ولاد الحومة

😋البارت1😋

ياسين :سمييير ...ياسميير يااوو.. سمير خرج يجري  سمير: هاني جاي شبيك تعيط.. ياسين: اي هايا طولت .. سمير: جبت السولي .. ياسين:شد بسيف باش اعطاهالي مالك خويا  سمير يلبس فيها ويهدر : ياودي مالك خوك مخلوع تقول غير هو عندو سولي.. ياسين: نتا ثان سمطتها اشري سولي وخلينا من تكسار الراس . سمير: غدوة نخلص ونشري وحدة.. ياسين: هيا خف روحك نلحقو راهم يستناو.. سمير وقف ينفض في حوايجو..وخزر في سمير وغمزو.. سمير: كورس!! ؟؟  ياسين: ههههه تغلبني وقيل ؟!  سمير: هووو وعله منغلبكش وقيل متعرفنيش ؟!  ياسين: نعرفك نعرفك مكاش لي يفوتك..بصح معليش بلاك اليوم تزهرلي ونربحك.. سمير: هههه مع هذي اسولي مشكيتش تربحني .  ياسين: قلع قلع خلينا مالهدرة.. سمير: 1 2 3 ريااال... ههههههههه  ياسين وسمير هابطين للستاد تاع الحومة يجرو منها يشوفيو ومنها كورس ومنها يلحقو فالوقت.. يجرو في وسط الناس ويسوطو والناس كاين لي يضحك وكاين لي يسب ... سمير بدل الطريق باش يلحق قبلو خاطر يعرف مليح دخلات تاع حومتهم.. ياسين : ااااه ياربي لعبهالي بصح والله نفوتو المرة هذي... .... ي لحق للستاد يلهث لقا الجماعة وولاد الحومة يستناو.. نبيل: وااش ياسين ؟! هذا وين ؟!  ياسين يهدر ويلهث : ههه..هها..هاذوين..كنت نستنا في سمير يجي.. نبيل: وين راه ياسين ؟؟  ياسين شاف منا ومنا استغرب مسح العرق : اوو مزال ملحقش وين راه هذا ؟؟  نبيل : اوااه منستناوهش..طول بزااف راح نبداو.. ياسين استغرب كيفاه سمير مزال ملحقش ماشي عوايدو..ديما هو يفوت..باين حاجة عطلاتو.. بداو يلعبو الماتش وياسين عقلو مع سمير لي مبانش ... ... سمير كان يجري فالطريق باش يدوبلي منبعد شاف حاجة رجع مارش آراياار وحبس يشوف ويلهث مسح العرق من وجهو ويشوف مالبعيد..حس قلبو يضرب مالجري ...سمع زغاريد حس قلبو تزير غمض عينيه وتنهد...وضرب بيدو على الحيط بالدبزة ...ومشا مقدرش يجري كره حياتو...تنهد ويمشي بلعقل حتى لحق للستاد.. شافو ياسين حسو ماهوش نورمال.. ياسين شافو : سميير ...؟؟ . وراح لعندو : واش وين كنت ؟؟ طولت !!  سمير: اليوم ربحتني فالكورس بصح نشوفو شكون يماركي اذا نتا ولا انا  ياسين: قييو ضرك نشوفو.