ولاد الحومة

😶بارت 23 😶

سارة خرجت تمشي جازت على دارهم..سمعتهم يهدرو مفهمتش واش كاين و 2 طونوبيلات عند الباب معرفتش تاعمن..
سارة: بفف وين راه سمير حابة نشوفو..زعما صح يكون خطب ولا علاواه راهم يزغرتو..
بعدت شوي .شافتو خرج ويهدر مع جارهم ثم..يتبسم ويضحك ويقولو يبارك فيك..
سارة حست حرقة في قلبها : هذا راهو فرحان وانا محروقة عليه..ويضحك والناس تبوركلو...سما خطب وانا كان يتمسخر بيا..والوقت لي كان غايب فيه كان مع لالة لي خطبها..يعطيك الصحة يا سمير..
راحت تمشي راحت عند ماريا حكاتلها..
تهدر وتبكي..
ماريا: سارة متبكيش ختيتو..بلاك مخطبش راكي تتوسوسي وحدك..
سارة: املا واش دار ؟؟ ناس تبوركلو وزغاريد..وديجا عندو مدة مبانش محوس عليا معلابالوش بيا...انا قتلك خداع ويتمسخر بيا ونتي قلتيلي يحبك
ماريا: والله دوخني سمير هذا..انا كان يبانلي يحبك.. .بصح كنتي تسقسيه وتتاكدي قبل..
سارة:كيفااه نسقسيه ؟؟ وعلاه هو عطاني نومروه ؟؟ ياك شفتي غير مالبعيد حتى كلمة نحبك مقالهاليش ..يعرف غير يعيط.
وضرك باش نتاكد مقدرتش..نخلي حتى يجوزو نهارات ويلحقنا الخبر من عند الجيران
ماريا: معليش ختيتو اصبري..ومنبعد تعرفي كلش..
...
سارة: السمانة هذي النتيجة تاع الباك والله ماني نخمم فيها قدما نخمم في سمير..
ماريا: نشالله نجيبوه ونفرحو..اتبسمي
سارة تبسمت مقهورة: نشالله ياربي
سارة خرجت تمسح في عينيها مالبكا
رجعت سارة للدار لقات سمير مع طونوبيل جديدة..
غلقها ونزل...
محبتش شوف فيه..
سمير شافها تبسم توحشها عندو شهر نشافهاش..منين ذاك.برك.
سمير: سارة..
سارة هبطت راسها ودخلت تجري محبتش شوفو .
سمير شاف عينيها منفخين مالبكا عرف بلي تغشت عليه كي مبان عليه حتى خبر..
سارة دخلت للدار وجرات شقت التاقة وطل عليه..
شافها رجعت غلقتها .
سارة: والله جاي تهدر معايا شغل مدرت ولو.. شريت طونوبيل بصحتك..بصح والله ندمك يلي غبت هكا ومقلتلي والو .والله نخليك تشتاق شوفتي..والا مانيش سارة بنت حورية.. اصبر برك..
..
سمير شافها دخلت مغشة تهند..
سمير: علابالي راكي مغشة..بصح سمخيلي عمري هدرتك قاستني ..طلبتي طونوبيل جبتها في خاطرك ..كون تطلبي عينيا نعطيك..اطلبي برك...
شاف جيهة تاقتها شقتها وغلقتها مخلاتوش يشوفها .
سمير: ههههههه مهبولة..توحشتك..
...
خرج فليل سهر مع ياسين وسيد حمد بوركولو على الطونوبيل...
ياسين: والله نستعرف بيك..جبتها ..
سمير يشرب في قهوتو ويهدر..
سمير: واش تحب دوبليت الخدمة واش ندير.
سيد احمد: بصح كيفاه حتى زربت بيها وشريتها..محتاجها؟!
سمير: علابالي نحتاجها
ياسين : هههههه منا ورايح لازمك طونوبيل باش تروح ..راح تبعد ههه
سمير: واش راك تخلط ؟؟
ياسين: بركانا سمير ..طريق لافاك ينادي..قولي مكاش منها .
سمير: سكتنا يرحم باباك..والله .
...
رفد روحو وراح للدار.
لحق قدام دار سارة كان حاب يشوفها بصح ملقاش كيفاه..قعد شوي..
سارة شافتو..
سارة: مممم هذاوين تفكرت سارة..عالم ربي وين كنت قبل..
سمير كمل طريقو للدار عارفها مغشة منو..
دخل للدار سمع ختو زينب تهدر وتبكي نخلع...
دخل شافها قاعدة مع يماها وتهدر وتبكي
---------------------------------------------------------
راني حطيتلكم البارت كيما قلتلكم