ولاد الحومة

⁦☹️⁩بارت62⁦☹️⁩

.#الحلقة_62:
سارة رجعت تقرا شافتها مرايا مبدلة بدات تضحك عليها
سارة مشنفة: زيدي اضحكي نتي يالبقرة ..
مريا:ههه منين جاك الحجاب ؟
سارة: شراه
مريا: هههههههه والله ياسمير ..وحدو حق ربي ماشي قلتي حبستو ؟!
سارة: اوووف اووف منو من جيه حبسنا ومن جيه يحكم فيا واش نلبش واش دخلو ..بففف كرهلي حياتي..
ماريا: سمير حبس معاك بصح يحبك فيقي يابهلولة يغير عليك.
سارة: وكي يغير علاه حبس معايا ..علاه يقولي اتزوجي ؟؟
ماريا: قالها بسيف عليه متظنيش بلي من قلبو ..هو محبش يشدك معاه.
سارة: كان لازم يوقف معايا وانا صابرة معاه لاخر..
ماريا: والله منعرف بصح سمير يحبك ..
سارة: ميحبني موالو ..ديجا لقا وحدوخرا يجوز بيها الوقت كيفي ..بصح والله منسكتلو..
ماريا تنهدت : والله نتوما اغرب كوبل شفتو غير لي شاد نيفو على لوخر ..امشي نقراو.
....
سمير رجع للدار يخدم برد قلبو كي لبسها واش حاب هو..
..
لعشية جازت عليه مشنفة مشافتش فيه كامل.منبعد حبست رجعت شافت فيه ...شافها هو عارفها راح تنطق ومتخليهاش في قلبها.
سارة: هذي اخر مرة تدخل فيا سمعت..نلبس وش نحب مراكش مكلف بيا..
سمير مرجعلهاش وكمل يخدم
سارة: هاني قتلك والله ...
سمير: والله نتي تلبسي وانا نقطع ..
سارة: بففففف..
ودخلت للدار..
...
لحق اليل ..قعدت تتعشا
حورية: سارة هاني رجعت الخبر لباباك وهو قال لعمك ونهار السبت جايين الخطابة..
سارة كانت تاكل حبست تفكرت راح تتخطب لوليد عمها وهي متحبوش اصلا تكرهو كي يظل يتبلا فيها و لصق فيها ودومنداها وهي محبتش بصح هو لصق وجا يخطب فيها وهي قبلت مظطرة باش تزكر سمير بصح نسات بلي راح تظطر تهدر مع امير وتعاملو عادي كخطيبتو..
حبست مالماكلة وتنهدت.
حورية: معليش بنتي ..مع الوقت تنساي سمير وتوالفي امير ..والله يحطك في عينيه..
سارة طلعت لبيتها ترمات في فراشها وتلعب بتليفونها وتخمم واش دير مع امير هذا وكيفاه تخلف الثار في سمير..
.....
غدوة منذاك مقراتش ناضت خملت بيتها وطل مالتاقة وشوف فالحومة..
خرج سمير على نيتو يهدر مع صاحبو شافها ..وحتى صاحبو شافها وهي من قوة الزكارة وراسها خشين محبتش تدخل ودارت روحها مشافتهمش وشوف من جيهة وحدوخرا..
سمير ولا يغلي كون صاب يروح يدڨدڨها بالضرب على الشي لي راها دير فيه..
سمير: هيا ندخلو .
دخل هو وصاحبو قعدو وسمير عقلو مزال عند سارة..كيفاه طيح بروحها هاك..علاه محبتش تفهم بلي هو حبس معاها في صلاحها هي علاه فهمت غلاط.
سمير مع صاحبو : اصبر دقيقة ..
خرج لقاها مزالت ثم..رفد تليفون وعيطلها..
سارة شافت نومروه شافت فيه .
سمير معنالها براسو ادخلي ..
هي تتعوج ومهمتهاش هدرتو ودارت من جيهة ملهيه .
سمير هبل خلااص لهذي الدرجة رخست بروحها ..
بعثلها ميساج.
ياق*** وليتي ق*** قاعدة فالتاقة يشوفك لي يسوا ولي ميسواش ادخلي ن** **** ولا اقسم بالله تصاورك لي عندي نسربيهم كامل للغاشي ياك انا رخيس وماشي راجل نتي قلتيها ..ودرك نلقاك تم شوفي اذا مسربيتهمش..
...
سارة قرات الميساج نخلعت لهذي الدرجة خرج رخيس وميسواش يخرج تصاورها..
دخلت لبيتها وقعدت في فراشها وتبكي..
سارة: انا حماارة حمااارة درت فيه لمان وبعثتلو تصاوري بيدي انا بعثتهم هو محبش وانا بيدي اعطيتهملو..ودرك يهدد فيا بيهم..اااه منكم يارجال شحال رخااس ومتسواوش..
عنقت مخدتها وتبكي..
..
سمير تنهد عرفها بلي درك راهي تبكي خاطر هو حب يشوه صورتو قدامها باش تكرهو وينساها ومن جيه باش تاخذلو الراي ومتبقاش تهبل فيه وهو يغير عليها كثرمن لي تتصور..
...
جازو يمات سارة تخرج بالسكات حزينة ترجع حزينة قاستو بزااف حس روحو جرحها بزااف..
راح ليها للافاك..شافتو بدلت الطريق ..كان نهار تاع شتا..
سمير: سارة
سارة: واش تحب عندي روح اخطيني ياك راني ندير واش تحب باش متفظحش تصاوري واش حاب عندي ؟؟
سمير شاف في عينيها نضرة كره جامي شافها قبل..صح هو حب يخليها تكرهو بصح جرحاتو هدرتها وعينيها ذبحوه ...
سمير: جيت باش تبردي قلبك فيا..
سارة : هه روح اخطيني ..
سمير جبدها وهي تبكي
سارة: اطلقني حراام عليك اطلقني خليني نعيش حياتي..
سمير داها لبلاصتهم باش يكونو وحدهم ونزلها بسيف مالطونوبيل وهي تبكي
سارة: واش ...واش تحتاج مني درك كاش تهديد جديد ..؟
سمير : سارة بردي قلبك فيا
سارة مخلوعة : ااه ؟!
سمير: بردي قلبك فيا سبيني قولي واش تحبي اضربيني ديري واش تحبي فيا عاقبيني متخليهاش في قلبك..
سارة تهدر مخنوقة مالبكا حاسة روحها توحشاتو رغم كلش مقدرتش تكرهو..
سارة : خليني في حالي سمير .خليني..
سمير شدها من يدها : منخليكش .
وعيط
عااقبيني وشبي ر** ...خرجي فيا غشك ...هيا نعرفك قوية ساارة متسكتيليش سارة ..ماشي موالفة تسكتي ..سكوتك قتلني ساارة ..قتلني سكوتك..
وقعد على ركبتو حس روحو مقهور خاطر لحقاتو الهدرة بلي راح يجيبولها الخاتم نهار السبت..
سارة قعدت فلرض مقابلتو لقات دمعة نازلة من عينيه ..اول مرة شوفو يبكي..
حرقتها كثرمن كلش..
حبستها في خدو مخلاتهاش تنزل..
سارة: متبكيش سمير ..نتا راجل والرجال متبكيش..
سمير مقدرش يشد روحو جبدها عنقها وعيط : ااااه يااربي علاااه علااه