حكايات العالم التالت

الضحيه الجديده

تفتكر الحركة ال انت لمحتها من زاوية في عنيك تهيؤات ! طيب الستائر .. اه الستائر ال بتتحرك في غرفة نومك تفتكر بردو انه نسيم هواء ؟ الصوت ال سمعته بليل ! هو صوت تقلباتك ؟ لو لسه مصمم !! فانا .. انا عندي قصة !  انفصلت عن اهلي قريب ،وكنت حابب استقر بحياتي وبذاتي وكياني الخاص .. بس كانت النتيجة اسواء مما توقعت ، اجرت شقة في وسط المدينة ! الشقة كانت الدور الخامس .. طول حياتي انطوائي ومليش دعوة بحد .. السمسار ال جبلي الشقة طلع شغال امن في العمارة  ، كنت مستغرب العمارة مفهاش غير شقة واحدة ال مسكونة وال عرفته من فرد الامن لما اتكلم ان العمارة كانت ورثة لولاد واحد اسمه بنبان .. وعشان كده اسمها عمارة بنبان وعمل العمارة في وسط الحي لاولاده الاتنين واحد سافر وواحد عايش .. اكد عليا اني مقربش من الدور التاني ولا حتي اقول لصاحبها مساء الخير ، محولتش استفسر وقولته ان شغلي الجديد هيبقي هيحتم عليا ان ادخل البيت ٢ بعد منتصف اليلل يعني بالتاكيد مش هشوفه الا نادرا .. وصلني للدور بتاعي وقالي معلش مقدرش ادخل الشقة ! كل حاجة بتحصل كانت غريبة .. بس انا مكنتش مهتم ..!
لما دخلت لقيت شقه عظيمة اوي ، مكنتش اتخيل انها تبقي ليا لوحدي ! ، هوصفهالكوا ..
.
اول مبتدخل بتلاقي صالة كبيره اوي ، جمب الباب في بورتوريه كبير عليه صورة 2 متجوزين ! ، لو دخلت شمال هتلاقي صالون جديد لسه بعفشوا بس مترب شويه مقفول من فتره مش قريبه اتاكدت ان حد كان عايش هنا .. ، ولو دخلت يمين بتلاقي اوضتين اوضه صغيرة جدا ، واوضه كبيرة ، انا اخترت الصغيرة ، خصوصا ان الجو برد ودي مفهاش شباك ، فيها بلكونة صغيرة .. انا متعود ان انام ٤ بعد منتصف الليل ، ولكن المرة دي كان غلبني النوم واثناء وانا بروح في النوم لمحت طيف .. طيف بيتجول في الصالة ، فتحت عيني عشان ملاقيش اي حاجة !! ولكني نمت .. صحيت علي صوت رن موبايلي .. انا متاكد ان قفلت موبايلي .. مسكت التليفون .. وكل ال سامعه وشش وكل مقول الو .. اسمع تردد صوتي ! .. قفلت الموبايل ونمت .. بس نمت وانا متوتر .. ولكن اقنعت نفسي ان توتري بسبب اول ليلة مش وسط اهلي  .. وبعد دقايق حسيت بصوت في البلكونة ! صوت حد بيمشي اكيد حرامي ، انا بخاف من مواجهه اي حاجه .. وعشان كده قومت اسمع الصوت ده  ، حاسس بخطوات  رجل ماشيه في البلكونة نورت النور وفضلت اعمل نفسي برتب حاجات ، عشان لو حرامي يعرف اني صحيت ، مش بتمني مواجهته ! ..، الصوت اختفي اكيد خاف ومشي ، فتحت البلكونه وانا في ايدي سكين ، بس ال قابلني في وشي رياح البرد الجو وحش جدا وريحة وحشة ، ملقتش اي حد ، قفلتها باحكام بسرعه ، كنت فعلا تعبان وعايز انام .. ده ارهاق .. بس ! بس موبايلي رن تاني .. انا متاكد ان قفلته .. متاكد المرة دي ان قفلته .. كانت نمرة غريبة ! .. لسه سامع صدي صوتي .. بس سمعت حاجة تانيه .. سمعت كلمة !! كلمة واحدة اهرب ! كانت بصوت مبحوح !! .. نور الحمام فتح وقفل ٣ مرات .. في حاجة غلط ! في حاجة غلط .. خرجت من الشقة بس الاسانسير مش شغال .. نزلت ! بس وانا نازل .. شقة الدور التاني فتحت ! كان بيفتح ببطيء صوت صرير الباب في اذني .. وقفت علي السلم مكنتش عايز انزل .. بس هو طلع .. كان راجل كبير ! شعره ابيض وملامحه غريبة  "" ابتسملي وهو بيقولي متطلعش لانها اليومين ال فاته كانت معايا وراجعة النهارده .. قفل الباب بنفس البطيء وسابني في تساؤل !! مطلعش فين .. ومين ال راجعة ؟؟ نزلت جري وانا نازل سمعته بيضحك اسوء ضحكة سمعتها في حياتي ! نزلت عشان الاقي باب العمارة مقفول .. وبتاع الامن ال هو عرفني علي الشقة .. قاعد علي مكتب !  صرخت في وقولتله افتح باب العمارة انا مش هعيش هنا .. بصلس وقالي مالك !! خايف ليه في ايه ؟ قولتله ايه ال بيحصل هنا بالظبط .. قالي !! علي الشقة صح .. كنت برتجف وبقوله انت اخدت عربون انا مش عايزه عايز امشي بس قبل ممشي عايز اعرف كل حاجة !! .. بصلي وقالي ومين قالك ان هدهولك !  بس بلاش اقولك وامشي .. قولتله لازم اعرف ..بصلي تاني وقالي براحتك  .. من ١٠ سنين في ادم بينبان اتجوز في الشقة في الدور ال خامس .. وف يوم ملعون دخل ادم لقي اخوه وليام بيخونه مع مراته .  قتلهم هما الاتنين .. بنبان الاب اتجنن مبقاش عارف يقول ايه .. دفنهم في الشقة وقرر انه يعزل ابنه في الدور التاني ويقول ان ابنه سافر .. المساكين ال زيك كتير .. شقة لقطة مقدم ٦ شهور .. بس كل ال دخلها محدش كمل ! بصيت في عينه !! قولتله طيب وانت قاعد ليه ؟؟ ضحك نفس الضحكة ال سمعتها في الدور التاني ..و قالي قولتلك بلاش اقولك ..وانت سمعت وال بيسمع مبيطلعش البوابه اتقفلت علي كلمة انا ال بحضر الروح دي للادم وانت الضحية الجديدة !! ...