ولاد الحومة

😇بارت10😇

غدوة منذاك سمير حس روحو مليح شوية..هبط يخدم  تلاقا مع سارة فالطريق شافها مخزرش فيها كامل شغل مكاشها.. سارة استغربت فيه كيفاه مهدرش معاها وجاز ديراكت.. حبست وبقات شوف فيه رايح عادي وكانها ماهيش ثما.. سارة: شبيه هذا ..مزال مغشش مني ..بففف وانا قلت ينسا ويسامحني ..بصح راني نشوف الحالة ماشي بالسهولة هذي.. راحت عند ماريا وراحو يقراو عادي.. سارة مقلقة .. ماريا: وشبيك سارة مكايش نورمال ؟؟  سارة: بفففف سمير.. ماريا: وشبيه ؟؟  سارة: ماهوش يهدر معايا ..صبح جاز عليا عادي شغل مكاش .. ماريا: ههه واش حسبتي نتي مخذيتيلوش الراي هذي هي..سينورمال يزعف منك.. سارة: بفف اناقلت يسامحني بصح هو صعيب لازم نلقا حل باش يسامحني.. ماريا: والله ماني عارفة النوع هذا صعيب اصبري وخلاص.. سارة: اوااه حتى تديه كاش وحدة..محال ديجا حوست لقيت الفايس تاعو وراني نهدر معاه بلا ميعرفني.. ماريا: ههههههه نتي مهبولة ولوكان يفيقلك ؟!  سارة: ميفيقليش بصح باش نشدو معايا على الاقل نعرف خبارو.. ماريا: وراهو يحكي معاك عادي؟!  سارة: وي يحكي مي ميهدرش بزااف..زوج كلمات يقولي نرقد. ماريا: ههههه خاطيه البنات وهذا وتسمحي فيه واش تزيدي كثرمن هاك..؟!  سارة: سكتينا ماريا انا لي فيا يكفيني..بففف حبيت نشوفو كيما كان قبل . بصح هو تبدل معايا..ونساني  ماريا: متخافيش مدام يحبك محال ينساك يمات ويرجع يقلقك كيما كان.. سارة: نشالله ياربي.. ً.... لعشية رجعت سارة لحقت عندو وين يخدم شافها هبط عينيه شغل مجازتش.. سارة تقلقت..كون صابت تروح جيفو علااه ميحكيش معاها وحتى الخزرة ميشوفش فيها.. سارة حبست زعما داخت شادة في راسها.. سمير شافها طلع حاجبو هو اصلا كان يشوف فيها بلا متفيق بيه وداير روحو ميشوفش.. سارة زعما قعدت مقدرتش تمشي وتلوح بيديها على وجها.. سمير وقف يديه في جيبو يخزر فيها عقلو يقولو راهي تلعب فيها متقيمهاش..وقلبو يقولو روح شوفها. عوج فمو يخزر فيها وهي تغلي مالداخل كيفاه مجاش ليها. تنهد ومشا شوية..منبعد عيط.. سمير: فاار ..هوليك فاار.. سارة نكزت تجري وتعيط : يماما وينو الفار اااع.....يماماااا وهربت تجري جيهتو..وهو شابع ضحك.. سارة حبست شافت مكان لا فار لا والو.. خزرت فيه ميت ضحك.. تقلقت رجعت تغلي..خزرت فيه بتحدي.. سارة: علاه تتمسخر بيا وين راه الفار؟؟  مشفت حتى فار.. سمير خزر فيها متبسم : كنتي دايخة مشفتيهش ..وضرك طارتلك الدوخة..وهو هرب كي عيطتي.. وغمزها. سارة فهمت بلي فاقلها..خرجتلو لسانها وعوجت فمها وراحت تزرب لدارهم.. سمير موراها يتبع فيها وهي مالغش مفاقتلوش.. لحقت عند باب الدار..لحقها عيط في وذنها..وجبدها من ظهرها زعما يبعدها  سمير: فاار ..فاار هاو جا لهنا.. سارة خلعها كانت غايسة ومنتبهتش بلي كان موراها. عيطت  سارة: ااااي ماما ..  هو دار دومي تور ورجع بخدم عادي وخلاها تسب وتغلي سارة: بفف اعع رهج عمري مشفت بنادم سامط كيفو.. .. سمير شبع ضحك عليها وعلى هبالها.. .. كمل خدمتو..راح للدار.. لقا يماه خارجة مع خوه فاتح. سمير: وين بيها يما ؟!  فطيمة: رايحة نعرض لاعرس تاع ختك زينب ياك مزالت سمانة هذاك هو الوقت. سمير: ممم وتعرضي الجيران ؟!  فطيمة: ايه نعرض لبعاد منبعد الجيران.. سمير دخل للدار يتعشا.. جات نسيمة مرت خوه باش تحطلو يتعشا..ناض وليدها يبكي صغير  سمير: خلي انا نحط والله شوفي يوسف ناض. نسيمة: اوك ضرك نشوفو.. قعد سمير