ولاد الحومة

💅بارت 9 💅

: غدوة منذاك ناضت سارة الصباح ناوية ترجع تقرا وين كانت قبل... لبست وخرجت..لحقت وين يخدم سمير لقاتو غالق..حبست بقات شوف منا ومنا..مفهمتش علاه ماهوش يخدم..كانت حابة شوفو وتطلب منو السماح مي مكاشو.. عيطت لماريا وراحو يقراو وين كانو قبل.. سارة مقلقة وماريا فاهمتها ماريا: شبيك سارة؟!  سارة تنهدت: سمير مخدمش اليوم. ماريا: هههههه توحشتيه  سارة: بففف بديتينا...سقسيت برك علاه واش يكون باش نتوحشو.. ماريا: خلاص مقلت ولو ههه.بصح انا كون في بلاصتك منتعاملش كيفك مع سمير.. سارة مخلوعة في صحبتها .. سارة: كيفاه تعامليه يالالة؟!  ماريا: منكذبش عليك سمير من النوع لي يعجبني..فحل وغيور ويموت عليك..نشد فيه ومحال نسمح فيه نتي متعرفيش صللحك.. سارة: والله . سكتينا يرحم باباك  ماريا: انا قتلك..خاطر بعقليتك هذي طيريه من يديك واذا رح والله ميرجع خلي يدوهلك ثم شوفيه مع وحدوخرا تعرفي قيمتو.  سارة مخلوعة في هدرة ماريا...مدارتش في بالها ممكن سمير يسمح فيها..هي صح تتقلق منو بصح والفت بيه ديما في ظهرها وميخلي حتى واحد يدور جيهتها.. خرجو لعشية راجعين للدار..سارة مقلقة حابة شوف سمير هدرة ماريا دخلت في راسها..لحقت لقاتو غالق مخدمش.. سارة: بففف وين راه هذا واش حكايتو ..علاه مراهش يجي.. .... فليل دخلت في فراشها فتحت الفايس باش تهدر معاه خاطر هو حاط فوطوات تاوعو فالفايس... ملقاتوش اون لين ..تنهدت كانت حابة تحكي معاه  سارة: حتى للفايس مكاش ياربي وين راح هذا  تفكرت هدرة ماريا...دخلت للبروفيل تاعو لقات امي بنات معاه....تقلقت  سارة: بفف هذا علاه داير امي بنات معاه..ااه ياربي زعما تعجبو كاش وحدى ويسمح فيا!!. ايه وعلاه ميديرهاش ديجا البارح حلف فيا ميزيدش يدخل فيا.. اوااه خفت والله خفت يديرها..لازم تجبدو لعندي فالفايس على الاقل نهدر معاه انا بلا ميعرفني خيرمن وحدوخرا.. .. هاو دخل..بعثتلو قاتلو مدخلتش اليوم. قاللها راهو مريض وعيان.. .. سارة تهدر مع روحها: اا علابيها مجاش .. سارة: وقتاش مرضت البارح ولا اليوم ؟؟  سمير: ابارح نهار كامل طايح وزدت اليوم.. تفكرت سارة كيفاه ضارب في جلها وهو كان مريض .. سارة: اااه ياربي واش درت فالراجل هو يدير كلش في جالي وانا نبعد فيه..انا صح منعرفش صلاحي..بصح منعترفلوش خلي فالواقع هو يعترفلي وهنا فالفايس نشدو معايا باش ميروحش جيهة وحدوخرا..

-----------------------------------------------------------متتساوش فوط وكومنت