ولاد الحومة

🤠بارت75🤠

الحلقة_75:
بقات سارة مع امير يفطرو ..وامير يحكي وسارة تتبسم برك وتسمع..وهو يشوف فيها بطريقة قلقتها..هبطت عينيها ..
سارة: احم  نرجع لافاك..هذاك هو الوقت ...
امير: علاه مزال الحال ...وحنا ماناش نخرجو كامل ..وحتى تليفون منهدروش بزاف.
سارة: الله غالب قرايتي لازم نحط راسي ..ومعنديش الوقت.
امير: اممم راحتك...بصح نرجع ليك ونديرو نهار نخرجو..
سارة: مشكيتش منقدرش نهار كامل نقرا الله غالب..
امير: مممم معليهش ..نلقاو حل نشالله ونتعارفو ما خير وفي غرضنا
سارة تبسمت باستهزاء..: امير نتا وليد عمي نعرفك بلا منتعارفو مراكش جديد عليا.
امير: مممم صح عندك الحق بصح كي رانا مخطوبين حاجة وحدوخرا ..
وتبسم بمكر
هبطت عينيها وراحت للطونوبيل...طلعت وتستغفر منو.
خلص هو الفطور ورجع ليها
امير : المرة الجاية نهبطو للبحر ..واش رايك
وغمزها..
سارة: مممم نشالله..
ديمارا امير وسارة شوف جيهة البحر تفكرت سمير كي كانو بهبطو للبحر ويحكو ويضحكو...
تفكرت غايسة وتنهدت..امير حاس بيها غايسة..
امير: شبيك سارة؟ تباني مقلقة
سارة: مكاش ...مع قرايتي برك..
امير: اوك
تخمم وتهدر مع روحها: هكا يا سمير ..كنت نخرج معاك وعشت اروع ايام حياتي معاك وفلخر خرج كلش كذبة..خليتني بنيت احلام معاك وكلش رجع منام...والمشكل مقدرتش ننسا كل حاجة يديرها امير ولا يقولهالي تفكرني فيك....مقدرتش ننساك علااه ياربي..اخرج من عقلي وقلبي وخليني نعيش حياتي..حراام عليك تعذب فيا ومخليتنيش نعيش لباس وننساك
بقات مقلقة حطت يدها على يد امير بلا متفيق وهو يدور فالفيتاس..شاف فيها تبسم. .هي حشمت جات تجبدها منبعد خمت في عفسة وتبسمت .
امير: ياربي مانيش ما من ...بلاك نوم..سارة يدها على يدي..
سارة تبسمت: هههههه علاه ..
امير: جامي صرات...قلبي راه يڥيبري..
سارة: امممم حابة حاجة منك معليهش..
امير حبس وشاف فيها
امير: اطلبي عينيا نعطيك..
سارة: امم حابة ندير فوطو هكا يدي مع يدك ونحطها فالفايس.
امير: مكاش مشكل ..هذا مكان..
سارة: اممم ميرسي .ليك بزااف..
حطت سارة يدها وامير يدو فوق.  يدها..هو يدو ترجف وهي عادي ..
صورتهم جات تنحي يدها مخلاهاش..شافت فيه مخلوعة..
امير زير على يدها وشاف فيها : خليها ...
سارة حشمت هبطت عينيها..
شدها حطها على قلبو حست بيه يخبط..
امير: شو في كيفاه راهو يضرب عليك...هاكي تسمعي فيه..
سارة: امممم..
امير: واش حاسة؟
سارة شافت فيه مفرفشة
امير: واش حاسة ؟ صارحيني.
سارة : مانيش عارفة..
وجبدت يدها..مقلقة..
امير: معليهش سارة بلعقل برك..كلش يجي في وقتو..
سارة : راح الحال نروح..
كمل امير وصلها لفاك...نزلت..وهو يتبع فيها بعينيه حاب ياكلها حتى دخلت...
عيطت لماريا وراحت عندها..
ماريا: واش سارة
سارة شدت في راسها: اععععع سامط منحملوش ..بففف واش يصبرني عليه...ويحوس عليا نحبو...هذا كامل سمير. وكلش بسبتو واللله ندمو ..منقدر نبطل ..منقدر نحبو..لسسسقة وبليت روحي بيها ....معليه ياسمير.  .درك شوف سارة.واش دير..
دخلت للفايس وحطت الفوطو فالبروفيل تاعها ...وفالقروب تاعهم فيه بزااف لي يعرفوهم...
وكامل ناس تبوركلها وهي في عقلها تزكر في سمير .