အချစ် (သို့မဟုတ်) ရှုံးနိမ့်ခြင်း { အခ်စ္ (သို႔မဟုတ္) ရွုံးနိမ့္ျခင္း }

💚 ၂၀ 💚

[ Unicode ]

' ဘာဖြစ်လာတာလဲ Nono '

မူမမှန်တဲ့ခြေလှမ်းတွေနဲ့ လှမ်းဝင်လာတဲ့ Nonoလက်အား ဖမ်းဆွဲလိုက်ပြီး ကျနော်မေးလိုက်ခြင်းဖြစ်သည် ။

Nonoခေါင်းခါပြရင်း ကျနော့်လက်ကို လွှတ်ကာထွက်သွားဖို့ပြင်နေပေမဲ့ ကျနော်မလွှတ်ပေးဖြစ် ။

ကျနော် Nonoကိုချစ်တယ် ။

အဲ့ဒါက အရာအားလုံးထက် ။

အခု Nonoဘာဖြစ်နေသလဲဆိုတာ ကျနော်မသိပဲနဲ့ ကျနော်ဘယ်လိုလုပ်ပြီး စိတ်အေးနိုင်မှာလဲ ။

' Nono '

ပခုံးနှစ်ဖက်အားဆုတ်ကိုင်ကာ လေပြေသွေးရင်း ကျနော်ခေါ်တော့ ရီဝေဝေမျက်လုံးများနဲ့ ကြည့်၍လာသည် ။

နှာခေါင်းထဲ စူးနင့်စွာဝင်လာသည့် အရက်နံ့ကြောင့် သက်ပြင်းကိုအသာချရင်း အလှဆုံးပြုံးလိုက်ပြီး…

' Nono မင်းစိတ်ညစ်စရာရှိလာတာလား '

' Nana တောင်းပန်ပါတယ် '

' ဘာလို့လဲ Nono '

' ငါမင်းအပေါ် အမှားတွေ အများကြီး လုပ်ခဲ့ပါတယ် '

' မဟုတ်တာ Nonoရာ ၊ ငါတို့ကအဲ့လိုတွေ ပြောရမယ့်သူတွေမှ မဟုတ်တာ '

' အင်း '

ခေါင်းလေးညိတ်ကာ ကျနော့်ရင်ခွင်ထဲမှာပင် ငြိမ်သက်လို့သွားခဲ့ပြီ ။

ကုတင်ပေါ်သို့ အသေအချာတင်ပေးကာ Nonoအားနှစ်ခြိုက်စွာ အိပ်စက်စေပြီးမှ Nono ဖုန်းအားယူကာ Renjunဆီ ဖုန်းဆက်လိုက်သည် ။

အတော်ကြာမကိုင်သည့်ဖုန်းက နောက်ဆုံးတစ်ခေါက်မှာတော့ ပြန်ထူး၍လာသည် ။

ဟင့်အင်း ထူးတာမဟုတ်ဘူး ။

ရန်တွေ့တာ ။

' မင်းနဲ့ငါ့ကြားမှာ ဖုန်းဆက်စရာ ကိစ္စမရှိတော့ဘူးလို့ ပြောပြီးပြီလေ Jeno '

' ငါမင်းကိုတွေ့ချင်တယ် ၊ အခုချက်ချင်း '

' Na Jaemin '

' အေး ငါ Na Jaemin '

ဖုန်းအားလက်ထဲ၌ ကျစ်ကျစ်ပါအောင် ဆုတ်ကိုင်ကာ လွှားထားသည့် Coatအကျီင်္အား အလျင်အမြန် ထပ်ဝတ်ကာ အောက်သို့ဆင်းပြီး ကားကိုမောင်းထွက်ခဲ့လိုက်သည် ။