك .. يعني زواجكم كان رغبه غياث يا نور
نور: ممكن ما تجيبلو سيرة اني عرفت شي
اريام بابتسامه: طيب بس خلي بالك من خلود لأنها ما بتخاف من شي
نور: ما تخاافي علي ..
نرجع ..
غياث بصوتو حاول يهدي نور الكانت بتبكي .. ضماها عليهو وعقد حواجبو .. ما كان عامل حساب لليوم دة .. نور كانت مندسه في حضن غياث رغم زعلهاا منو .. رفع راسهاا وختا اييدهو ف خدودها الاحمرت بسبب البكاء .. افهمي ياانور انا ما اتزوجتك عشان تنسيني خلود .. خلود كرهتها قبل ما اشوف الملامح البرئيه دي قبل ما احس بالامان الشفتو في عيونك اول مرة .. خلود قدرت تكون مجرد نكرة 💔 سكت شويه وبعدهاا كمل .. سامحيني !! اسف يا عمري لأني ختيتك في الموقف دة اسف لأني حسستك بكدة اسف لعيونك الوعدتها ما تنزل دموع 💔 حضنهاا بين ضلوعو الدافيه.. وبصوت مبحوح ..انتي احلى شي حصل معااي .. كنتي الام والاخت والصديقه .. ما تستاهلي تبكي .. ضماها بقوة .. والله بحبك 💜
الغباء الحقيقي في اي مشكلة بتحصل بين اتنين بحبو بعض .. التسرع .. الشك .. الغيرة الزايدة .. الصوت العالي والزعيق .. البكاء والنواح .. اللوم ..
ليه ما نحل المشاكل دي بعقليه .. ليه بنحاول اول ما نحس بمشكلة جايه في طريقنا بنكبرهاا ونديهاا حجم زياادةة .. الصراعات الجوانا دي اكبر هاادم للفرحه اكبر هادم للسعادة ..
