கண்ணுக்குள்ளே உன்னை வைத்தேன் கண்ணம்மா (முடிவுற்றது)

27

இங்கே சரணை ஸ்வஸ்திகாவுடன் தள்ளி விட்ட விக்ரம் நவ்யாவின் அருகில் வந்து அவள் கையை பற்றிட நவ்யா அவனை குழப்பமாய் நோக்கினாள் விக்ரம் "என்னடா ஏதோ திங்கிங்க்ல இருக்க ?"என்க

நவ்யா "இல்லப்பா சரண் அண்ணா திடீர்னு வந்து ஸ்வஸ்திய இழுத்துட்டு போய்ட்டாங்க எங்க போனாங்க நம்மள விட்டுட்டு ?போன் பண்ணி கூபிடுங்களேன் சேர்ந்து போகலாம் "என்க

அவனோ "அவனுங்க வர மாட்டானுங்க"என்க

அவள் "ஏன் வர மாட்டாங்க இருங்க நா ஸ்வஸ்திக்கு கால் பண்றேன் "என்க

முதலுக்கே மோசம் பண்ணிருவா போலயே என்று நினைத்தவன் அவள் phoneai பிடிங்கி தன் pant பாக்கெட்டில் வைத்தவன் "என் அருமை நவ்யா நம்ம ரெண்டு பேருக்கும் பிரைவசி கொடுக்கலாம்னு அவுங்க ரெண்டு பேரும் வேற இடத்துக்கு போயிருக்காங்க ஓகேயா இந்த விளக்கம் போதுமா இல்ல இன்னும் உனக்கு சோப்பு போட்டு வெளக்கணுமா "என்க

அவளோ அவனை சந்தேகமாய் பார்த்தவள் "அவுங்க போனாங்களா இல்ல நீங்க வெரட்டுனீங்களா? "என்று புருவத்தை உயர்த்தி நக்கலாய் கேட்க அவனோ அசடு வழிந்தவன் ஈஈ என்று இழித்து வைக்க மனதில் அவனை செல்லமாய் கடிந்துகொண்டாள் திருட்டுப்பயலே என்று

பின் அவளை கைப்பற்றி அழைத்து சென்றவன் அந்த எஸ்டேட்களின் நடுவில் நடக்க ஆரம்பித்தான் .அவள் அவ்விடத்தை அதீத ரசனையோடு அவன் கரத்தை தன் இருகைகளாலும் பிடித்துக்கொண்டு ஒவ்வொரு இடத்தையும் நிதானமாய் நின்று அந்த வாசத்தை தன் சுவாசத்தில் நிரப்பி துள்ளி நடந்த படி வர அவனோ அவளது பிம்பத்தை தன்னுள் நிறைத்துக்கொண்டிருந்தான் .

அவ்விடத்தில் சிறிது நேரம் அவளோடு நடைபயின்றவன் பின் அவளை அழைத்துக்கொண்டு ஸ்வாமிமலைக்கு சென்றான்.ஏலகிரியின் உயரமான மலை சுவாமிமலை ஆகும் அங்கே paragliding மிகவும் சுவாரஸ்யமான பொழுதுபோக்காக பார்க்கப்படுகிறது. இருபது முதல் முப்பது நிமிடம் வரை paraglidingil தேர்ந்த கலைஞர்களை கொண்டு நிகழ்த்தப்படுகிறது .