حكايات العالم التالت

أنا تحت السرير

محدش يبعتلي اي رسالة !! انا تحت السرير .. كل ال في البيت ماتوا معادة انا !!  ارجوكوا الحقوني .. !! كنت بكلم استيڤن .. بعتله رسالة الساعة 2:06 بعد منتصف الليل ! .. وكان الحوار كالاتي ..

- ازيك ستيڤ سهران لحد دلوقتي ليه ..
-- ✓✓
-استيڤ انت بتعملي سين !!
-- متزعلش مايك ولكن انا مخنوق شوية ..
- طيب ماتحكي ؟
-- لا انا مش قادر ينفع اجيلك !..
- هو الوقت متاخر استيڤ .. اكيد مينفعش بس انا ممكن انزل ! انت بترد عليا ببطيء يااستيڤ !! انا مليت ..

.
قفلت الابلكيشن وفتحت ال FB .. استيڤ كان منزل بوست من ١٧ دقيقة كلام كتير جدا ..! عرفت ليه كان بيرد ببطيء ! انا شخص ملول جدا ، ولكن اخدني فضولي اني اقرأ  وده ال قريته ..
..
الواحدة بعد منتصف الليل ! كان متوتر ! ... خايف من ال بيرن عليه في الوقت ده ! شعور مخيف لما تلاقي حد بيرن عليك في وقت متاخر وانت قاعد لوحدك !.. لا مش ده المخيف ! المخيف فعلا انك تبص من عين الباب ومتلاقيش حد ! ومجرد مترجع تلاقي الخبط اشتغل تاني ؟!  اكيد مش هتفتح الباب .. ايدك هتترعش .. هتفضل تقول مين ..! بس مش هيرد عليك .. هو قاصد ميردش عليك !! قاصد انك تعيش اقصي درجات الرعب في اخر دقايق في حياتك ! .. استمتاع بنسبة ليه .. ! احتمال كتير تصرخ زي مهو عمل ! لما النور يقطع فجاءه !! .. هكون انا ببتسم !! .. هكون انا في قمة نشوتي !! .. وهو في اقصي درجات رعبه !! .. هتحاول تنور كشاف الموبايل .. عايز اي بصيص من النور عشان بس ! .. يحاول توصل لمنطقة امنه ..! بنسبة ليه  المنطقة الامانة دي اوضتك .. ! باب الشقة هيتفتح .. هيقفل عليه باب الاوضه بالمفتاح !! ..
.
هيصرخ !! هيقول انت مين !!.. سامع خطوات الموت ماشية ناحيته ! حاسس انه خلاص .. هيجيب دولاب او اي حاجة تقيله يسد بيها الباب .. لما يلاقيني بخبط عليه باب غرفته !! .. انا حاسس بي !! .. هو بيموت الف مرة .. وانا بتلذذ الف مرة .. هيقفل الباب باحكام شديد وهو بيحاول يسمع اي حاجة !! ..  هيمسك موبايله يحاول يستنجد بحد في الظلام !.. بس هيشوف خيال ضارب في  ركن الغرفة !! ده  هيبص اخر بصه في حياته علي ركن الغرفة ببطي ء .. عشان ده ، خيالي انا  .. !!

.
لما قريت الكلام ده خوفت !! ..بعت رسالة لستيڤن علي الواتس ..
- استيڤ انت رائع في القصص المرعبة ..

وبمجرد مبعت الرسالة باب الشقة خبط !!!! .. والدي كان في الصالة بيتابع التليفزيون !! .. بص من عين الباب .. وكان علي علامته الدهشة وهو راجع .. الباب خبط تاااني !!!  بس جتلي رسالة علي الواتس ابب

- عجبتك القصة !! هتعيشها زي صاحبك ..!!

بعتله رسالة تانية !!

- انت مين !! ..

صوت رنة الرسالة جو البيت !! النور قطع !! .. انا مستخبي وبكتب القصة وكل العائلة ماتت !! ساعدوني ..!