حكايات العالم التالت

جيمس

چيمس كان صح !! في حاجة غريبة في البيت !! كنت ديما بكدب نفسي وبقول ان چيمس مريض ب Somnabulism او المشي اثناء النوم .. ولكن ده غلط !! اناا خايف ، خايف جدا وعشان كده بكتب ورقي الاخير ، حابب احكي القصة من الاول ، انا وجيمس اصدقاء من الطفولة ، چيمس طبيعيته وحشة جدا انه بيحب الامتلاك ، كان مرتبط بفتاه وكان راسم حياته معاها ، كل تفاصيل الحب شوفتها في چيمس وناتلي ، ولكن في ناتلي قفشته في الشقة بيخونها مع فتاتين ليل انا جبتهم ، ومن ساعتها كل حاجة بينه وبين ناتلي ادمرت ، ناتلي قررت انها تصاحب واحد تاني ، بس چيمس مقتنعش بالامر ده ، كان ديما بيحاول ياذي الشخص ده باي تمن ، فكر افكار كتير جدا .. بس مكنتش بوافق ، لحد ما في يوم روحنا ملهي ليلي في اليوم ده انا قررت اشرب كتير بس چيمس مكنش بيشرب وعايز يبقي فايق لسبب غير معلوم .. نمت في العربية وهو كان بيسوق ، فوقت علي حادثة عنيفة ! بس چيمس موقفش .. قولتله چيمس ايه ال حصل ! كان مركز في الطريق وبس ومبيتكلمش حتي لما بصيت ورايا مشوفتش حاجة ، من ساعتها وچيمس بقي يبات عندي .. اول مرة اشوفه علي حقيقته ، او ممكن يكون اتغير ! مكنتش عارف  ، كل ال عارفه ان في حاجة غلط .. چيمس قرر يبات معايا في الغرفة ! .. حضرت سريرين وجهزت الغرفة بشكل تام .. چيمس نام بسرعة جدا .. وفي تمام الساعة ٢ بعد منتصف الليل .. لقيته نايم وبيقول كلام غريب بهمس
- انت حقير .. انا مش خايف منك .. انت جبان !!
بعد مكنت نايم علي ضهري نمت علي جمبي اليمين ال موازي لناحية چيمس وسالته
- چيمس !! انت صاحي .. چيمس لو حابب نسهر وتحكيلي مالك انا موجود !
.
استمر الوضع ده وهو بيردد نفس كلماته لمدة ربع ساعة او اكتر .. قعد علي السرير وهو بيبص لاتجاه المرآه وبيضحك .. بيضحك ضحكة خليتني ارتعد من الخوف ..! ومره واحدة اتهبد علي السرير ونام .. نمت وانا مش في ايه ولما صحيت سالته
- چيمس هو كان في ايه ليلة امس ؟
- مفيش اي حاجة ليه !!
-- لا اصلك كنت بتمتم بكلام غريب !!
- انا ؟؟ اكيد مستحيل !! هه مالك فريد !
-- مفيش بس ممكن يكون من التعب ..
چيمس دخل اوضته وقفل عليه وبعد لحظات قالي انه عايز يكتب مفيش قلم في البيت فريد ؟ قولتله في واديته القلم .. فضل يكتب بالساعات .. وبعدها خرج وقالي هنعمل ايه النهاردة ..بس انا كنت مستني يخرج عشان اسئله سؤال واضح وصريح ..
- چيمس انت قتلت صاحب ناتلي الجديد بالعربية امبارح !

كان متوتر وبيتهته ! وهو بيقول
- ايه .. ايه ال انت بتقوله ده يافريد !!
-- چيمس انا بعرفك من نظرت عنيك وانت كداب ، الحادثة بتاعت امبارح انت كنت مخطط ليها .. عشان كده مشربتش !!  ليه عملت كده ياچميس ؟
- انت مش هتفهم !! مش هتفهم اي حاجة ، انت عمرك محسيت ان حاجة ليك وتروح من ايدك مرة واحدة !! ناتلي دي اول بنت عرفتها ، ناتلي دي بتاعتي !
- بس انت خونتها چيمس ..
- مانت كمان كنت معايا واحنا بنعمل كل حاجة سوا  !!!
-- لا تفرق ! .. انا بعمل كده وانا مش رابط حد في حياتي ، ثم حتي بالمنطق ال انت بتقوله ده ، اقتل حد ملوش اي ذنب چيمس ..

