حكايات العالم التالت

تجربه عام ١٩٢٨

كنت بكلم خطيبتي فيديو كول .. وبقولها اني راجع مصر قريب اوي ، في نص المكالمة الباب خبط عندها قامت تفتح ! سمعت صراخ ، فضلت انادي ، عليا .. علياء انتي فين ! كنت بصرخ باعلي صوتي !! .. وبعد ١٠ دقايق لقيت واحد بقناع قاعد قدام اللاب توب بيضحك جاب من الارض ، وحطاها قدام الكاميرا ... كانت .. كانت راس خطيبتي !  توهت .. مكنتش عارف افكر ، كنت مصدوم مش مركز في ال بيقوله ، كل ال انا بعمله ان دموعي بتنزل ببطيء من عيني ، بصيت في عينه عشان احفظها !!  بس قبل ميقفل اللاب قال "" انا معرفش هي حكتلك علي ماضيها ولا لا بس هو ده جزائها ، اجمد ، اجمد ياوحش مفيش راجل يعيط هي دلوقتي بتتحاسب ! اكيد انت فكرها في الجنة بس هي شيطان ، شيطان وكان عايش في الارض .. وقفلت اللاب ، وانا مش عارف افكر في اي حاجة ، كنت حاسس اني ميت ! مفيش في ذهني غير كلامها وخطط مستقبلنا !! .. فاكر اول مرة قابلتها ف المانيا ، فاكر لما جت مع صديقي سعد اول مرة واتعرفنا ،  فاكر اخر حضن ليها وهي مسافرة من المانيا في ظروف مفاجئة وهي بتقولي انا هستناك في مصر وقالت لما تنزل هحكيلك كل حاجة ، عديت الايام والشهور عشان انزل .. لقيت نفسي بطلع موبايلي واتصل بسعد تليفونه كان مغلق ، كلمته واتس وانا بقوله علياء .. علياء ماتت ياسعد .. بعد دقايق اتصل بيا وهو بيقولي ..

- انت بتقول ايه يايوسف..
مكنتش بتكلم غير بصعوبة !! وانا بقوله انا نازل مصر وهجيلك..
.
ركبت اول طيارة نازلة مصر مكنتش بفكر غير في عين الشخص ال قتل علياء .. بعد ربع ساعة مضيفة الطيارة جابت فطار مكنش نفسي في اي حاجة بس لحظت في علبة الفطار حاجة ذهبي بتلمع فكيت ال كيس كان جمبها ورقة ! .. لو عايز تعرف مين ال قتل علياء حط السماعة الصغيرة دي في ودنك ، فضلت زي المجنون ابص في كل ال ركاب !! .. نديت المضيفة وانا بقولها انت جبتي الفطار ده منين !! كنت بزعق وبشخط !! ال ناس بتهديني ، لحد مهديت وقعدت علي الكرسي بتاعي وانا ببص في السامعة وبتاملها ، قررت اني احطها في ودني ! وانا بقول

- حد سامعني ؟ الو .. الو ..
-- هاهاها مكنش ليها لازمة الحركة ال عملتها في الطيارة دي ياايوسف ! ..

عرفت انه معايا في الطيارة كان صوته غريب فضلت ابص في عيون الركاب ..
-- يوسف متتعقدش تتلفت كتير مش هتلاقيني .. انا صديق مش عدو لو عايز تجيب حقك ! انزل في اول ترانزيت للطيارة هتلاقي واحد مستنيك بتشيرت اسفر في المطار هيديك في ايدك تذكرة ، خدها وارجع المانيا تاني .. انا عارف انها شحططت سفر بس اكيد علياء تستاهل !!

بعدها مبقاش يتكلم !! فضلت اقول الو بس مفيش امل .. نزلت في اول ترانزيت  ولقيت الشخص ده وهو بيديني التذكرة ال ميعادها بعد ساعة ، كنت حاطط السماعة في ودني لقيته اتكلم  ..
- تصدق انت فجائتني ، كنت فاكرك هتمسك في الراجل الغلبان ده .. بس انت كنت هادي وعشان هدؤك ده انا هكفائك وهقعد اتكلم معاك شوية
-- انت مين ؟
- مش مهم انا مين ! المهم اني عايز اساعدك ، انت صعبان عليا ، اعتبرني صديق مراسل ، اعتبرني ملاك ظهرلك بتوصله من سماعه مخفية في الودن ، انا هكون معاك خطوة بخطوة ، هوضحلك كل حاجة ! هقولك الدكتورة علياء ماتت ليه ؟  .. انا حقيقي عايز اساعدك ياايوسف ..
- تفتكر ماتت ليه !
-- السؤال ده هتعرف اجابته بس لازم تعرف حاجة يايوسف الدنيا دي غريبة جدا .. بتشوف انت نفسك في ايه وتحرمك منه ، مش عشان هي وحشة او جميع الخلق ضدك ، بس هي عارفة انك لازم تاخد منها الحاجة بالعافية ، مش هتديك الحاجة بسهولة ، لازم انت تعافر وتقاوم وتاخد حقك بايدك ..
.
فضل يقول الغاز لمدة ساعة لحد مالطيارة جت  كان جوايا بركان غضب ..!  ركبت وانا مستني يقول اي حاجة متكلمش لفترة طويلة مسكت موبايلي وانا ببص في صوري مع علياء كنت ببكي بحرقة لدرجة الركاب بيبصوا عليا   .. اتكلم
- لا يايوسف متعيطش !! هنجيب حقها سواء .. من اللحظة دي يايوسف اوعي تقلع السماعة من ودنك ، متثقش في اي حد غير السماعة دي .. متكلمش اي حد !! هنجيب الحق بالعقل بالتفكير مش بالقوة ..
--صدقني انا لو شوفت ال عمل فيها كده هاكلو بسناني !! .. ارجوك قولي مين ..
-- كله في وقته ياايوسف كله في وقته عشان شكلك متهور ..
.
رجعت المانيا تاني دخلت بيتي وانا مش قادر اتلم علي نفسي.. كان شعوري غريب ! مش عارف اوصفه ! حولت اقتل نفسي .. بس شوفت علياء في خيالي وان لازم اجيب حقها .. الشخص ال في السماعة اتكلم ..
- يوسف .. يوسف
-- ايوه
- هتلاقي مصل في الحمام احقن نفسك بي دلوقتي !
- انت دخلت شقتي ازاي ؟
-- انا ادخل اي حته يايوسف احقن نفسك بالمصل ده ..
- فضلت ابص علي الحقنة وانا خايف ..
-- انت خايف اني اكون بضرك .. يوسف ال قتل علياء انا هدخلك المقر بتاعه ، مقر MNT المقر ده ياايوسف خطير وانا هحكيلك حكايته بس لما تاخد المصل ..