سمير كل يوم يروح يخدم يستناها تخرج وهي مكان والو العشية يروح يونتريني..يوجدو لاماتش مع ولاد الحومة.. يرجع فليل للدار ..والو حتى غلطة ومتلاقاش بيها .... فليل بسيف باش يرقد يشوف الفوطو تاعها ويسب يسب حتى يبرد قلبو باش يرقد..كره حياتو كيفاه قدامو حومة وحدة جيران ومقدرش يشوفها..وعارف بلي راهي فالدار ومتخبية زكارة .. سمير: يارب العالي راسها بيطون...جازت سمانة ومحنش قلبها عليا .بففف حاب نشوفها والله ونحكم عزرينها نقتلها على الجاست هذي . ... جازت سمانة. لحق نهار الريزيلتا تاع الباك ونهار الماتش.. الماتش يتلعب فليل سمير ناض الصبح خرج ..يشوف في دار سارة حتى شافها خارجة ..حبس.. سارة اضطرت باش تخرج باش جيب بيس باش شوف الريزيلتا تاع الباك فليل..مكانتش حابة تتلقا بيه حتى شافتو.. سارة: بفففف الزمر راهو هنا..مكنتش حابة يشوفني سمير بقا يشوف فيها توحشها ڨرااااف...تبسم وراح موراها.. سارة حست بيه بدات تزرب..بصح هو لحقها ...قطعلها الطريق.. سمير: صباح الخير.. سارة: صباح الخير..خليني نجوز.. سمير: نو ..حتى تقوليلي وين رايحة سارة: بففف خليني نجوز عندي شغل ونرجع.. سمير: واش مالشغل؟؟ سارة: ميهمكش.. سمير: تهمني سارة ضحكت باستهزاء.. سارة: هه ..ضحكتني..واش تكون باش تهمك؟؟ سمير: فارغ شغل..نسيتي ياك نتي قلتيلي هه سارة: لالا صح فارغ شغل.. سمير: كل حاجة ديريها تهمني سارة: ههه باين علابيها شهر مبان عليك والو... ودمعو عينيها. سمير طلع حاجبو مستغرب عارفها مغشة ومقنوطة منو. سمير: ممم رحت نخدم باش شريت طونوبيل ماشي نتي قلتيلي باش توصلني معندكش طونوبيل.. سارة: ايه قتلك برك نتا علاه درت منها حكاية وغبت شهر كامل معندي حتى خبر عليك..حتى تليفونك ومعنديش نومرو باش نسقسي عليك..بقيت مقلقة وحدي معرفت شكون نسقسي ولا كيفاه نجيب خبرك..خليتني متحيرة ومقلتش سارة راهي متحيرة مخممتش كامل فيا واش حاسة..نتا اناني وتخمم غير في روحك..ومتخممش فيا.. تهدر وتبكي.. سمير: والله نخمم فيك..وكون جيبي الباك عندي ليك كادو شباب.. سارة: منحتاجش.. سمير: خاطر علابالك مخدمتيش ههه سارة: بففف تهبط المورال.. سمير: ههه علاه معنديش الحق.. سارة عوجت فمها : لالا معندكش الحق خدمت وشفت التصحيح فالجورنال وخدمت ونجيبو نشالله ونزغرت نقلب الدنيا..اصبر برك..وشوف.. ... وراحت خلاتو يضحك عليها تعجبو كي تتحداه هكاك.. سمير: مهبولة.. سمير جبدها من يدها واعطاها بيس .. سمير: شدي وارجعي للدار سارة؛ منحتاجش.. سمير: ساارة قتلك شدي وارجعي للدار..خفي.. سارة شدتها بالزعاف ورجعت.... سمير كمل طريقو ..شرا فلاش ديسك..وتبسم... ... لعشية راحو للستاد كامل ليكيب مام ولاد حومتهم بزااف لي رااحو..خاطر ماتش فيناال تاع الولاية . .. ياسين : واش سمير معول اليوم وقيل.. سمير: ياسين ..اليوم لازم نماركي لازم نربح.. ياسين: علابالي علاه رايحين نتمسخرو!! سمير: مفهمتنيش..ياسين حاب نماركي..باسيلي البالون متنساش..حاب نماركي ونربح.فهمتني..!! ياسين: كيما تحب.. وتخامسو.. نزلو دخلو للستاد يشوفيو ..والبيبليك يعيطو ويغنو..
---------------------------------------------------------
مبروك عليك الباك من درك سارة sarah_soussita
😂😂😂😂😂😂
أنت تقرأ
ولاد الحومة
Aksiقصة باللهجة الجزايرية تابعوها ومتندموش ملاحظة: هاد الكرونيك منقولة من قروب فيس
