سمير رجع لخدمتو يمشي ويتبسم. هذا وين فهم واش صرالها سارة..علاه تهدر فللتيليفون وزعما تغير فيه...كي قاللها البارح فلفايس بلي ماهوش حاب يتزوج ومعندو حتى وحدة..هي زعفت وغارت..
ضحك عليها يعني عندو امل بلي تحبو مدام غارت.
سمير : ههههه اااااه فقتلك بلي غيورة مدام بعثتيلي فايس بالتخبية بلا منعرفك وزيد محبيتيش كي قلت معندي حتى وحدة..بصح مزال ماقتعنتش والله لازم نخليك تعترفي بالغيرة تاعك ولا مانيش سمير ولد فطيمة ..
...
سارة تمشي ومقلقة كانت حابة تفهم منو..بصح هو متناقض ..فالفايس يقول معندو حتى وحدة وفالواقع يڨلب عليها الدنيا وداير عليها العسة وغيرة باينة كي شافها بالكحل ويتبلاو فيها..
سارة: اعععع مفهمتوش الراجل هذا يااربي..
ماريا: شبيك سارة؟!
سارة : والو والله دوخني البارح فالفايس قال معندي حتى وحدة واليوم دارلي حالة على شوية كحل..
ماريا: هو قالك هاك..غريبة والله مافهمت ههه
سارة: تلفلي كامل قرايتي..خليني منو..عياني..
.
راحت سارة للدار جازت عليه مشافش فيها كامل..حتى هي مشنفة جازت عليه ودخلت للدار..
فليل يحكو فالفايس..
تحكي سارة عادي معاه..
سمير: عندي عرس ختي السمانة هذي..
سارة: ممم مليح كلشي مبروك..
سمير: يبارك فيك لعقوبة ليكظ.
سارة عوجت فمها: نشاله ونتا لالا قتلي مراكش ناوي تتزوج..
سمير: بدلت رايي
سارة مخلوعة؛ااه ..كيفاه حتى بدلت رايك ؟؟
سمير: بدلتو ..راح نخطب ..
سارة مخلوعة هذا واشبيه...تبلع في ريقها بسبف
سارة: تخطب؟! امالا لقيت عروسة ؟!
سمير: لالا مزال. في عرس ختي يما شوفلي وحدة تخطبهالي.
سارة: ااو .وكيفاه تخطب وحدة متعرفها متعرفك ..هذي كانت بكري..
سمير: عادي انا منعرفش لبنات ومنخلطش فيهم..خلي يما شوفلي بنت فاميليا وخللص هي تعرف..
سارة تقلقت : وكيفاه حتى بدلت رايك ضربة وحدة؟؟ غريبة.
سمير: غاضتني يما قاتلي تتزوج ختك ونبقا وحدي شكون يعاوني ومرت خوك ولادها صغار وظل في دارهم جيبلي لي تونسني وتعاوني..
سارة: مممم وتخطب مالفاميلية ولا جيران هوما لي معروضين للعرس. !!
سمير يكتب ويضحك عليها ويخرجلها في قلبها وهي لا خبر جاوب على نيتها..
...
سمير: فاميليا بلاك .جيران جاااااامي..
سارة مخلوعة فيه واش هذي كيفاه جيران جامي خلااص قلقها مقدرتش تسكت..
سارة: وعلاه واش بيهم جيرانكم ...ماشي ملاح؟!
سمير: لالا حاشا ملاح
سارة: املا علاه؟
سمير: هكاك نفحة..
سارة: انا رايي جيران خير ينقص عليك المصروف باش تديها لدارهم وزيد قدامك تعسها وشوفها وقت ماتحب..
سمير: اوااه لالا..عندي جارتي هنا يالاطيف
سارة حبت تخرج ليه مالتليفون جيفو وهو يضحك
سارة: علااه واش بيها المخلوقة!!
سمير: ياايما عڨرب قبيحة
سارة: متظلمش بنت الناس بلاك تبانلك برك.
سمير: لالل عندي الحق ومتحشمش ثان تخرج وعينيها مكحلين والناس تتبلا فيها. ..
سارة: اخترم نفسك سمعت..
سمير: ونتي علاه زعفتي؟! تعرفيها؟!
سارة: منعرفهاش بصح منحبش لي يعاير لبنات...
سمير: ههههه مليح المهم كي نخطب نقولك ..تصبحي بخير..
سارة ديكونيكتات وهي تغلي.
اااه ياربي راح نهبل لازم نلقا حل للراجل هذا دوخني تقول نقتلو ونريح..بففف تلفلي قرايتي
----------------------------------------------------------
ترقبو البارت لجاي حيكون فيه 🙈🙈 خلاص مهدرتش
أنت تقرأ
ولاد الحومة
Aksiقصة باللهجة الجزايرية تابعوها ومتندموش ملاحظة: هاد الكرونيك منقولة من قروب فيس
