Beki's Love Story

KABANATA 17

A/N: Keep reading.

KABANATA 17

Tradious

HANGGANG SA UMALIS sila ng rooftop ay hinatid niya ito sa room 143. Palaisipan pa rin kay Trad ang mga sinabi ni Jessica.

You're inlove with your bestfriend, Tradious.

Umiling siya saka naglakad palabas ng ospital. Nang makalabas napatingin siya sa kalangitan. He stilled when he realized that it was already dark outside. Halos lumuwa ang mga mata niya sa gulat.

Tumingin siya sa relo sa kaniyang pulsuhan.

7:00 pm

Magagalit ang Mommy niya dahil wala pa siya sa bahay nila. Kaagad siyang nagmadaling pumara ng taxi saka sumakay.

Abot abot ang kaba ni Trad hanggang sa makarating sa kanilang bahay. Maingat niyang binuksan ang gate at pinto ng bahay. Dahan dahan siyang naglakad patungong second floor ng biglang.

"Ganito ba ang oras ng uwian, Tradious?" Oh shit.

"M-Mom--" handa na siyang magpaliwanag ng bigla nitong itaas ang kanang kamay nito dahilan para matigilan siya.

Bumuntong hininga ito. "Mag-impake ka na. You're going to America as soon as possible." sabi nito saka umalis ng sala.

Bagsak ang balikat na tumingin siya sa kawalan. No! I don't want to!

Huminga siya ng malalim saka nagtungong kwarto niya.

Hindi pwedeng umalis si Trad ng bansa.

I'm sorry, Mom. I love you but I need to find myself first.

Nag-impake na siya saka nagbihis. Simpleng black shirt saka pinaresan niya ng faded blue jeans. Naka-tsinelas lang siya at nagjacket saka sumbrerong black. Huminga siya ng malalim.

This is it.

Kinuha niya ang inimpakeng mga damit saka binuksan ng konti ang pinto. Tumingin siya sa paligid nang masigurong walang tao saka siya mahinang naglakad palabas. Agad niyang tinungo ang pinto saka lumabas na nang tuluyan.

Nilingon niya ang bahay nila.

I'll be back Mom, Dad. I just need to find myself first.

Naglakad na siya papalabas ng village saka pumara ng taxi at sumakay.

"Manong sa Rio's Hospital po tayo."

Isinandal niya ang likuran ng back seat saka umidlip ng konti.

***

Tradious

NAKARATING SIYA SA Rio's Hospital saka tinungo ang kwarto ni Jan. Bumukas ang elevator kaya agad siyang lumabas no'n. Natigil siya sa paglalakad nang makita ang room number 143. Agad niyang naalala si Jessica.

Hindi naman siguro masamang dalawin ito hindi ba?

Huminga siya ng malalim saka kumatok. Ilang segundo lang ay binuksan iyon ng isang matandang babae.

Ngumiti siya. "Hello po, Ma'am. Si Jessica po?" tanong niya sa matandang babaeng nakakunot ang noo.

"Sino ka?" tanong nito.

Nakangiti parin siya dito. "Kaibigan po ako ni Jessica."

Saglit siya nitong tinitigan bago lumambot ang ekspresyon at niluwagan ang pinto. "Come in."

Tumango siya at pumasok. Nahagip agad ng mata niya si Jessica na kasalukuyang abala sa panonood ng tv habang nakahiga sa hospital bed.

"Jessica, may bisita ka." pukaw ng atensiyon ng babae kay Jessica.