.#الحلقة_84:
دخل احمد للدار كاره عيان بدل حوايجو لي تشمخو ودخل في فراشو رقد ديراكت ...حاب يرقد ميفطنش ..حاب ينسا وينوض الصبح يلقا روحو نسا كلش...يلقا كلش منام..من نهار لي عرف فيه زينب حتى لليوم ...بصح واش ينسيه عوام هذو ملي عرفها ووقت خطبها ونهار تزوجها ورجعت باسمو ونهار دخلها لدارو ونهار رفدت الجوف...وخلي وخلي...ذكريات بزاف وكان يحبها بزااف وهي مقدرتش الحب لي مدولها وطعناتو...واش راح ينسيه شي صعيب خلاتو يكره النسا ومبقاتلوش ثقة فيهم..خاطر زينب آخر وحدة توقعها تخونو وخانتو...كانت ضربة قاضية بالنسبة ليه..
دمراتو بشكل تام...حس روحو غارق في دوامة..راقد و ينوم في روحو واقف والمواس يدخلو فيه من كل جيه وكلما يهرب من جيه زيدلو ضربة من جيهة وحدوخرا...حتى شاف زينب تبسم فرحان حاسها راه تعاونو وداويلو جرحو مي هي شدت الموس وحابة تضربو ..مي هي العكس ضربت روحها ورجعت تقطر بالدم...وهو مخلوع فالمنام ينوض فيها ويبكي زينب زينب ...شاف دمها في يدو هبل ..ويعيط زينب زينب...
سمعاتو يماه جات شوفو اذا دخل ...لقاتو يعيط...جرات ليه نوضاتو...قلبها وجعها عليه مهما كان وليدها...غير مساتو لقاتو يغلي بالحمى..
باية::خااه راك بالحمى ...درك نجيبلك دوا...
احمد فطن ويترعد بالحمى يهترف ..خاطر تشمخ بزااف برا فالشتا..والبرد من قهرتوو محسش بيها..
جابتلو يماه الدوا وشرباتولو وزادت تبرد فيه بلاڨلاص ..وهو غايس ...في يماه...ويترعد.
سهرت معاه حتى هبطتلو مع الفجر ...رقد وهي راحت وخلاتو ...صلات الفجر وتدعي في ربي يفرج عليه ويخفف عليه غبينتو..
...
زينب ليل كامل تبكي على المشكل لي ولات فيه وكيفاه تهدمت علاقتها باحمد وخلاص حست احمد كرها ومبقلش يشوف فيها محال وطاحت من عينو...تبكي وتعض في مخدتها ندامة على ااراجل لي بغاها من قلبو ودار المحال في جالها..تفكرت نهار سمع سمير خوها بلي راهي معاه ...جا ليه احمد قبل ميروح ليها وقالو جيت قاصدك فيها على سنة الله ورسوله ومنحبكش تمس شعرة منها..هذيك يسموها مرتي بعد موافقتكم ..ونجيب الدار ونخطبها .
وهي كانت خايفة سمير يقتلها مي احمد قتلو بالقدر ومخلاهش يمسها ..وكي عرفاتو خطبها ماتت بالفرحة...كيفاه بعد كلش هان عليها وهانت عليها العشرة وغدراتو...
صعيبة الخيانة وو اعرة وتانيب الضمير والندم اصعب منها وبلبزاف........
...
سمير كان عند و ماتش مقدرش يحظر محكمة تاع ختو ..خلى فاتح خوه يستكلف بيها...اصلا راسو وجعو مالحكاية هذي..
قبل ما يروح سهران مع ياسين صاحبو يحكو كيما عوايدهم..
ياسين:سمير درك راك تخلص مليح علاه مترجعش نتا وسارة مع بعض...شفت الكيبة تاعك زادولك فالسومة وكيبات بزاف يدومندوك للموسم الجديد...في رايي تفاهم معاها خير..
سمير تنهد: حتى انا خممت هكا...بصح هي تسرعت وقبلت الخطبة...حصلتني معاها ...حتى ونحب نرجعها منقدرش..
ياسين: قوللها وفهمها الحكاية ملول وواش لي خلاك تخليها...فهمها ...اذا كانت مزالت تحبك ترجعلك.
سمير : تتقعد؟!!...الخطبة على خطبة حرام..شبيك..
ياسين: علابالي...وعلاه متهدرش مع خطيبها...بلاك يفهم..
سمير: واش رك تخلط..نروح نقولو اعطيني خطيبتك.نتا مريض ؟! كون يديرهالي واحد ن****،****
ياسين: والحل كيفاه...؟؟
سمير: زهري ونعرفو...كانت باينة تكمل كيما هاك..معندي مندير
ياسين: هذي مكاش منها...لازم يفهم بلي كانت معاك ويبطلها...كي يعرفك ناويها ..
سمير: اودي نتا تهدر برك السيد باغيها قبلي هي رفضاتو وزيد فاميلتها...
ياسين: امممم نشالله تلقا حل ويفرجها ربي.
سمير: نشالله..
راح سمير للدار وياسين بقا يخمم
ياسين: اوااه معجبنيش حالكم هاك...لازم نهدر مع وليد عمها بلاك يفهم ...بصح خايف تولي فوقها الهدرة.بففف خليها لربي
غدوة منذاك سمير راجع للكيبة تاعو...نهار بارد تاع ربيع ..حتى شاف امير حابس فالطريق ..وحبسو معاه.
سمير استغرب خاطر في بالو ميعرفوش .....حبس ونزل ...مفهمش واش يحوس عند و...
سمير: سلام..خير ؟؟ طحت اون بان..؟؟
امير : وعليكم السلام
أنت تقرأ
ولاد الحومة
Actionقصة باللهجة الجزايرية تابعوها ومتندموش ملاحظة: هاد الكرونيك منقولة من قروب فيس
