..
.#الحلقة_91:
نرجعو لاحمد وزينب لي راهم فالشرع والشرع يطول مع جلسات الصلح..خصوصا مكاش سبب مقنع و كي احمد مقالش خانتني قال متفاهمنهاش....
اليوم الجلسة الاخيرة تاع الصلح...كانت زينب كلما تروح احمد ميشوفش فيها اصلا وهي تحس بالاحتقار ..تحسو كرها لاقصى درجة...خاطر خانت ثيقتو وكرامتو...وكلما يسقسوها علاه محبتش تبقا معاه متقدرش جاوب ..يغلبوها دموعها...حتى هوما حارو فيها...حاسين بحاجة مخبية...دارو في بالهم تخافو ولا هددها...مي هي مقدرتش تهدر وحست بالراجل لي ضيعاتو من يدها وحبت ترخس بيه..وهو محبش يفضحها..زاد كبر في عينيها بزااف وندمت ندامة حيا تها..
قاعدة في بيتها لعشية نهار قبل متروح للمحكمة وتخمم في حياتها لي نقلبت...تسمع في غنية كنزة ياسمين..ودموعها نازلين..
لي كان يبغيني يخاف عليا راح عليا سون روتور
مافهمت والو في هذي الدنيا شتصرا فيا بلا مونامور
بلابيه نضريت انا سوفريت ..
..
احمد كان برا دخل على نيتو للدار..سمع هدرة وبكا مفهم والو
وقف عند بيت لبنات سمع ختو سميرة تبكي وتهدر مع يماها مهموش اصلا ميحملهاش...دخل لبيتو ترما في فراشو يشوف في تصاور تع زينب قلبو وجعو تمنى كون اضروف كانت لعكس مي الله غالب هي حبت الخسارة...رغم كلش مقدرش يكرها حس الضروف جات في وجهم من كل جيه..
.....
سمير ة مع باية يماها.
سميرة: خدعني يا يما....انا لي وقفت معاه فالحلوة والمرة وعاونتو باش كملنا الدار فلخر تزوج عليا وقالي نجيبها نسكنها هنا معايا....وفي داري لي بنيتها نصها بدارهمي .....
باية معرفتش واش تقوللها تسمع فيها وساكتة..
سهام: نتي جايحة علاه كتبتيها باسمو؟!
سميرة: واش راكي تخلطي ؟؟ الدار فلول تاعو انا عاونتو فالبنيان باش فيناها...قلت داري ليا ولولادي وهو خدعني خدااع وقالي معجبكش الحال روحي لدار باباك...
سهام: معندك حتى دار باباك...ديتي حقك...هذا حقنا..
سميرة: وانا وولادي ترموني ؟؟
سهام : عندك دارك ...عيشي مع ضرتك...خلينا حقنا...
سميرة شافت في يماها هبطت عينيها....عنقت ولادها وخرجت مذلولة ....
تتفكر في راجلها يقولللها نتي مفيكش الخير رميتي خوك...ومحشمتيش تهدري على الحشمة...
جات تمشي تنهدت....تمشي مع ولادها حتى لحقت لدارها..
لقات راجلها جاب الشومبرة وينزل فيها....مقدرتش طاحت فلرض تبكي وولادها يبكو معاها...مفاقتش حتى طاحت نغمت....وولادها يعيطو لباباههم جا ليها.. داها للسبيطار يجوزولها ...لقاوها عيانة بزااف....
ولادها بقاو عند عماتهم وهي فالسبيطار...هبطلتها لاتونسيو شوية...
راجلها راح وخلاها...وهي تخمم وتبكي ...دارهم سمعو بيها جابهم احمد وجا جاب يماه وخياتو طل عليها...
هي كي شافتو هبطت عينيها حست الندامة تاكل فيها..
احمد: ريحتي شوية!
؟
سميرة: لباس خويا ..لباس..
باية: متتقلقيش بنتي.الراجل درك تزوج ربي يهديه..ونتي عندك ولادك اصبري وخلاص في جالهم هذي هي الدنيا..
سميرة كانت عارفة كلام يماها صحيح وعرفت بلي راهي تخلص واش دارت في خوها....
خرجو وخلاوها هي عيطت لاحمد ....
احمد: واش كاشما تحتاجي نجيبلك ؟؟
سميرة: لالا...حابة نهدر معاك...
احمد: خير؟ اهدري
سميرة: سمحلي خويا...سمحلي بزااف انا جرحتك وضريتك نتا ومرتك...يزااف وحتى وصلتو للطلاق بسبابي ومشاكل لي درتهملكم...عيشك مطلقهاش.
احمد تنهد: فات الحال درك...ماشي قضية مشاكل ...بزااف امور .متفاهمناش...
سميرة: كلش يتحل ...عيشك خوذ بخاطري...متطلقهاش علابالي خاطري ميسواش عندك بصح نتا تحبها وبسيف باش جبتها ...متفرطش فيها..والله هي تحبك واذا غلطت معاك من فوق قلبها...سامحها اي وحدة تغلط...
احمد. وقف وجاي خارج...
سميرة: زينب تحبك احمد متفرطش فيها..
احمد خرج وهدرة ختو في راسو دور بصح زينب خانتو وهذي لي مقدرش ينساها ولا ينحي وجيعتها من قلبو.
أنت تقرأ
ولاد الحومة
Hành độngقصة باللهجة الجزايرية تابعوها ومتندموش ملاحظة: هاد الكرونيك منقولة من قروب فيس
