حكايات العالم التالت

جارى دانى

كنت راجع البيت بعد سهرة مع جاري داني .. الوقت كان متاخر !! طلعت البيت وقررت اخد دش بس التليفون الارضي كان بيرن بصيت علي الرقم لقيته داني .. تجاهلت تمام لاني زهقت من الرغي معاه طول اليوم .. اثناء وانا باخد دش كان بيرن اكتر .. مش راضي يفصل ! شغلت اغنيتي المفضلة في الحمام وتجاهلت تاني وعليت الاغنية ، بعد مخلصت الدش .. لقيت ان التليفون الارضي بينبهني برسالة من داني!! ..

- كين  رد !! انت مبتردش ليه ياكين !! اوعي تكون نمت .. كين انا خايف !.. اول مدخلت الشقة سمعت ضحكة ، قولت يمكن عشان احنا سكرانين ، بس بعد دقايق نور البيت كله طفي ياكين ! .. مش عارف حطيت موبايلي فين ، فضلت ادور ملقتوش .. سمعت صوت ضحكة جي من الحمام !! .. وبعد دقايق .. سمعت نفس الاغنية !! الاغنية ال سمعناها انا وانت من ٤ سنين يوم الحادثة .. فاكر الحادثة ال خطبنا فيها شاب وقولتلي اجري ؟ انا بطلت اسمع الاغنية دي يااكين !! .. انا خايف جدا .. في شموع بتتولع برا ! .. تفتكر هو ؟ تفتكر هو ياكين ! تفتكر روحه جيا تنتقم مننا !! ..
كين انت مبتردش لييه !! مبتردش لييه عليااا !! مش معقول تكون نمت .. كين في ولعه .. ولعه في الصالة !! .. كين انا خايف بجد ..!! خايف من الشخص ال غريب ال برا .. تفتكر شبح ياكين ! اصوات غريبة .. سامع ؟؟ سامع انت صح !! كين ده بقي يغنيها هو بصوته !! .. كين قوله .. قوله ان انا مكنتش سايق !! ..
"" مش انا مش انا ال كنت ساايق !! "
كين ارجوك رد علياا ..

كان بيبكي وبيصرخ !! .. صراخ هيستيري وهو بيترجاني ارد .. خلصت المسج وانا مصدوم من ال سمعته وكمان مصدوم من صوت الاغنية وصوت الشخص ال بيغني الاغنية برا صوته كان واضح ..!
خرجت البلكونة وابص علي شباك كين !! لقيت كائن غريب واقف بيبص ليا !! .. قلبي وقف ..!!  كانت نظراته ليا غير عادية !!فضل يبصلي شوية وبعدين ابتسم !! ابتسامة مرعبة !! ..اتصلت بالشرطة وجم ..سمعتهم المكالمة كلها عشان يدخلوا لبيت داني .. كان ميت ! ميت بس محدش لمسه المخيف هي نظراته .. الاطباء قالوا انه ميت سكته قلبية وانه كان بيتخيل .. ومهتموش بالصوت ال كان بيغني معاه .. اما الشرطة رجعت الاعترافات .. مقدرتش انكر اي حاجة ! اعترفت عشان اعرف الشخص ال خبطه بالعربية كلن مصيره ايه ! لانه لو كان عاش يبقي اكيد عرف نمرة العربية وحد دله او حد كان شافنا وقاله ! الغريب انه مات .. مات بعد الحادثة ب ٦ ايام !! .. اتقبض عليا واتحكم عليا ب ٨ سنوات .. بعد اسبوع اخر يوم ليا في السجن .. بس انا خايف اخرج ..

#قصص_حقيقة_مترجمة