Huwag masyadong maniwala,
Sa mga bagay na madaling makita.
Huwag masyadong talasan ang paningin,
Baka mata'y sungkitin.
Huwag masyadong lumuha,
Baka walang mapala.
Mata'y huwag masyadong ipikit,
Baka mayroong makapuslit.
Huwag masyadong ngumiti,
Baka hindi matanggap ang pighati.
Huwag masyadong gamitin ang lakas,
Baka wala nang matira pagkabukas.
Huwag masyadong magtiwala sa sarili,
Baka pagtawanan lamang ng nakararami.
At huwag masyadong maghugas ng kamay,
Baka manganib lamang ang buhay.
BINABASA MO ANG
Mga Obra Maestra ng Makabagong Makata
PuisiKaramihan sa aking mga panulat ay matagal ko nang naisulat. Simula noong nagsimula akong magsulat, walong taon na ang nakalipas (2006). Ngayon ko lang ito nailathala sa pamamagitan ng "wattpad".