ولاد الحومة

😕بارت42😕

كملت زينب عشاها..وشافت في احمد
زينب: حابة نقولك حاجة..
احمد : واش كاين ؟
زينب: جيبلي فريجيدار ..
احمد: علاه ؟؟
زينب: خاطر الحاجة لي جيبهالي ياكلوها ولاد ختك وانا سكتلهم بصح كثرو على موصاوهم..
احمد: مم مام انا خممت نجيب واحد نحطوه هنا فالشمبرا والقش لي زيادة ديه لداركم ونجيب كويزينيار وترجعي طيبي وحدك..
زينب تبسمت: ايه هكا خير مام انا حسيت روحي شوية مليحة ..هكا نعزل معليش لابغا معاهم فالكوزينة..
احمد: هذا النهارات نجيبهم اصبري برك..
زينب: هاني صابرة..نشالله تفرج علينا بلعقل..
احمد: نشالله..
....
نرجعو لسارة لي راحت تسجل فالجامعة..
سمير شافها رايحة تبسم معاها وهي خرجتلو لسانها وراحت ..خاطر تفاهمو كي تكمل تعيطلو يروح ليها..
سارة سجلت وكملت عيطت لسمير .
ماريا: مم انا نروح..ونخليكم..
سارة: اوكي..
..
سمير ركب طونوبيلتو وراح يشوفها ..
سمير: بونجوور الزين.
سارة: بونجور..
سمير: ça va bien ؟؟
سارة: bien ..حمد لله..
سمير: est ce que vous terminer vos inscreption ؟؟
سارة: oui en fin ..mais pour quoi vous perler avec moi en francais monsieur samir ؟؟
سمير: obligatoire madam samir ههه
سارة: ههههه مدام سمير
سمير: ههه وي علاه واش فيها .
سارة: مزلت مدموزال ..
سمير: وانا وين راني ؟!
سارة تبسمت وغمزاتو: نتا راك مخبي فالقلب..
سمير: ممم طبطب ... لالا مانيش مخبي راني هنا وتغلطي ونلقاك تهدري مع كاش واحد شوفيني كيفاه نبان مليح..
سارة عوجت فمها : هه علابالي ..حتى انا منهدرش .وكون كاش واحد يهدر معايا نعيطلك ..
سمير: ايه عيطيلي
سارة: هههههههه وجي زعما ؟!
سمير: شو تضحك..والله نجي ..
سارة: واش جي دير بصح ؟!
سمير: كي يلحق النهار هذاك شوفي واش ندير..
سارة: لالا علابالي بلا منستنا النهار هذاك..
سمير: كي علابالك عسي روحك ومتقوليلي لا برووف لا والو .
سارة: اييه نقولهم راجلي ميحبش..
سمير: ممم متقوليش كامل عيطيلي برك..
سارة: بصح كلما يهدر معايا واحد نعيطلك بزااف عليك..
سمير: هههههه شكون قالك راح تتعاود كثرمن مرة..
سارة مستغربة : مفهمتش ؟؟
سمير يضحك: ههههه اللول لي يتجرا نمسح بيه لرض لافاك كامل تسمع متخافيش مكاش لي يعاودها ..
سارة حلت فمها مخلوعة: هذاا كامل يخااه ؟!
سمير: هههههه جربي وشوفي بعينيك
-------------------------------------------
شرايكم بالبارت الشيرات حوار داخلي: راني نهدر بالوهرانية زعما مزال ماثر علي ولاد الخلال مخي : راكي فولاد الحونة يااااو
المهم خليكم مني فوت وكومنت حبكم