جببو كوتكس قبل متبداو البارت
.#الحلقة-59:
سمير النهار هذاك مقدرش يركز في خدمتو نهار كامل يخمم في هدرة حورية يمات سارة..ولقا عندها الحق ..لوقتاش راح يشد سارة معاه..وولوقتاش راح يوقف ظد مكتوبها..هو اصلا ملول مكانش حاب يتقرب ليها كي مكانش واجد بصح الله غالب عليه حاجة فوق طاقتو والغيرة عليها لي خلاتو يدخل ومع اي واحد يقرب ليها...ومكانش حاب يحكي معاها تليفون باش متوالفوش ومايواللفهاش بصح الحب تاعهم كان اقوى من تخمامو هو ..وفالمدة اللخرى مور مشاكل ختو كان ديما يغيس ويخمم ويشوف بلي هو واحمد في نفس الوضعية..واحمد وزينب تزوجو بالدراع بعد مشاكل مادية يصح جاوزوها وتزوجو وفلخر الضيق كان سبب مشاكلهم الرئيسي وهو لي وصلهم للطلاق..
مزالت صورة ختو تقول لراجلها طلقني في بالو..وصورتها نهار طيحت الطفل ..وصورة احمد يبكي على وليدو .وهدرتو نهار قالو متغلطش غلطتي لازم توفر تاويل باش تتزوج ..مزالها دور في بالو..
حبس خدمتو وراح قعد فالبحر وحدو مع راسو يتكيف ويخمم واش يدير كاش حل يخرجو مالمشكل هذا..
..
فليل عيطتلو سارة قالها حاب نرقد عيان..
سارة: سمير نحتاجك غدوة الصبح لازم نشوفك..
سمير فهمها بصح محبش يبينلها..
سمير: علاه واش كاين ؟!
سارة: حابة نشوفك عندي هدرة معاك..
سمير: نشالله..
سمير بايت يخمم عارف سارة واش راح تقولو ويخمم واش يجاوبها .بسيف باش رقد..بعكس سارة لي باتت تبكي وخايفة يفرقوهم وحابةتخبر سمير باش يشوف حل قبل ماتطفر..
...
غدوة منذاك اصبح نهار رييح الدخلة تاع ديسمبر...
سمير يستنا في سارة..جات طلعت معاه..وراحو وين موالفين يتلاقو..
سمير شاف عينيها باينة بايتة تبكي تنهد وتفكر يماها كي قاتلو سارة شادة فيك ورفضت كامل العرسان في جالك بصح جاها عريس مليح ولازم تبعد عليها باش تقبل هي..
لحقو نزلو..
سارة وقف مقابلتو وهو يديه في جيبو يشوف فيها ..
سارة دمعو عينيها : سمير لازم جي تخطبني ..لازم جاوني خطابة وماما عقابي باش تزوجني بيه وهي عارفة بحكايتي معاك بصح رفضت..
سمير تنهد : سارة علابالك مانيش واجد..وكي نخطبك وين ندخلك ؟؟ معنديش دار ..
سارة: شوف حل سمير . .خبرتك باش نخمو نلقاو حل..وشبيك سمير
سمير مقلق وحاس روحو مضغوط وراح يكلاطي ..
سمير عيط : شبيك ساارة..كون عندي حل مانيش درتو؟؟ وعلاه عاجبتني حالتي هاك ؟! الله غالب هذا الحاضر ..
سارة: واش معناها سمير؟ درك واش نقوللهم فالدار؟؟ واش نقول لماما ؟؟ جيتك تعاوني سمير..شبيك..فيق راح يفرقونا هاك..
سمير تنهد زير على يديه: سارة لازم نتفارقو وروحي اتزوجي وعيشي حياتك انا معنديش مستقبل..
سارة مخلوعة في هدرة سمير مشوكية متوقعتش يقولها هاك..
ضحكت باستهزاء : ههه سمير منحبش اللعب السامط ياك قتلك..
سمير: مانيش نلعب مني صح..
سارة قربت ليه وتبكي
سارة: سمير انا سارة؟ شبيك..ياك انا حبيبتك وووعدتني متسمحش فيا نسيت ؟!
سمير من داخل محروق بصح قاسي على سارة باش تبعد عليه
سمير:يه حبيبتي ووعدتك ..وكي نحبك هذا هو صلاحك راجل عندو مستقبل يعيشك خيرمني
سارة تعيط : انا نحبك نتا منحتاجش راجل وحدوخر...شبيك سمير راك حابني نهبل..
سمير ساكت..
سارة تضرب فيه على صدرو : انطق شبيك ساكت ...انا محال نقبل راجل غيرك..واذا زعما راك تظحي نن والله مقبل غير انسا..ونزيد نقولك هذي ماشي رجلة تسمح فيا ماشي رجلة سمعت؟!!
سمير قلق خلااص هو لي فيه يكفيه وكلش من فوق قلبو ...مالغش ر فد يدو ضربها كف يفيقها بيه..
سارة مخلوعة شدت وجها وتبكي اول مرة يضربها .
سمير يعيط: افهمي يار*** كون جيت رخيس نشدك معايا .بصح انا راجل ومحال نقبل نظيعلك حياتك..
سارة هبطت راسها ورايحة تبكي وتزرب جبدها بقوة
سمير: ويين رايحة ؟
سارة: اطلقني نروح وين نحب متسالنيش..مدخلش روحك فيا..
سمير نع*** ***** امشي
وجبدها ودخلها فالطونوبيل وخبط الباب وديمارا
----------------------------------------------------------
واش رايكم فالبارت والتقلب هدا
أنت تقرأ
ولاد الحومة
Aksiقصة باللهجة الجزايرية تابعوها ومتندموش ملاحظة: هاد الكرونيك منقولة من قروب فيس
