ولاد الحومة

😡بارت76😡

الحلقة_76:
ماريا شافت الفوطو نخلعت في جراة سارة
ماريا: اووو هذي تقتل سمير دربة وحدة.
سارة تبسمت: مزال مشفتي والو اصبري شوفي واش ندير فيه .
سقمت روحها ماكياج وماريا شوف فيها
ماريا: هههه واش راح ديري ؟
سارة: اصبري شو في. نوجد روحي مليح...
كملت سارة ماكياج..
ودارت فوطو صورت فمها ويدها فيها القورمات لي مدهالها سمير باش يعرف بلي هي سارة ماشي فوطو تاع وحدخرا..
ودارتها فوطو بروفيل ولخرا فوطو دو كوڥارتير.
ماريا مخلوعة : سارة مخفتيش كاشما يقولك ؟
سارة: معندو مادخلو ..انا امير مقالي والو وهو يروح يزمر معلاباليش بيه
ماريا: مممم دبري راسك.
سارة تبسمت بمكر: ايه..خلي نشوفو واش يدير خليه يتحرق من داخل ويعرف قيمتي...ويفهم بلي نعيش بلا بيه. .ومطحتش مزلت واقفة حسبتلو نحزن عليه ونبقا نبكي وهو عايش حياتو...
خلي هاك يعرف بلي وجودو من عدمو كيف كيف عندي.
ماريا: والله نستعرف بيك بردي قلبك فيه ...كوراج عندك..
سارة: مزال الخير القدام.
رجعت سارة وماريا قراو لعشية...خرجو طلعو فالكوس..فتحو الفايس
سارة تبسمت : وااو شو في مريا لي جام ولي جادووغ على الفوطو تاعي..
ماريا:مممم هاني نشوف ...اصبري يلحق ليل ويدخل سمير وثم تبان
سارة تنهدت  مقهورة: ايه خلي نشوفو واش يدير

ماريا: مزلتي تحبيه ؟
سارة كانت غايسة شافت فيها : نن بديت ننساه ورجعت نكرهو ..ميستاهلش الحب هذاك ماشي تاع وجهو ميستاهلوش
ماريا: مممم صح..
..
فليل سارة تقرا ومحبتش تدخل للفايس وجعها قلبها سوور سمير يكون شافها واكيد راح تكون دربة ليه كي يلقا فوطو تاعها وبزاف لي جادوغ سيرتو لولاد لي يقراو معاها..
سارة: بففف يندب واش دخلو هو انا حرة في حياتي علاه حتى نخافو..
كلاها قلبها فتحاتو دخلت للفايس...تخلعت..
ميساجات من عند سمير رخسها فيهم....
....
نرجعو لسمير دخل للفايس كي العادة فليل لقاها حاطة فوطو تاعها خلاص هبل مبقالوش عقل ...كيفاه سارة تحط فوطو تاعها فالفايس
ولي يسوا ولي ميسواش يكومنتيلها وزيد ماكياج طابلو...نسا كامل بلي ماهمش مخطوبين...بعثلها ميساجات رخسها فيهمسمير: ريبوندي يار***..
سارة قراتهم تبسمت وخافتو في نفس الوقت.
سارة: واش بيك تسب فيا .؟؟
سمير مغشس: نحيها
سارة: واش نحي؟
سمير: سارة متلعبيهاش ماكيش فاهمة نحيها. الفوطو
سارة: ااا وعلاه شكون نتا باش تقولي نحيها انا حرة..
سمير: قتلك ندخل فيك نسيتي...ودرك تنحي ق*** عاجباتك روحك ونتي الرجال يعشقو فيك ..وشبي راستك في في لعمرك رخستيها بزااف...
سارة تقلقت: مانيش رخيسة سمعت...وديجا معندك مدخلك ومنحيهااااش فهمت منحيهااش
سمير: ن*** ***** ..تنحيها سارة والله اقسم بالله نجيك نعطيك طريحة..
سارة: هههههه ضحكتني هذيك بكري .درك راك بعييييييد سمير...ندير واش نحب في حومتي في لافاك فالطريق....نلبس واش نحب متدخلش فيا فهمت.هذيك بكري كنت نسمعلك درك والو.
سمير مخلوع في هدرتها يحس فيها موس يقتل فيه .قهراتو بهدرتها وكلامها جرحو بزااف ومقدرش حتى يجاوبها
سارة: ومتنساش عندي راجلي يحكم فيا ..شفت الفوطو .يعني معندك مدخلك ملخر.
سمير: نع*** **** نتي وراجلك ...يشوفك هاك ومخليك ...معندوش غيرة هذا ؟
سارة: المهم جاني مالباب ومسمحش فيا ماشي كيفك..
سمير موجوع من وضعو ومن هدرتها كثر قتلاتو وذبحاتو ...وهي ماهيش حاسة بيه وهو محبش يبنيلها..
استغفر. ..وبعثلها...
سمير: ربي يخليهولك...
وخرج مالفايس بلوكاها..
سارة نخلعت:ااا. بلوكاني ..ااه يا ربي...ساامط نكرهو واش دخلو..
حطت راسها على طابلة تبكي وماهيش فاهمة حتى علاه ...

______________________________________

رايكم بالبارت
زعما نقدرو ندخلو الكرونيك 1k فوت قبل متخلاص؟🤔🤔مبقالهاش بزاف مين با 20 بارت