حكايات العالم التالت

مذاكرات

انا لقيت مذكرات في المنزل ده .. ايوه المنزل ال في الصورة ده ! ، بس قبل مبدا بسرد المذكرات انا عايز احكيلوا طبيعة المنزل ، المنزل هادي جدا وسط القبور اقرب قرية ليك علي مسافة ٣٠ ميل ، ال عرفته من تاني يوم سكن ليا في المنزل ان المنزل ده توارد عليه ناس كتير بس مكنوش بيعمروا .. ومقصدش بمعني مكنوش بيعمروا ده انهم سابوا المنزل بارادتهم ! .. انا اقصد معني تاني ، خليني ابسطلك واقولك ان كل سكان المنزل ده ملهمش اثر حتي الان ، خليني اقولك حاجة تانية المشكلة مش في المنزل ! المشكلة في الطمع ! اه الطمع ، الطمع هو ال خلي المنزل ده سيء وان كل ال سكنه المنزل ده متبعوش الرسايل ومفهموهاش .. لا ده عمله ضددها ، واول واحد جلب اللعنة للمنزل ده هو ويلي ويلسون ال كل القصة هدور عليه ، اه بيدور عقلك سؤال.! انا هجوبك عليه ، انا ايه ال جبني المنزل من الاساس .. ، خليني اجوبك اجابة نموذجية ، انا مكنتش اعرف حكاية المنزل ده خالص ! .. ااااه .. كان شغل ، عبارة عن شغل بمرتب ٣٠٠٠ دولار في الشهر ، ايه المقابل ؟ هو انك تفتح البوابة وتستني مراسم الدفن وترش علي الورد ماية .. وتستني لاخر فرد من عائلة المتوفي يخرج من القبور وتقفل البوابة وتخش تنام او تقرا او تسلي وقتك زي متحب ، وليك زميل كل واحد ليه اسبوع شغل واسبوع اجازة .. يعني ٣ اللاف دولار في شغل اسبوعين يابلاش .. اكيد انت عايز تعرف انا عرفت ايه حكاية المنزل وانا عرفتها ازاي .. اول يوم مسكت في الشغل كنت خايف اني هنام وسط الموتي ، ولكن الوضع كان سهل جدا مكنش مستاهل الخوف .. تاني يوم خبط عليا راجل عجوز وجهه عبوس وملامحه جافة ، مكنتش عارف دخل من البوابة ازاي .. بس كل ال قاله انا محتاج اقعد ادردش معاك كل يوم .. سالته اول سؤال انت دخلت هنا ازاي ، وكانت اجابته غريبة خلتني اقلق قالي " اوعي ف يوم تسالني انا هنا ليه وازاي وجيت من فين ! ، والا الضرر هيبقي كبير " ساعتها انا بصيت حوليا وانا خايف بس مبينتش وقولتله مش مهم المهم انك هتسليني ، ضحك وقالي انت كل يوم هتسمع قصة غير التانية .. كل يوم هتستناني زي مغيرك استناني ، وبص علي القبور ورجع بصلي تاني .. بصيت بنظرات تعجب ليه ، قالي كلمة جملة ومشي واختفي وسط الظلام .. قالي "" اوعي تبقي زي ويلي ويلسون "" ..
.
مكنتش عارف اختفي ازاي او تاه عن الانظار ازاي ..ومين ويلي ويلسون ..كنت خايف جدا ومش عارف اتكلم ، فضلت في اسئلتي وسط شغلي مع القساوسة وعائلات الموتي والمراسم .. وجه الليل واستنيته ، خرجت وجبت كرسي عشان اشوف دخل من البوابة ازاي .. بس انا لقيته جيلي من الظلام من ورا المنزل ، كنت خلاص هسال انت جيت ازاي بس افتكرت تحذيره .. ضحك وبين سنانه لما شافني ، السنة ال من الدهب بانت ولمعت .. جبتله كرسي وقعد ، وبدا كلامه .. بنفس الاسم .. وليلي ويلسون بس بصه علي المنزل وهو بيتني راسه ، سالته ممكن اعرف مين ويلي ويلسون ، ابتسلمي وقالي ..كل ال بيجي هنا ويلي ويلسون .. كل البشر ويلي ويلسون ،  هو ماجرمش ! كل البشر طماعين ، بس الطمع احيانا بيحفر قبرك .. مكنتش فاهم سالته ازاي ؟ ضحك وقالي .. هتعرف حكاية ويلي قريب اوي بس لو انت مكنتش بس لو انت مكنتش بنفس الطباع ! .. وهقولك تاني اوعي في يوم تفكر تبقي زي ويلي ويلسون وبص براسه علي المنزل بتاعي المفتوح .. وبعد مبص !! لقيت صرخة !! صرخة هزت كياني جيا من المنزل !! ..بالتحديد الغرفة المقفولة .. انا خوفت ولما بصيت جمبي ملقتش حد .. الراجل اختفي !! .. دخلت ببطيء وانا مش علي بعضي .. فتحت الغرفة المغلقة ال محولتش افتحها.. ولقيت مذكرات !! كانت مكتوبة بخط ايد وامضاء تحتها ويلي ويلسون .. اخدت المذكرات كنت في تردد اقراها ولا لا .. حطيتها في اوضتي وانا ببص في الغرفة المغلقة قبل مقفلها سمعت تنهيده غريبة .. قفلت الباب وانا سرعات دقات قلبي بتذيد .. استنيت الراجل العجوز تاني ..بس مجاش .. مجاش لاخر الاسبوع ! ، وكنت في انتظار زميلي التاني بس بردو مجاش ! .. سالت الادارة في التليفون ، قالتلي ساعة وهنتصل بيك .. وبعد ساعة قالتلي ان هتكمل كام يوم زيادة وبحافز لحد ميجبوا حارس يبدلني .. مكنتش عارف الحارس التاني مجاش ليه ! .. وبليل جالي العجوز ..  وخبط عليا ! .. قالي كلمة واحدة .. انا عايزك تمشي من هنا ..! عايزك تقرا المذكرات ال انت مخبيها وتمشي من هنا ، والا هيغوك .. هيلعبوا في شهواتك وهيبقي مصيرك زي زميلك .. وبص في المنزل تاني سمعت نفس الصرخة !!! ..بس مكنش اختفي كان بيقوم عادي واختفي وسط الظلام ..! دخلت غرفتي اقرا .. وكان مكتوب
.
