ရသစုံလင် တရုတ်ဝတ္ထုတိုများ

မနာလိုစိတ် (အပိုင်း-၁)

တခါက ဟန်ချောင်ရွှေမြို့တော်ကြီးမှာ ဆရာလေးဝူဟန်ဆိုတာရှိတယ်။ ဝူဟန်ဟာ ဟန်ချောင်မြို့တော်မှာ အလွတ်ပညာသင်ကျောင်းလေး ဖွင့်လှစ်ထားပေမဲ့ ချမ်းချမ်းသာသာနဲ့ နာမည်ကျော်ကြားတဲ့ ဆရာအကျော်အမော်မျိုးထဲက မဟုတ်ရှာပါဘူး။ အဲဒီခေခတ်တွေတုန်းက တွေ့လေ့တွေ့ထရှိတဲ့ နယ်ကနေမြို့တက်လာပြီး တိုးတက်ရာတိုးတက်ကြောင်း ရှာဖွေတဲ့ ပစ္စည်းမဲ့လူငယ်ပညာရှင်မျိုးလို့သာ ဆိုကြပါစို့။ အဲ..ဒါနဲ့ တနေ့တော့ သူ့သူ့ကျောင်းကလေးပိတ်လို့ ကျောင်းသားတွေလည်း အိမ်ပြန်ကြရော ဆရာလေးဝူဟန် ထုံးစံအတိုင်း တစ်ယောက်တည်းကျန်ခဲ့ရော။ ဒါပေမဲ့ ဒီတခေါက်နွေကျောင်းအပိတ်မှာတော့ သူကဒီလို တစ်ယောက်တည်းနေရတဲ့အရသာကို ထူးထူးဆန်းဆန်းပဲ သိပ်သဘောကျနေတယ်။ ခါတိုင်းလို ဝေယျာဝစ္စလုပ်ပေးမဲ့ ကျောင်းသားတွေ မရှိတော့ပေမဲ့ ကိုယ့်လက်ဖက်ရည်ကြမ်း ကိုယ့်ဖာသာနှပ်လို့ ကျိုချက်ပြီး တစ်ယောက်တည်း ထိုင်သောက်ရတော့ ဘာဖြစ်သတုန်းဗျာ.. နားတောင်အေးသေးလို့ ကျေနပ်နေတာပေါ့။

ဒါပေမဲ့ ဆရာလေးဝူဟန်တယောက် ဒီလိုတစ်ယာက်တည်း ကျန်ခဲ့ရတာကို သိပ်သဘောကျနေတာက အေးအေးလူလူ နေရတာတခုတည်းကြောင့်မကဘဲ တခြားအကြောင်းတစ်ချက်လည်း ရှိသေးတယ် ။ အဲဒါကတော့ သူနေတဲ့ဝင်းဟောင်းကြီးရဲ့ အတွင်းရင်ပြင်မှာရှိတဲ့ သူ့လူပျိုဆောင်ပေါ့လေ။ အဲ….အဲဒီအခန်းဆောင်က အလွန်စိတ်ကူးယဉ်ချင်စရာ ကောင်းလောက်အောင်ကို မှော်ဆန်ဆန်နဲ့ သူ့ကို ဖမ်းစားနိုင်လွန်းလို့ဆိုပဲ။ သူ့အဆောင်ရဲ့ နေရာတိုင်းမှာမိန်းမသားတို့ရဲ့ နူးညံ့တဲ့အငွေ့အသက်တို့ လွှမ်းခြုံနေတယ်လို့ ဆရာလေးဝူဟန်ကခံစားရသတဲ့။ ကဲ..အိပ်ခန်းထဲကိုပဲ ကြည့်ဦးမလား မှန်တင်ခုံနဲ့ဘာနဲ့ ၊ မှန်တင်ခုံပေါ်မှာဆိုရင် အဖုံးမှာမှန်အရှင်တပ်ထားတဲ့ အလှပြင်သေတ္တာ အပြင် တခြားသူမြင်ဖူးတာတွေရော ဘာတွေမှန်း ဘယ်လိုမှတွေးကြည့်လို့မရတဲ့ အမျိုးအမည်မသိ မိန်းကလေးအသုံးအဆောင် တိုလီမုတ်စတွေ လည်းရှိသေးတယ်။ မှန်တင်ခုံအံဆွဲထဲ ဖွင့်ကြည့်ပြန်တော့အပ်ကလေးတွေ ၊ ဖဲပွင့်ကလေးတွေနဲ့ ဆံညှပ်လေး ပန်းကပ်လေး တွေကို ဟိုတခုဒီတခုတွေ့တဲ့အပြင် အံဆွဲအောက်ခြေမှာဆိုရင် မျက်နှာခြေမှုန့် ဖြူဖြူတွေများတောင် ပေနေလိုက်သေးတယ်။ အဲ..ပြီးတော့ ဆရာလေးဝူဟန် ဒီအခန်းထဲကို ဝင်လာလိုက်တိုင်းမှာ ပန်းရေမွှေးရနံ့ ဖျော့ဖျော့လည်း ရတတ်သေးတယ်။ ရင်ခုန်တိမ်းမူးစရာ ဒီနံ့သာရနံ့က သူ့အိပ်ခန်းရဲ့ ကိုယ်ပိုင်ရနံ့လိုကိုဖြစ်နေတော့ ဝူဟန်အဖို့ တခါတခါ ဘယ်ဆီဘယ်ဝယ်ရောက်နေမှန်း မသိတော့တဲ့တခါက ဒီအခန်းပိုင်ရှင် ယမင်းပျိုကိုတောင် ရှိလိုရှိငြား အယောင်ယောင်အမှားမှားနဲ့ လိုက်ရှာရမလိုဆိုပဲ။