حكايات العالم التالت

منزل مارتن

سيارتي عطلت في مكان غريب .. كنت جي زيارة لعائلة خطيبتي هيلجا ، واثناء وانا بفتح كبوت العربية لمحت راجل عجوز .. ماسك عكاز ومتجه نحيتي ، لما قرب مني اكتشفت انه اعمي .. في الحقيقة كنت خايف .. مش من العجوز ولكن من كلام جدة هيلجا المريضة بالزهايمر ال بصت في عيني وقالتلي امشي الصبح عشان اسطورة سيدة وينشستر ! ال بعد منطقت الجملة دي عائلة هيلجا بدات بالضحك وهيلجا قالت جديتي خلاص كبرت .. ولكن من ساعة مالسيارة بتاعتي اتعطلت وانا خايف .. ولكن مهما كان فده راجل عجوز وعلي خطواته الثابتة بدات المسافة بنا تقل وبدا يقرب مني اكتر ! ..وقف قدامي وهو بيقولي !! ايه ال موقفك في نص الليل ، انت مش خايف .. اصبتني رعشة بسيطة وانا بتلجلج في الكلام وبقوله .. من .. من ايه ؟ بهمس قالي من ونشيستر !! زعقت وقولتله ايه التخاريف دي ومين وينشيستر دي ؟؟ ضحك وقالي يابني بتزعق ليه بس !! انا جي اساعدك متخفش هي مبتقربش غير للشباب ومبتقربش للنااس ال فيهم عيب خلقي وانا اعمي .. انا واقف عشان سمعت صوتك وانت بتلعن الحظ وجيتلك بس لو مش عايزني امشي حالا .. حسيت ان بكلم الراجل بعنف شديد .. حتي لو كلامه مش عقلاني .. واتاسفت وقولت ، انا اسف ياوالدي بس انا غريب مش من هنا وكنت جي ازور .. ضحك .. ضحك ومخلنيش اكمل !! وقالي متكملش ومتقولش انك غريب !! هي بتعشق الغرباء .. سكت وقولتله طيب ممكن تخليك معايا لحد ماظبط العربية اوعدك .. اوعدك اني مش هاجي تاني هنا..!
.
هز دماغه وبدات في تصليح العربية ! واحاول اظبط البطرية لحد مشتغلت !! فرحت .. اخيرا همشي ..! ولكني وقفت وقولت للعجوز تعالي ياوالدي اوصلك ، ابتسم وقالي انا مش عايز اتعبك .. ضحكت وقولتله انا تعبتك وعادي لما تتعبني .. ركب العربية وفضل يوصفلي بيته ، وكنت عايز استغل ركوبه معايا في موضوع الاسطورة وبدا كلمنا
-- ايه ياولدي ال بيخليك تقعد في الجو البارد ده في نص الليل ..
- اه دي حكاية طويلة ، في الحقيقة انا المفروض اوصل الورقة دي لبيت اختي .. واحيانا بسلك الطريق ده عشان انبه الغرباء ، جيلنا بس ال عارف سيدة وينشستر .. لما بنحكي لحد بيقولوا عليا كبرنا وعجزنا ..
-- في الحقيقة ياولدي معانا حق يعني الاساطير دي في الافلام ..

بصلي وقلع النضارة عشان اشوف عنيه البيضه ووجه ال بان عليه الغضب .. واثار العمي..!

-- افلام .. اممم طيش الشباب !! ارجوك وصلني المكان انا مش ناقص سخرية ..
- انا ياوالدي مش بسخر منك انا عايز المنطق والعقل احكيلي .. يمكن اقتنع ..
-- طول مال في دماغك في دماغك مش هتقتنع
- هحاول .. يكفيك شرف محاولة اقناعي ..
-- من ٥٠ سنة كانت في عائلة اسمها عائلة وينشستر .. كانت بتاجر في العبيد ، كونه ثروة مهوله في الحرب العالمية التانية ، وبعد خسارة بلدتنا ..الحال ادهور .. بقيت عائلة وينشستر تسخر العبيد اكتر وبيتم تعذيبهم .. مات من العبيد كتير ! .. لحد مقامت ثورة العبيد ..قرر اخر فرد في العائلة انه وكان اسمه ديفيد وينشستر انه يقتلهم كلهم .. ولكنه مسلمش ، بعد موتهم مات بعدها بمرض نادر جدا .. كان متزوج من واحدة اسمها الينا وينشستر .. الينا كانت بتقول ان بيتها بقي مقر للاشباح !! كانت عائلة مكروها .. محدش كان بيساعدها .. لدرجة ان طفليها الاتنين ماتوا !! .. اصبها الحزن والاكتئاب ، بقيت ترمي فلوسها في الشوارع لما اصبها المرض وعرفت انها هتموت بسبب اللعنة دي .. ..لحد مواحد دجال قرر يساعدها .. وانها تبني بيت مكون من دورين ، الدور الاول .. مخصص لكل الارواح ال قتلتها وتعيش معاهم ولكنها في الدور التاني .. وان لازم كل سنة تجيب للبيت ٢٠ شخص كفدياا للارواح دي عشان عمرها يذيد ويرضوا عنها ..وانتشرت الاسطورة باختفاء الناس .. انت مش هتصدق ! ولا انا هكدب الحقيقة ال عشتها ..
.
سكت وانا بضحك ! لحسن الحظ انه كان اعمي ومش شايف تعبيرات وشي .. وقولت
- اكيد ياوالدي انت ادري انا غريب هنا ..

لبس النضارة تاني .. وقالي اعتقد اننا وصلنا ..قولتله انت هتنزل هنا قالي المفروض ان اوصل الورقة دي لشخص جوا .. كان ظرف اصفر ! نزل وفضل يخبط علي الباب مكنش هاين عليا امشي .. سالته انت هترجع تاني ..! وكان رده ان ممكن ابات هنا اتمني انه يفتح .. نزلت من العربية واخدت الظرف منه وفضلت اخبط جامد الباب اتفتح .. لقيت نفسي بتزق جوا !! .. والباب بيقفل !! وفي ايدي الظرف !! .. صوت غريب ! البيت ده مكون من دورين ؟! علي السلم شايف خيال ست واقفه ..بتميل براسها عشان تختلس النظر ، فاردة شعرها .. !! وبشرتها داكنه !! .. كنت بترعش من الاصوات انا سمعها .. في ايدي ظرف فتحته !! كان مكتوب في !! .. ( جبتلك الضحية ال ١٥ السنة دي !! وبردو كنت بحكيلوا عنك وعني وطلع غبي الينا .. اتمني دلوقتي انه يصدق علي امل لقاء اخر ) !! ..