حكايات العالم التالت

كارثه

لو القصة الحقيقة دي ال هحكيها اتعملت فيلم ، ممكن تاخد اوسكار والله ..
سنة ١٩٨٠حصلت كارثة في الخليج بين ايران والعراق وال عرفت باسم حرب الخليج الاولي ، الحرب استمرت لمدة ٨ سنوات ، من اكثر الحروب دموية ال مرت في الشرق الاوسط ال نتج عنها موت حوالي مليون و ٧٠٠ الف انسان ، اسلوب الحرب كان شبيه باسلوب الحرب العالمية الاولي .. الاعتماد كان كبير علي الخنادق المحصنة والاسلاك الشائكة ، في احداث الحرب وقعت معركة في منطقة ايرانية اسمها خورام شار .. علي الطرف الايراني كان في جندي اسمه زاهد بيقول زاهد
- كل يوم كنت بشوف جثث بالمئات ، لان مهمتي كانت حفر قبور جماعية للجنود العراقين ، كنت ديما بهرب من الخطوط الامامية ، بس مكنش في عندي خيار لان في جيش تاني مخصص انه يقتلنا لو حد بس فكر يرجع .. اثناء الحرب حصل هجوم عنيف من صفوفنا علي الجانب العراقي كنا بنضرب علي الخنادق بالصواريخ ..

في الاحداث دي كان في شاب اسمه ناجح  بيقول ناجح ..
- سمعنا من قائدنا ان الهجوم الايراني قريب جدا وان الهجوم الايراني هيهجم هجوم كبير جدا .. وبعدها انفجرت الصواريخ ، انفجر صاروخ قريب من الخندق بتاعي ب مترين بس .. ادي ان كل الجنود ال في المنطقة وقعت .. اغلبهم مات والباقي بقي في اصابات خطيرة ، الحظ كان مخليني من الاصابات الخطيرة .. لحد مسمعت الجنود بتدخل الخندق كان معنديش اي شك ان دول الجنود الايرانين لما سمعت كل ال بيتالم بيضرب بالرصاص عشان يموت .. مش عايزين يسيبوا حد حي  تظاهرت اني ميت بس مكنتش قادر من التنهيد من الاصابة ..
.
في الظروف دي دخل جندي اسمه زاهد ..وبيقول
- كنت خايف ادخل الخنادق لان في لحظة زي دي اكيد ممكن جندي عراقي يفجر نفسه بقنبلة لانه ميت لا محالة فيموت بشرف ويبقي اخد ضاحيا مننا .. دخلت خندق ولقيت جنود عراقيين موتي بس في شخص بيتالم قربت منه وحطيت بندقيتي علي راسه .. فضل يبكي ويقول بالله عليك انا عايز اعيش .. بالله عليك انا عندي طفل !! كان بيترجاني بس انا مش فاهم اللغة العربية نظرا للغتي الفارسية ، بس كنت بسمع اسمع الله بيقوله كتير .. قربت منه ! وفتشت في ملابسه ليكون فخ وبيحضر قنبلة .. لقيت مصحف .. بصلي وقالي ده مصحف والدتي اديتهولي عشان يحفظني ، مكنتش فاهم اي حاجة بس كنت فاهم من تعابير وشه ولقيت في المصحف صورة زوجته وابنه !! فضل يشاورلي ان دي بنته ويشاور علي البندقية اني مقتلوش .. واضح انه فهم اني مش فاهمه وبيوضحلي ان دي عائلة ، بعدت البندقية بعيد وقولتله مش هقتلك !! فهمني وضحك .. بقيت افكر قبل محد يدخل الخندق يلاقي اعمل ايه واتصرف ازاي ..جبت جثث من الموتي وحطيتهم فوقي وخرجت لقائد الكتيبة وقولتله انهم كلهم ماتو .. رجعت واديته مسكن للالم وسيبته علي الحالة دي لمدة ٣ ايام ووديته مستشفي كسجين حرب  ..
.
انتصرت ايران في معركة خورام شار بس زاهد بردو مسكته قوات عراقية واعتقل كسجين حرب .. وبقي في السجن لمدة ٧ سنوات وبعد مانتهت الحرب خرج .. رجع زاهد لايران فرحان ! بس لقي ان اهله غيرت سكانها بعد مافتكره انه مات في الحرب ، فضل يدور بدون فايدة ، لدرجة انهم عملوا ليه قبر وحطوه شاهد كمان .. وقف قدام الحجر ال مكتوب عليه اسمه وفضل يبكي وهو مش مصدق .. بيحكي
- فضلت ابكي كتير وكوابيس الحرب والموتي بقيت تطاردني ..وبقيت علي الحالة دي لحد ملقيت وظيفة كبحار ووصلت لمدينة فانكوڤر في كندا ..
.
علي الطرف التاني ناجح كان سجين حرب بس فضل في السجن ١٧ عام وخرج .. وراح لاسرته ال قررت تسفره برا عشان نفسيته بس متحسنش .. لحد ملقوا مركز تاهيل نفسي .وقرراو انهم يوده ناجح هناك لان نفسيته كانت تعبانة ومبيتكلمش كتير من ال شافه .. ناجح راح مركز التاهيل وشاف شخص ملامحه عراقية .. بس كان بيكلمه مبيردش عليه بالعربية
-- انت ايراني
- ايوه انت بتتكلم لغتنا !
-- كنت سجين حرب هناك ١٧ سنة وعرفت بعض الجمل ..
-انا كمان كنت سجين حرب في العراق !!
- يبقي انت جي تتعالج زي الحرب دمرتنا نفسيا وعضوياا ..
-- اه بس انت ازاي اعتقلت
-- لا دي قصة كبيره في خورام شار
-- انا كمان كنت جندي ايراني في خورام شار احكيلي  !!!
- لا بس انا قصتي صدفة مش هتتكرر جندي من العدو ودي مبتحصلش يساعدني .. بعد ضرب الصاروخ دخل الخندق و
- ولقي معاك مصحف وصورة زوجتك وابنك ومكنش فاهمك بس قالك مش هقتلك وعالجك !!
- انت عرفت ازاي ..
-- عندك علامة علي دراعك اليمين ، وفوق سرة بطنك في جرح كبير صح   !!

قام زاهد يصرخ بدهشة ويبكي وهو بيقول انا ده اناا انا .. وفضلوا يبكوا بعد مشافوا بعض بعد ٢٠ سنة ، زاهد بيحكي وبيقول لما لقيت ناجح طلعني من الظلام للنور ، مكنتش اعتقد في يوم ان عراقي يكون اهم شخص في حياتي ..!