ရသစုံလင် တရုတ်ဝတ္ထုတိုများ

မုတ်ဆိတ်နီကြီး (အပိုင်း - ၃)

“…အကိုကြီးပြောတာအားလုံးမှန်ပါတယ်.. ကျွန်တော့်ကိုသူရွေးခဲ့တာဆိုတာ အမှန်ပါပဲ.. အကို့နှမကို မိန်းကလေးမို့ လျှော့တွက်လို့ မရဘူးဗျ… မကြာခင်မှာ အရေးတော်ပုံ စတော့မယ်ဆိုတာ.. သူသိနှင့်နေပြီးသားလေ…”

သူတို့နောက်ကြောင်းတွေကို အခုမှ စဆွေးနွေးနေတဲ့ မုတ်ဆိတ်နီကြီးရဲ့ ရည်ရွယ်ချက်ကို သူ့မျက်လုံးထဲမှာ အဖြေရှာဖို့ကြိုးစားရင်း လီဆင်းက ရယ်ကာမောကာပြောတယ်။ အရေးတော်ပုံဆိုတဲ့ စကားလဲကြားရော ၊ မုတ်ဆိတ်နီကြီးရဲ့ မျက်လုံးတွေ တဖျတ်ဖျတ် အသက်ဝင် လာကြတော့တယ်။

“…အရေးတော်ပုံ..ဟုတ်လားကွ…”

“…ဟုတ်ပဗျား……”

မိန်းကလေးပေမဲ့ ဖာသိဖာသာအိုးတိုးအတမနေဘဲ စစ်မက်အရေး နိုင်ငံရေးကို တီးမိခေါက်မိ ရှိပါကလားဆိုပြီး လေးစားတဲ့အရိပ်အယောင် တွေဟာ မုတ်ဆိတ်နီကြီး ချန်မိန်းကလေးကို ဖျတ်ကနဲလှမ်းကြည့်လိုက်တဲ့ အကြည့်တွေထဲမှာ ထင်ဟပ်လို့လာတယ်။

“…မင်းတို့..ဘယ်ကများလာကြသတုံး…”

“….နေပြည်တော်ကပါ…”

မုတ်ဆိတ်နီကို စူးစူးစိုက်စိုက်ကြည့်ရင်း လီဆင်းကခပ်အေးအေးပဲပြန်ဖြေတယ် ။

“…မင်းတို့ဆီမှာ..အရက်ကလေးများ မပါဘူးလားကွာ….”

“…မပါဘူးဗျ…ဒါပေသိ.. ဟိုနားမှာတော့ အရက်ဆိုင်တွေ့ခဲ့တယ်….”

မုတ်ဆိတ်နီကြီး ဘာမပြောညာမပြော ထထွက်သွားတော့ ချန်မိန်းကလေးက လီဆင်းကို စိုးရိမ်ဟန်နဲ့ဆိုတယ် ။

“…မောင်ရယ်…ဘာလို့များ ကျွန်မတို့ အကြောင်းတွေကို.. အခုမှတွေ့တဲ့သူစိမ်းကို ဖွင့်ပြောပြလိုက်ရတာလဲ…”

“…စိတ်မပူပါနဲ့ကွာ…သူလို တောသားလူကြမ်းဟာ.. နန်းတော်ထဲက မှူးမတ်တွေထက်တောင်ဖြောင့်မတ်သစ္စာ ရှိသေးတယ်.. သူ့ကိုမြင်ကတည်းက ယုံကြည်စိတ်ချရတဲ့သူဆိုတာ ငါရိပ်မိပါတယ်…..”

“…ဒါပေမဲ့..ရှင့်လူကြီးက ကြမ်းကလဲကြမ်း.. ရိုင်းလဲရိုင်းပြလှတယ်..မောင်ရဲ့… သိုးသားကို ခုတ်ထစ်နေလိုက်တာများ ကြောက်စရာပဲရှင်… စားကြွင်းစားကျန်တွေကိုလဲ.. မပြောမဆိုနဲ့ သူ့မြည်းစားခွက်ထဲ သွန်ထည့်ပစ်သေးတယ်.. တကယ်ဆို ကိုယ့်ကိုခေါ်ဖိတ် ကျွေးမွေးတဲ့သူကို.. အရင်ဆုံးတော့ မေးစမ်းသင့်တာပေါ့… တကတည်း.. သူ့လက်သူ့ခြေချည်းပဲ…”