حكايات العالم التالت

منزل الاس

لو ربنا كتبلك وسافرات امريكا وحبيت تعيش جو مغامرة ورعب اول حاجة هيدلوك عليها هو منزل الاس .. منزل قديم مشهور في امريكا ..
المنازل القديمة فيها ذكريات كتيرة لناس عاشت فيها ورحلوا عنها ، بيتركوا وراهم ضحكاتهم واحدايثهم ورحهم الطبية ال بتملي اركان المكان بس احيانا بيتركوا اسرار ، اسرار اكبر من انها تكون ذكريات اصوات مكتومة وخطوات صامته ، ووجوه شاحبة بتطل علينا من عالم اخر عشان تلميء الرعب في اجساد الاحياء ، بعضنا بيسميها اشباح وبيربطها بارواح الموتي ال رفضت انها تخرج من المنزل .. قصتنا النهاردة عن مزرعة الاس في امريكا .. تعالي ناخد جولة ؟

- اشباح انت بتهرج ؟
ضحكت فرانسيس علي القصة ال رواها الراجل العجوز ال بيدير المنزل والتفت ليه وقالتله ..
- مفيش حاجة اسمها اشباح ياسيدي .. دي مجرد خرفات وعشان اثبتلك هبات ليلة في البيت

الراجل مجدلهاش وبالفعل سجل اسمها في الدفتر  واتمني ليها ليلة سعيدة ، العجوز كان راجل محترم بس فرانسيس انزعجت شوية من الابتسامة الخبيثة .. فرانسيس فعلا باتت في المنزل ليلة  وال حكته كان كالاتي

انا هكتب احداثي كاملة في كتاب ، ولكن هديكوا نبذة عن ال عشته ، كنت تعبانة ونمت علي طول ، صحيت وانا مش عارفة الساعة كام بس الشمس مكنتش طلعت  ،  كان في ضوء اصفر خافت بيتراقص علي الجدار ، حسيت بكائبة بتسيطر علي مشاعري ، لفيت براسي عشان اشوف امراة سوداء بتقف خلف السرير المجاور ليا .. كانت لابسه قلنسوة خضرا و ماسكة شامعة ملابسها غريبة وقديمة  الطراز.. صرخت وغطيت وشي ، يمكن تكون خدعة !  فضلت ارقبها بطرف عيني ، مكنتش بتبص عليا اتشجعت وقولت يمكن تمثال ، واول مقربت منها اختفت زي الدخان !!
.
في القرن التاسع عشر كانت العبودية شيء اساسي ورئيسي في امريكا خصوصا في الجنوب ، عشان مزارع القطن الكبيرة .. كان في مزرعة اسمها مزرعة الاس المئات من العبيد كانوا بعيشوا حياته مهينة فيها  بيعملوا طوال اليوم باجور زهيده مقابل نومه في كوخ حقير مش صالحة للحيوانات  .. لكن ال كان بيخفف عنهم هي طيبة مالكة الارض السيدة  اليزابيث بوتر ال ورثت المزرعة من زوجها بعد وفاته مرت السنين والسيدة اليزبيث كبرت مبقتش قادرة تتولي ادارة المزرعة ، وكلفة زوج بنتها سارا  كلارك ودروف المسؤلية .. ودروف كان انسان انتهازي ، كان بيعامل العبيد بقسوة ، دروف كان بيغتصب العبيد النساء بس بمقابل ، والقابل انها متشتغلش كتير بس تبقي بتاعته اي وقت .. من ضمنهم الخادمة كلوي ، وال كان بيهددها لو موفقتش هيرجعها تشتغل زي اقذر عبد لو ملبتش رغباته .. ومع الوقت بداء يمل من كلوي ..
.
كلوي بعد مسابها وردف خافت انها تنزل الحقول تاني وتم معاملتها بالكرابيج .. فلجئت لحيلة التصنت .. فكانت بتتصنت علي احاديث رودف وسارا والعجوز اليزبيث لمعرفة انها هتروح الحقول تاني ولا لا .. بس لسوء حظها شافها رودف متلبسه ، قرر انها تبقي عبرة لكل العبيد ، فجاب سكين وجرها وسط العبيد وقطع اذنها الاتنين .. ومن الوقت ده كلوي حطيت علي اذنها قلنسوة خضرا عشان تغطي التشوهات ال حصلت ، كلوي فضلت شايله في قلبها لحد مجت الفرصة ، والفرصة كانت عن طريق كيك عملته وقدمته في احتفال بان  سارا في الشهر ال ٦ من الولادة  .. الكيك كان في سم عشان يقضي علي العائلة كلها ، بس خطتها منجحتش وردف مالكش ، ماتت زوجته وابنه الجنين وطفلين تانين والسيدة اليزبيث ، العبيد كلهم جريوا علي الاكواخ وردف كان شيطان غاضب ، شنق كلوري ومثل بجثتها ورمها في نهر الميسيسبي ، وبعدها امر وردف بان محدش يقرب من جثة زوجته والطفلتين ومحدش يخش الغرفة دي نهائي وهيبسهم فيها ومن ساعتها الغرفة دي اتسمت ""بغرفة اللعب"" بيزعم البعض في وقتنا الحديث انهم بيلاقوا اصوات لاطفال في الغرفة دي اثناء زيارتهم وبياكد شاهدون تانين انهم بيشوفوا طفله بتقفز من سراير الغرفة وهي بتلعب ..
.
المنزل في امريكا اخد شهرة واسعه بانه المنزل المسكون الاشهر عندهم ..اشهر شبح شافوا الناس هو السيدة السمراء ال ماسكة شمعة وعندها قنسلوة علي اذنيها وكلهم بياكدوا انها كلوي .. بس المنزل مش مشهور عشان القصة دي بس المنزل مشهور انه بيقتل كل ال بيعيش في  ، المنزل مليان بقصص القتلي واشهرهم  لويس سترلنيك وده ابن احد ملاك المزرعة  لقوا مقتول بطعنات داخل المنزل .. و ثلاث جنود اختبوا في المنزل في الحرب الاهلية وماتوا .. في عشرنيات القرن ال فات لقوا جثة واحد من عائلة ويليمز مقتول وقالوا انه مات من لصوص..
وليام وانتر وده اشهر المقتولين في المنزل كان محامي واخو زوجة السيدة ماري  صاحبة المزرعة في الوقت ده وكان عايش معاها في المنزل هو وزجته وطفلينوا الاتنين وسنة ١٨٧١ ناداه شخص مجهول طالبا رؤيته واول مخرج اضرب طلقة ، بس مماتش زحف للداخل واستمر في الزحف عشان يموت في احضان زوجته ، وال بيزروا المكان ييزعمه انهم شافوا وليام وانتر بيحاول يصعد السلم وهو مقتول ..

