ولاد الحومة

😊 بارت8 😊

:
سارة راحت مع ماريا وخايفين حابين يبعدو ويهربو .
حبست سارة شافت مورها..سمير يضارب معاهم..فهمت علاه قاللها البارح متقراش هنا وعيط عليها وهي دارت رايها وهكاك وجا دافع عليها ومقالش خليني منها تستهل هي حبت.
ماريا: هيا سارة امشي نروحو هوما رجال يدبرو ريسانهم..
سارة بقات شوف في سمير كيفاه يضرب في جمال بحقد..
ماريا جبدتها : امشي سارة طولنا..
سارة هبطت عينيها حست بالذنب..حكمتها قنطة..بقات ساكتة وتمشي مع مريا..
..
سمير شد المفاتح وقلع باش يلحق عند سارة..
لبنات سمعو الطونوبيل شافو فيها ..حبس سمير ونزل خبط الباب قريب نحاها..
سارة وماريا تخلعو كي خبط الباب..
سمير خزر في سارة لي عينيها فيهم دموع...هبطتهم كي شافتو اصلا كانت حاسةبالذنب..
سمير: واش ندير مع ر** ضرك..فهميني.!! ماشي هدرت معاك البارح!! ؟؟ ماشي قتلك مجيش تقراي هنا ؟؟ علاااه متاخذيش الرراي عللااه متفهمييش؟!
سارة غاضتها عمرها كي عيط عليها اصلا كانت على شعرة..غطات وجها بيديها وتبكي ..
سمير: ابكي ضرك..اندبي..لوكان مجيتش كون راه صرا فيك العجب ..بصح انا لي طحان وجاي ليك..
بصح والله والله اذا زدت حوست عليك ابزقي على وجهي...ديري واش تحبي الله يسهل عليك..
وجاي راجع شداتو سارة من يدو وتبكي..
حبس سمير اول مرة تشدو سارة ...حتى هي مفهمتش علاه شداتو..
سارة: سمحلي سمير منزيدش نعاود..
سمير: مشكلتك ماشي مشكلتي..
ونحالها يدها وطلع فالطونوبيل..
سارة ولات تغلي كي مقيمهاش وتخلا عليها ..خزرت فيه وقاتلو
سارة: سامط نتا سامط نكرهك..
وراحت ومريا موراها ..
..
سمير شعل ڨارو ويشوف فيها تبعد...رجعاتو يغلي ..حتى داخ مالمرض..تكا على الكورسانة..
سمير: وانا نحبك نموت عليك .افهمي يالمهبولة ..
لحق ياسين طلع معاه .
ياسين : بلعقل عليها سمير..متظغطش عليها..
سمير: سكتنا خلينا منها..دير رايها متهمنيش..
ياسين تنهد يعرف صاحبو صعيب وطبعو صعيب..ماشي ساهل باش يعترفلها بحبو ليها...
ياسين : لازم تفهمها وتصارحها هي هاك ماهيش فاهماتك..
سمير: تفهم ولا تروخ تق***..
ياسين عارف صاحبو نقلق كي شافهم يضربو فيها ويستغلو فيها جاتو طيخة كبيرة..
..
رجعو لبنات للدار ...
ريما دخلت فراشها تكمشت فيه وتخمم في سمير وفي واش دار علا جالها
سارة: بففف ياربي علااه مفهمنيش واش حاب..الراجل هذا دوخني ديما يدافع عليا ومقدرش يقول بلي يحبني للدرجة هذي جاتو صعيبة ...
بقات تخمم منبعد حطت راسها باش ترقد جاتها فكرة..نلضت تجري فرحانة..
...
سمير رجع للدار..شافتو يماه شوية مجروح..
فطيمة: سمير وليدي . شبيك مجروح ؟!
سمير: مكاش يما..متتقلقيش .
فطيمة : كيفاه منتقلقش مراكش شوف في روحك..
سمير دخل في فراشو وتغطا كامل ..دار كيتمان ...
دخل للفايس بقا يكونيكتي..حتى لحقو ميساج من عند طفلة
استغرب اكسيبتاها .
سلام
قالها سلام
قاتلو واش راك
قالها حمد لله
قاتلو معليش نتعارفو..؟؟
قالها : وي
حكاو شوي منبعد سمير طفا تليفون بلش يرقد.
تفكر سارة تنهد : وقتاش تفهمي بلي نحبك..وقتاش تحبسي الهبال تاعك
-----------------------------------------------------------صباحو عمبالي نورمالمو نقوللكم مسائو بصح ا وين نضت......
جيتكم ببارت جديد متنساو فوط وكومنت
راني نشوف نقص عدد المشاهدين 😭😭