بعد مكان بيتكلم بعصبية هدي واتقلبت نغمة صوته للذل وقالي ..
- الفريد .. الفريد انت صديقي الوحيد .. انا بحب ناتلي جدا ، انت متعرفش انا امبارح حلمت بكابوس ازاي .. حلمت ان الشخص ال قتلناه ..
- ثواني متكملش ؟ قتلناه !! انا مقتلتش معاك ، اسمها قتلته !! ..
- ممم معلش استحملي بس .. قتلته ، بيقولي انه هينتقم مننا احنا الاتنين .. كنت عايز اصحي باي شكل ، فضلت في الحلم اقول نفس ال انت بتقول سمعته !! .. عشان كده خوفت ودخلت الغرفة اكتب ال حسيته !! ..
.
فضلت ساكت وبسمعه ، قررت انزل انا وهو ، روحت لناتلي وعزيتها وچيمس جه معايا .. كنت حاسس احساس مش قادر اوصفه ، اكتشفت صفه تانيه في چيمس ، انه سيكوباتي .. بيقدر يتشكل ! يبقي قاتل ويعزي لا وكمان بيدمع !! ..

"" الليلة التانية ""
الساعة كانت ٣ بعد منتصف الليل ، صحيت مفزوع وانا شايف چيمس ماسك سكين وبيشوه في ايده .. بصيت عليه بخوف وانا بقوله
-- چيمس ايه ال انت بتعمله ده !!
مكنش بيرد عليا ، قربت منه بحذر شديد .. بصلي ، بس مكنتش عنيه !! كانت عنين بيضه وغريبة .. قالي جملة
-- انت التالي ..
جسمي كان مش متلمي علياا .. وقررت اني اخرج من الغرفة .. ركبت كاميرات في كل البيت .. وقررت اني اسيب چيمس في البيت ..
لما صحي اتصل بيا وقالي
-- فريد انت فين .. انا صحيت ملقتكش !
- و .. والدتي تعبانة چيمس هبات النهاردة معاها واجي بكرة ..
-- فريد انا .. انا عارف ان ال بقوله ده طفولي .. بس انا خايف انام لوحدي ..! ..

ضحكت وانا بقوله چيمس اجمد ده ٢٤ ساعة وهجيلك .. قفلت السكة وقررت اني اقضي اليوم ده عند والدتي وارجع اليوم ال بعده ..

"" الليلة التالتة "
لما صحيت ملقتش چيمس ملكمني اتصلت بي مكنش بيرد .. فقررت اني البس واروحله ، بس لما روحت !! لقيته مدبوح في غرفتي !! .. اغمي عليا والشرطة دخلت ، رجعت ملفات الكاميرا ..
چيمس كان نايم .. صحي مرة واحدة بيرتجف !! وبيقوله متاذنيش .. انا هعملك ال انت عايزة ! مسك سكين في ايده وقال بلاش سكين .. فضل يجري وهو بيقطع في نفسه ويقول ارحمني .. جري في الصالة وهو بيغز في نفسه وبيبكي ويقوله ارحمني .. !! كان بيقلب صوته وهو بيقول مفيش رحمة !! .. كان بيكلم نفسه كانه مريض انفصام .. لحد مقرر يدخل ناحية الغرفة وهو بيفتح الباب دبح نفسه !! كانت نظرت عينه غريبة ! .. الشرطة قالت انه مريض بمرض المشي اثناء النوم .. في مذكراته كان كاتب .. ان روح صديق ناتلي بطارده .. ! مكنتش مصدق !! .. بس الكلام ده من اسبوع !! .. النور من شوية قطع ورجع ! سمعت صوت مالوف عليا ... مع تحركات ناحية غرفتي ! .. اوكرة باب غرفتي بتحاول حد بيحاول يفتحها من برا .. وهو بيقول انت التالي ! .. انا خاييف .. انا معملتش حاجة ، انا كنت سكران ومشتركتش !! خايف اموت ويقوله موت نفسه !! .. چيمس كل ال كتبه صح روح صديق ناتلي قتله وجيا تقتلني !!