#الحلقة_88:
سمير لحق عند سارة تنهد لقاها قاعدة مقلقة شافتو دمعو عينيها ...ورجلها يضرب على لرض مالقلقة..
سمير قعد قدامها متحير مفهمش واش بيها...ومدام جابتو مالبعيد معناها حاجة كبيرة
سمير: خير سارة واش كاين ؟؟
سارة: تخلطت سمير...لازم نلقاو حل
سمير طلع حاجبو مستغرب: علاه ؟؟ واش صار ؟؟
سارة: دارو لادات تاع العرس والبارح جابو الدفوع والشرط..
سمير تنهد: العرس الصيف هذا ؟؟
سارة: ايه. انا مكنتش حابة الصيف هذا مي هوما دارو رايهم وقالولي عادي..نورمال تقراي من عند و.
سمير مسح على وجهو حاير وحاصل معرفش واش يدير..تقلق
سمير: الرب العالي ..تنفتح من جيه تنغلق من جيه..
سارة شافت فيه: دبر راسك نتا خلطتها ...لازم تلقالي حل نبطل العرس هذا.
سمير: واش حابة نديرلك ؟!
سارة: مانيش عارفة دبر راسك..
سمير: ق*** نتي شكون قالك اقبلي ...نتي خربتيها ڨااع..
سارة: درك ولات فوقي ولا كيفاه..
سمير: ايه نتي مقلقة ..متعرفيش تقوليلهم مزال...واصبري تنحل بيناتنا ..نتي تفارقنا من ...تخطبتي من...مكنتيش حتى مقتنعة..
سارة: ايه كنت حابة ننتقم منك..
سمير شاف فيها متحسر: نتقمتي درك..بردتي قلبك..
سارة: بفففف سمير خممم خمم معايا نلقاو حل ...مانيش حابة نتزوج بيه...معنديش غيرك يسلكني.
ونزلو دموعها....سمير قلبو ظرو عليها وعلى حالتهم..بصح معرفش واش يدير تلفتلو
سمير: خلاص اسكتي..يحلها ربي نشالله..
سارة شافت فيه بغش ودموعها نازلين: يعني مراح دير والو؟؟ تخليني هاك ؟؟ مليحة هذي انا البهلولة لي نعيطلك ونحوس عليك..وحاسباتك تعاوني.روح ارجع منين جيت منحتاجكش..روح نتا نسيتني وتخمم في روحك وانا نحوس عليك...روح عفني ..وسمحلي ديرونجيتك
سمير يسمع ويغلي هو عارف كلامها وفاهمها بصح حاير معرفش واش يدير..وزاد هدرتها قلقاتو وزادت عليه ااضغط..
شد في راسو وعيط
سمير: اععععع اسكتي يا** اسكتي ..واش حابتني ندير .نتي خربتيها قبلتي بيه وجاية تحاسبي فيا.ق*** والله..
راسك خشين وتحبي رايك هاو رايك وين وصلنا اشبعي بيه...
وناض وقف رايح وهي طرطقت بللبكا وشادة ساكها في يدها وزيرت عليه عارفة غلطتها بصح معندهاش لمن تروح من غير و..
سمير حبس غمض عينيه بقوة تنهد يسمع فيها تبكي..دار شاف فيها كلش غير يشوفها ضعيفة هاك ميحملهاش..
راح قعد مقابلها ..
سارة:ر...ر....روح خطيني
سمير: اسكتي ر**** مزلتي تهدري بزااف...
سارة: مدخلك نهدر للصبح ياك باطل ومراكش تخلص فيها نتا..
سمير: وذني نثقبت من هدرتك
سارة: روح شكون قالك اسمعلي
سمير: طحت اون بان منقدرش نبوجي من قدامك
سارة عوجت فمها ومسحت ودموعها: ميهمنيش الله يسهل عليك..
سمير: امممم ياودي مانيش عارف مقدرتش نبعد عليك يا*** وين رحت نديك معايا في بالي
سارة: درتلك السحور معلابالكش
سمير: هههههه ديري وعاودي يا***
هيا اسكتي درك نروح ليه نهدر معاه
سارة عيطت مالفرحة: صح ؟؟ قول والله.
سمير: ق*** نخليك عمري انا مهبولة نتي ؟!
سارة عيطت وعنقاتو نسات روحها بلي راهي برا..
سمير.يضحك: ر*** شافونا الناس هههههه
سارة : اعععع واش دخلني فيهم هههههه
أنت تقرأ
ولاد الحومة
Acciónقصة باللهجة الجزايرية تابعوها ومتندموش ملاحظة: هاد الكرونيك منقولة من قروب فيس
