Beki's Love Story

KABANATA 4

A/N: Hey you! Enjoy reading.

KABANATA 4

MAINGAT SIYANG PUMASOK sa kabahayan at pumasok agad sa kaniyang silid.

Tinapon niya sa gilid ng kama ang kaniyang bag at humiga na. Nakakapagod.

Ipinikit niya ang kaniyang mata nang tuluyan siyang dalawin ng antok.

Nagising siya nang ramdaman ang sinag ng araw sakaniyang mukha. Agad siyang bumangon at kinuha ang bag na ginamit niya kagabi saka itinago sa pinakatagong parte ng kaniyang cabinet. Kinuha na niya ang uniporme saka nagtungo ng banyo.

"Good Morning, anak. Kain ka na." nakangiting sabi ng kaniyang ina.

Tumango lamang siya saka ngumiti at naupo na para kumain. Pagkatapos ay kinuha niya ang bag niya sa kwarto at umalis na.

"Bye, Ma. Ingat ka parati."

Naglakad na siya papuntang kalsada at pumara ng tricycle.

Wala siyang ganang pumasok ngayon pero kailangan.

"Kamusta ang tulog mo?" Napatuwid siya nang tayo at tumingin sa likuran niya. Si Trad iyon at may ngiti sa labi.

"Okay lang naman, ikaw?" ngumiti siya pabalik dito.

"Feels good. Alam mo bang gumawa ako ng facebook account." malapad nitong ngiti.

Kumunot ang noo niya at naglakad ulit. Nakisabay naman ito nang lakad sakaniyang tabi.

"Bakit gumawa ka nanaman ng facebook account?"

"Babae ang ginawa ko." saad nito.

Tumigil siya sa paglalakad at tumingin dito. "Babae? Bakit?"

"Gusto kong i-chat si Zild." nagniningning ang mga mata nito.

Nawala lahat ng emosyon sa mukha niya at humakbang ulit.

"Gan'on ba. Sige una na ako sa klase ko," hindi niya na hinintay pa ang sagot nito. Hindi kasi sila magkaklase ni Trad ngayon.

Naupo na siya sa may likurang upuan pagkarating niya. Hiniga niya ang ulo sa arm chair.

"Sleepless?" tanong ng baritonong boses sakaniya.

Hindi niya sinagot kung sino man iyon. Dama niya ang puyat kagabi. Pa'no ba naman alas dos na siya ng gabi nakauwi.

"Well, I guess so."

Kahit inaantok siya ay tumingin siya sa pinanggalingan nang boses na iyon sakaniyang kaliwa. Nagulat siya nang makilala kung sino ito pero agad ding nawalan nang emosyon ang kaniyang mukha.

"Yes. Kaya please 'wag kang maingay nakakaistorbo ka sa tulog nang iba." naiinis niyang saad at hiniga ulit ang ulo sa arm chair.

"Oh. Sorry my mistake." hindi niya nalang pinansin pa ito.

Nag-angat siya nang tingin para harapin ang binata.

"Look Zild. Natutulog ako kasi puyat ako so kindly please, please lang. Huwag kang istorbo."

Nasira ang araw niya dahil sa nabalitaan niya tungkol kay Trad tapos dadagdag pa ito. Bakit ba kasi kailangan pa nitong gawin 'yon? Oh because he's attracted to Zild.

Buti na lamang at tumahimik na si Zild.

Wala siyang balak makinig ngayong araw sa kanilang guro kaya tumayo na lang siya at lumabas ng classroom.

"Hey, Jannarah!" habol na sigaw ni Zild pagkalabas niya.

Nababagot siyang tumingin dito.

"What?" cold niyang sabi.