دخلت سارة للدار ..تسب وتغلي كي مخلاهاش سمير طل ...
بقات شادة تليفونها تلعب بيه تفكرت الفوطو لي صورها..
سارة: ايه الفوطو هذيك لازم نجيبها من عندو..حابة نشوف كيفاه خرجت..
ممم بصح كيفاه نجيبها المشكل..لازم نقولو ..
اواااه منقدرش نقولو نحشم تبهديلة .
بففف .لازم خطة محكمة باش نجيبها متبقاش غير عندو..من حقي نديها انا ثان..
بقات تخمم كيفاه دير باش جيبها..
...
سمير راح فالكورتاج..ورجع شوية بكري ..قاعد مع يماه..خاطر يمات العروسة عندنا متروحش مع بنتها..
فطيمة : جيت وليدي .
سمير: واش يما واش ديري؟
فطيمة: مكاش نخمل فالدنيا..
سمير: ممم تحبي نعاونك..
فطيمة: جيبلي لي تعاوني ماشي نتا تعاوني.
سمير: ايهيه كي تجبديلي السوجي هذا انا نروح خير
فطيمة: اقعد تتهرب مالزواج..
سمير: يما ياك علابالك مانيش واجد لازم نشري طونوبيل قبل ...
فطيمة: لاه لي معندوش طونوبيل ميتزوجش ؟؟
سمير:كل واحد يدبر راسو..انا مرتي نمشيها فالطونوبيل ...منبقاش كلما تمرض ولا تضيف نكري ولا نقربع على الناس
فطيمة:دبر راسك..بصح انا هدرت البارح مع حورية جارتنا على بنتها سارة..
سمير كان يشرب حصلتلو ..
سمير: اح اح..
فطيمة: شبيك بلعقل..
سمير : كيفاه تهدري مع الناس بلا متقوليلي؟!
فطيمة: واش فيها ؟؟ واش خصهم؟؟
سمير تقلق : متهدرييش معااهم ونتي وين علابالك بلي نقبل ...يايما؟!
فطيمة: بووه لاه راك تاكل في روحك..حتى هوما مقبلوش .
سمير عوج فمو كيفاه هذي مقبلوش..
سمير: علاه مقبلوش ؟؟
فطيمة: قالت يماها تجيب الباك قبل مزال الحال على الزواج..
سمير: ممم...مليح هكا خير
.....
خرج سمير لبرا يخمم ضرك سارة تعرف وتقول هو خطبها...لازم نفهمها بلي يما هدرت من راسها ماشي انا لي قلت ..
بصح كيفاه!!.. فالفايس ؟! ..بصح تكون فاقتلي بلي فقتلها...
هبط للقهوة عند صحابو ...يتقهواو ويقصرو..حتى ليل ..
رجع للدار ...جاز على دار سارة تنهد منبعد دخل للدار..فتح الفايس بلوكاه وفتح جديد باش متعرفوش محبش يبقا اون كوناكت معاها مدام عرفت بلي فاقلها..
....
جازو نهارات لحق نهار الاحد رجعو يقراو..
راحت سارة تقرا الصبح لحقت عند سمير حبست وشوف فيه..هو شافها مفهمش واش بيها..
هبط عينيه لقاها مزالها واقفة..
سمير: واشبيك مع الصبح واقفة في نص الطريق ؟؟
سارة زعما مشنفة : والو ..
وكملت مشات..سمير يخزر فيها واشبي جدها مع الصبح..
راح موراها..عيطلها
سمير: سارة واش كاين ؟؟ كاشما احتجتي؟؟
سارة حبست وساكتة زعما مقلقة..
سمير قلقاتو محبتش تهدر عيط عليها..
سمير: شبي ر*** مع الصبح انطقي ؟؟
سارة دموعها نزلو...خلعاتو شبيها هذي..
وهبطت عينيها وراحت تزرب محبتش تقولو..خلاتو
-----------------------------------------------------------
زعما وشبيها سارة 😔 اتوقعو شوي ونعاونكم
أنت تقرأ
ولاد الحومة
Acciónقصة باللهجة الجزايرية تابعوها ومتندموش ملاحظة: هاد الكرونيك منقولة من قروب فيس
