ရသစုံလင် တရုတ်ဝတ္ထုတိုများ

မင်းမတော် မဒီ (အပိုင်း - ၄)

ဒါပေမဲ့နန်းရင်းဝန်ကလေးရဲ့ ကတော်ဖြစ်နေတဲ့ မဒီအတွက်တော့ ဒီလိုမျိုးတိတ်တိတ်ပုန်းချစ်သူ ထားဖို့ဆိုတာမလွယ်ပါဘူး။ ပြောရရင်တော့ သူတို့လိုလူ့မလိုင်အလွှာတွေမှာ ပိုပြီးဖောက်ပြန်မှုတွေ များတယ်ဆိုပေမဲ့ သူတို့နှစ်ယောက်ရဲ့ကိစ္စက သာမန်ပဲ ကာမဂုဏ်လွန်ကျုးလို့ဖြစ်ရတာ မဟုတ်ပြန်ဘူး။ နောက်ကျပြီးတွေ့ခဲ့ကြတဲ့ အဖြစ်ဆိုးလို့ပဲ ဆိုရမလား။ ဘယ်လိုပဲဖြစ်ဖြစ်လေ ဒီလိုအိမ်ထောင်ရေးဖောက်ပြန်တဲ့ကိစ္စဟာ အထက်တန်းစားမိန်းမတွေကြားမှာ မထူးဆန်းဘူးပဲဆိုဆို မင်းကတော်ကိုယ်တိုင်က သြတပ္ပစိတ်မကြည်လင်ရှာဘူး။ မစွမ်းရင်းကလဲရှိ၊ ကန်စွန်းခင်းကလဲငြိလို့သာကိုး။ အခုလို ဝန်ကလေးခရီးထွက်သွားတဲ့အချိန်ဆို အိမ်မှာက ယောက္ခမကြီးကလွဲလို့ ကျွန်တွေပဲရှိကြတယ်။ ယောက္ခမကြီးက အိုမင်းမစွမ်းလွန်းလို့ အိပ်ယာထဲမှာပဲ အချိန်ကုန်ရတော့ပေမဲ့ အစေခံတွေ၊ ဝေါထမ်းသမားတွေက သူတို့ဇတ်လမ်းကို ရိပ်မိနိုင်သေးတယ် မဟုတ်လား။ ဒီတော့စိတ်ရှည်ရှည်နဲ့ပဲ စောင့်ပြီး နောက်တခါအပြင်ထွက်ဖို့အတွက် အကြောင်းပြချက်ကောင်းကောင်း ပေါ်လာမယ့်အချိန်ကို စောင့်ရပါတယ်။

ဒီလိုနဲ့မင်းကတော်နဲ့ဈန်တို့ နောက်ထပ်နှစ်ခါသုံးခါထပ်တွေ့ကြတယ်။ မင်းကတော်ရဲ့လက်ပါးစေရှန်လျန်ကတော့ ဒီကိစ္စတွေကို တခုမကျန်သိတာပါပဲ။ ဒါပေမဲ့ မင်းကတော်ရဲ့အိမ်တော်သားပီပီသူ  ဝန်ကလေးကိုတော့ မေတ္တာမရှိလှတော့ အလိုတူအလိုပါ ဆိုရမှာပေါ့။ ဈန်နဲ့တွေ့မှ ရေထိပန်းလိုလန်းလာရှာတော့တဲ့ သူ့သခင်မကို သနားတာလည်း ပါတာပေါ့လေ။ မကြာခင် ဆောင်းဦးပေါက်လာတော့ ဝန်ကလေးက တိုင်းခန်းလှည့်လည်တဲ့ခရီးကနေ ပြန်ရောက်လာတယ်။ တစ်ရက်မှာတော့ မင်းကတော်ရဲ့ ပုလဲလည်တုန်ကြီးကိုမြင်မိပြီး မေးစမ်းပါတယ်။

“…ဒီလိုပဲလူသိမခံချင်တဲ့ အိမ်တော်တခုဆီကနေ ဝယ်ထားတာပဲ…. မောင်အိမ်မှာမရှိလို့ ငွေတောင်မချေရသေးပါဘူး… ငွေစခြောက်ထောင်လို့ ဆိုတယ်… တော်တော်တော့ဈေးကြီးသား.. မောင်ရဲ့… ယူလိုက်ရမှာလား… တကယ်လို့ မောင်သဘောတူရင်.. မကြာခင်ပဲသူတို့ ငွေစလာယူကြလိမ့်မယ်….”