١٩٨٥ فريق تصوير مهتم بالغرائب دخل المنزل وقرر انهم يعملوا مشاهد داخل غرفة اللعب ، فحركوا الاثاث وصوروا وخرجوا لغرفة تانية بس لما رجعوا لغرفة اللعب .. لقوا الاثاث رجع لمكانه الطبيعي !!

٢٠٠١ واجه احد البرامج الوثائقية اثناء تصويره للمنزل مشاكل غريبة اول مرة تحصل في التقنيات .. زي كاميرات متصورش ، يصور يلاقي نفسه مصورش حاجة ، النور يقطع كتير ..

مئات القصص عن مزرعة الاس هتلاقيها في كل مكان ودي القصص المشهورة ! هتلاقي مئات الفيديوز عن مزرعة الاس وملاين المشاهدات ! .. بس ياتري القصص دي حقيقة ؟ وهل الكلام ده يمشي مع المنطق ؟
١٨٣٠ بعد موت سارا وطفلين سافر وردف لمدينة لويزيانا ومذكرش انه كان وردف في الوثائق الحقيقة ان وردف مكنش بيغتصب العبيد بس كان قاسي والوثائق بتقول ان مفيش خادمة كان اسمها كلوي  .. وسنة ١٨٣٤ اشتري مالك اسمه رافن غاري المزرعة وصرف فلوس كتيرة في ترميم المنزل .. ورغم الفلوس الكتيرة الا ان ٥ اطفال من تسعه ماتوا بالحمي .. فخلاه يسيب البيت وقال عليه مشؤم ، سجلات الولايات المتحدة معندهاش ولا دليل ان حد من ال جنود دي التلاتة مات في المنزل  ! ١٨٦٥ باعت السيده ماري للسيد وليم زوج اختها المزرعة .. بس فعلا وليم مات بس زوجته خرجت لقيته ميت برا مطلعش مات في حضنها.. ١٨٨٦ خسر اخوه ماري المنزل في لعبة قمار بس وسنة ١٨٨٩ اخدت عائلة ويلمز البيت ، بس بردو مسلمتش ومات ابنها هاري غارق في نهر الميسيسبي وابنهم التاني مات ١٩٢٧ من احد اللصوص وفي السنين دي الناس قالت ان البيت ده مشؤم وال بياخده صاحبه بيجراله حاجة  واتولدت قصة كلوي كانت الاول  .. وسنة ١٩٥٠ اشترت سيدة غنية اسمها ماجوري مانسون  المزرعة بالمنزل ، حست ان في حاجة غريبة بتحصل في المنزل فسالت الناس العجائز في المنطقة وكل ال عارف اي حاجة عن المنزل وبدات قصة الاشباح تذداد والمكان يتشهر اكتر .. ودلوقتي استقر المنزل لزوجين چون وتيتا خلوه منزل سياحي تزوره وتقضي ليله وليك وجبة  وجولة في المنزل بالمزرعة كلها .. وال بيزروا المكان بياكدوا ان في حاجة غريية في البيت ..
-- بص يامعلم لو دورت وبحثت هتلاقي ان في ناس اكدت ان كلوي دي موجودة وفي صور منتشرة علي النت ! وفي الف قصة تانيه
-بس مفيش وثائق بتقول ان كان في كلوي اصلا فانا مش هقتنع  !!

-- ففكك من كلوي قصة الحارس ال شاف واحدة داخلة وسالها رايحة فين بس اتفاجئ انها دخلت المنزل من الاسياج من غير متعدي البيت  .. و

-  متكملش ! ليه ميكنش ده وسيلة اجتذاب سياح واستدار اموالهم ..

-- طيب ماكيد في ناس مش من مصلحتها الكذب منزل بالشهرة دي ليه كل الناس تكدب

- طيب ليه متكنش مجرد هلوسه ! ليه ميكنش ان من سيكولچية الانسان طلما انا داخل وخايف من مكان هخاف منه اصلا..

- طيب وملاك البيت ال كانوا بيموتوا .. بص يامعلم انا مش مصدق ومترغيش كتير البيت مسكون ..

التصديق من عدمه متروك ليك انت صباحكم جميل :''D