حكايات العالم التالت

الحقيقه الكامله

الحقيقة عمرها مكانت كاملة ياصديقي.. كل واحد مننا بيري الحقيقة ال هو عايزها بس ، وال بتروق ليه وعايز يؤمن بيها ، اما الحقيقة الكاملة محدش عارفها .. فرحلتي للبحث عن الحقيقة قبلت كتير من الحقائق ، بعضها حبيته ولكن الاغلب بقي مصدر خوفي وانطوائي .. انا هديكي مذكراتي  ، بس اوعديني !! اوعديني انك تهربي ، اهربي  ياسارة ! ..
.
دي الجملة ال قالهالي معتز واداني المذكرات ومشي .. معتز شخص جريء جدا اول مرة في حياتي اتشد لشخص معرفوش طلب مني اني اخد رقصة معاه ، عرفت انه عنده ٣٠ سنة وانه وحيد كان بيبصلي بذهول .. بس هو بيناديني سارة وانا اسمي فريدة !! .. حولت اتاقلم بس مسك دماغه واحنا قعدين قال انه لازم يمشي حالا وبعد ساعتين اتصل بيا  واداني المذكرة وقالي الجملتين دول ! روحت المنزل عشان افتح مذكراته واقراها ..
.
٢٢/٩/٢١٠٢
مرحبا .. كل ال فاكره ليلة امبارح اني شوفت اجمل بنت في حياتي .. شعرها ابتسامتها رقصتها ، بخطوة واثقة اقتربت منها وقولتلها ممكن رقصة معاكي ؟ قالتلي لا !! خرجت حزين ودخلت سيارتي وفضلت ابكي .. ودلوقتي انا صحيت وعلي فراشي .. بحضر فطاري وبشرب قهوتي ، وبعدها ابدا في قراءة الجريدة ، اثار انتباهي حاجة غريبة !! وجدت الشرطة جثة فتاه مقتوله في شقتها .. كانت نفس ال فتاه ال رفضت الرقص معايا امبارح ،  هه رغم انها رفضتني بس انا حزين ، اتمني ان القاتل يتقبض عليه ..دلوقتي لازم اروح العمل ، انا بعمل كجرسون في احد المقاهي ، تخيل انك لازم تشوف وجهوه تعيسة طول اليوم ، مدير المقهي اداني وظيفة بعد موت امي وابي وانا صغير ، احيانا الوحدة بتموتني بالبطيء  ، شكلي ابتديت اصعب عليك ، دي مجرد البداية ، بس اظن انك في اخر القصة هتكرهني .. او ممكن تحبني ! او هه تشفق عليا ، خلينا نكتشف ده .. بيخلص شغلي في تمام الثامنة بعدي علي محل للبيتزا اخد واحدة واروح اشغل التلفاز وانام ، ايوه ده كل شيء ، اعتقد ان يومي ممل جدا .. ولكن متقلقش يوم الجمعة ، بسهر مع رفقائي في مرقص وبنشرب وبعدين بنروح البيت ، اصدقائي في العمل متجوزين ، بس ده ميمنعش من التسكع مع النساء ، بكره الخونة ، بس النساء بتنجذب ليهم عكسي تماما .. الكل بيرفضني .. انا هنام شوية ، لاني مصاب بالاكتئاب ! مع اني عارف ان في احلامي هلاقي موت ودم .. ولكن هحاول انام ..!
.
٢٣/٩/٢٠١٢

انا خايف .. صاحي عرقان ، كاني كنت بخوض معركة ! كابوس جديد ، فاكر الفتاه ال لقيتها في صورة الجورنال !! لقيتها تاني .. كانت بتتوسل  وتقول !! ارجوك سامحني انا معملتش حاجة .. ارجوك متقتلنيش  ، بس مكنتش بتتكلم ليا كانت بتتكلم لحد تاني .. راجل وسيم ومفتول العضلات ..شعر طويل وعيون زرقاء قتلها وبصلي وقالي متخفش .. والحلم خلص واستيقظت .. ارجوك لو قريت المذكرات دي متشكش فياا .. انا مقتلتش ، انا مقتلتش حد !! اوعي تكون بتشك فيا .. انا هنزل وهروح الشغل ..

٢٣/٩/٢٠١٢
مش عارف انام .. بفكر في الماضي ، ايام مكنت صغير ، كانت علاقتي جميلة بامي .. كانت وحيدة بدون اصدقاء او عائلة كنت انا وابي بس ال في حياتها ، كانت صندوق اسراري ، ورفيقتي الوحيدة ، كانت بتخاف من البشر وخصوصا النساء .. تحذرني منهم ديما ! بس كنت ديما بتفادي النصائح دي ، كنت مش عايز ابقي زي ماما .. عايز اتزوج ، احب ! مش عايز اعيش حياتي لوحدي ، لكن كل يوم بيمر  بتاكد اني ماشي علي طريق امي.. النهاردة كان الجمعة  .. يوم السهر مع الاصدقاء .. اتعرفت علي بنت اسمها جديدة، كانت قاعدة لوحدها طلبت منها اننا نرقص ووفقت .. بعد مخلصنا مسكني صداع شديد ، ومش فاكر اي حاجة .. علي العموم انا مخبي عليگ سر .. سر عمري مقولته لحد ! .. عندك اسرة ؟ بتحبهم ؟ انا كمان كان عندي اسرة .. كنت بحبهم ، بحب بابا وماما جدا ، بس بابا عمره محبني .. كان عندي ١٢ سنة في طريق عودتي من المدرسة ، كانت المدرسة مخلصتش بس انا اطردت ، كنت خايف ، خايف اقولهم اني اطردت وبفكر في حجة ، وصلت المنزل ورنيت الجرس ..سمعت صوت من الشباك ، ولما بصيت لقيت حد بينط من الشباك !! صرخت ، حرامي !! حرامي .. بس هو جري .. فتحت ماما الباب وهي بتقول
- معتز في ايه ؟
-- ماما انا شوفت حرامي !!
- لا ياحبيبي ازاي انا كنت جواه خش خش .. ايه ال جابك بدري ..