အချစ် (သို့မဟုတ်) ရှုံးနိမ့်ခြင်း { အခ်စ္ (သို႔မဟုတ္) ရွုံးနိမ့္ျခင္း }

💚 ၂ 💚

Unicode💚

' ဘာတွေလုပ်နေတာလဲ Nono '

အသံနှင့်အတူ Jenoအနား ဆွေ့ကနဲဝင်ထိုင်ရင်း Nanaမေးခွန်းတွေထုတ်ချေပြီ ။

' ဒီမှာလေ စက္ကူငှက်ကလေးတွေခေါက်နေတာ '

' စက္ကူငှက် ။ ဘယ်သူ့ကိုပေးမလို့လဲ ။ ဘယ်ကောင်မလေးကို ပေးမှာလဲ ။ မင်းကောင်မလေးတွေ့နေပြီလား ။ ဘယ်သူလဲ ။ ဘယ်ကလဲ '

တရစပ် non-stopလွှတ်နေသည့် Nanaအမေးတွေအား Jenoမဖြေနိုင် ။

ဘယ်ကနေစပြီးဖြေရမှန်းမသိတာဆို ပိုမှန်လိမ့်မည် ။

' Nono ငါမေးတာဖြေလေ '

' မင်းမေးခွန်းတွေက များတာကိုNanaရ ။ ငါကဘယ်ကစဖြေရမှာလဲ '

' ဒါဘယ်သူ့ကိုပေးဖို့လဲ ။ အဲ့ဒီ့ကစဖြေ '

' Ok ! ဒီစက္ကူငှက်လေးတွေကို ဒီဗူးထဲအပြည့်ဖြစ်အောင် ခေါက်ပြီး ငါအချစ်ရဆုံးသူကို ပေးမလို့ '

' အချစ်ရဆုံးသူ ။ ဘယ်သူလဲ ။ Nonoမင်းနဲ့ငါ့ကြားကို ဝင်လာမယ့် ဘယ်တတိယလူကိုမှ ငါသည်းမခံဘူးနော် '

နှုတ်ခမ်းဆူကာ ကတ်ကတ်လန်ရန်တွေ့နေသည့် Nanaနောက်စေ့လေးအား ဖက်ခနဲ ဖွဖွရိုက်ကာ မျက်ဝန်းကွေးလေးတွေ ပိတ်သည်အထိ Jenoရယ်ဖြစ်သည် ။

' ဘာရယ်တာလဲ ။ ငါအတည်ပြောနေတာ ။ မရယ်နဲ့ '

' မင်းအတည်က ပေါက်ကရတွေဖြစ်နေတာကို Nanaရ ။ '

' အဲ့တစ်ယောက်က ချောလား '

' အင်း '

' ငါ့လိုရော ချစ်ဖို့ကောင်းလား '

' ဒါပေါ့ '

' ဟွန် ။ အော် Nono ! သူနဲ့ငါဘယ်သူက ပိုချစ်ဖို့ကောင်းလဲ '

' အတူတူပါပဲ '

' တူလို့မရဘူးလေ ။ သူနဲ့ငါက လုံးဝတူညီနေလို့ မရဘူး '

' ဘာလို့မရ,ရတာလဲ '

' ငါကLee Jenoရဲ့ နှစ်ယောက်မရှိတဲ့ Na Jaeminလေ '

ရင်ကိုကော့ကာ ဝံ့ကြွားစွာပြောနေသည့် Nana၏လည်ဂုတ်မှ သိုင်းဖက်ကာ ခေါင်းကိုနှိမ့်လိုက်ပြီး Nanaအား အသည်းယားစွာ အတင်းဖျစ်ညှစ်ပစ်လိုက်သည် ။