انا خسرت كل حاجة .. خسرت كل حاجة ! لو انت سعيد الحظ فانت بتقرا مذكراتي ، انا ويلي ويسلون .. ٣٢ عام ! تاريخ النهاردة ٢/٧/١٩٩٥ كان عندي اسرة بس انا ال ضيعتهم بايدي ،  من سنة انا اتعرض عليا من مستشفي سرقة اعضاء الموتي .. كان الوضع شغال تمام .. كنت بفتح المقابر بليل واخد الجثث ال لسه مدفونة وبالمشرط اطلع ال محتاجينه مني من اعضاء ، احيانا في محتويات شخصية بلاقيها .. يعني خاتم نسيوه .. سلسلة دهب ، اه بتحصل ! انا شوفت كتير .. والكفن علي حسب الخامة ، الكفن انا كنت ببيعه ! .. لحد مجتلي جثة .. كانت جيا ومعاها واحد بس .. قالي خلص شغلك .. ولما خلصت محدش اداني تعبي ، اه لازم يديني تعبي مش مهم الشركة ! .. قررت ان الجثة دي انا هفصصها .. اخدت منها كل حاجة شوهتها تقريبا ..طلعلي منها مكسب بس! ٨ اللاف دولار ، كانت صف سنانة دهب اخدته ليا.. من بعدها كل حاجة في حياتي ادمرت ..! عايز اقولك الغريب .. ان وانا بقطع بالجثة دي بالمشرط ضحكت !! بصيت عليها لقيتها بتبصلي .. مخوفتش !! مينفعش تخاف في قبر لتموت .. عملت ايدي علي عينه عشان اغمضها ، بس بردو كان بيبصلي وعينه مغمضتش ..!  الادرنالين كان بيجري في دمي .. يمكن شعري الابيض ده من الموقف ده ..
.
من ساعتها وكل حاجة فعلا ادمرت .. صحيت من النوم في نفس اليوم .. علي صراخ ابني من برا ! ولما خرجت لقيته ميت قدام نفس القبر .. زوجتي ماتت من الصدمة ..! لحد ملاقيته .. لاقيته خارج من وسط المقابر وبيقولي .. الطمع ياويلي ! الطمع حفر قبرك بايدك .. سالته انت مين !! .. بص حوليه ، كنت شايف مجموعه من الخيالات .. ! كتفوني وبيخلوني اكتب كل حاجة اشكالهم مرعبة !! .. انا مش عارف هيحصل فيا ايه .. بس هو قالي اني لازم اتعاقب .. عشان كده خلاني اكتب ! ومش اي حد هيقرا .. ناس معينه هتنجح في الاختبارات دي .. انا بكتب وانا عايز اذود كلام عشان خايف من ال هيحصلي .. لو قريت امشي من هنا .. امشي من هنا ! .. ويلي ويلسون المقبرة ١٣  ..
.
خلصت قراية وانا بفكر في الاسبوع ال عشته هنا .. الاصوات ال كنت بسمعها .. الناس ال كنت بدفنها والاقي جمبها الماز ، والاقي في ايديها دهب .. الشخص ال عرض عليا في اول يوم شغل ان لو جبتله اعضاء الجثث هيديني مبلغ محترم ورفضت ومحبتش اتكلم .. فكرت في كل عامل زي مر بالتجربة دي ومجاش تاني .. عرفت مصيره كان ايه ! مصيره المقبرة ١٣ .. عرفت مين العجوز ال كان بيجيلي كل يوم .. صاحب السنة الدهب !! .. تخيلت لو كنت ولو مرة جريت ورا رغابتي كان هيبقي مصيري ايه انا استاذنته قبل مكتب .. مش هقول اسمي ومش هقول المكان .. ال هقوله اوعي تقلق راحة الموتي زي ويلي ويلسون واتباعه  ..!