مذكرات عاشقه

الحلقه التانيه 💋

لما انفتح الخط وانقال ايواه ، عرفتك طول ، مش صعب عليا نحس انك انت ، من دقات قلبي اللي ماهدتش و رجفه جسمي اللي مافارقتني ، سكرت عليك طول ، مع المغرب  كلمت امك وطمنتني انه الموضوع انحل وانك رجعت للحوش وماتهورتش ولا درت شيء ، قداش فرحت ياسامي ، حسيت الدنيا مش سايعتني ،واني نفكر فيك لقيت التلفون يضوي جنبي ، شديته لقيتك انت ، للحظه قعدت مصدومه بعدين بديت نرعش وفتحت الخط ، كنت مستمر باصرار انك تعرف من نكون ، لكن اني ماقدرتش نرد عليك ، حاولت بس والله الحروف ماطلعو من فمي كنت نرعش وجسمي كله حرارة وقلبي بيطلع من مكانه ، مش نبالغ لكن هادي اول مرة نحب واول مرة نسمع صوت راجل غريب في التلفون ،انت قعدت تتصل بإصرار ، عمري ماننسي كلمتك لما فتحت الخط ، قتلي لاه عليك شحورتيني في جرتك،  ردي تربحي ردي ، اني مانحبش نعشش لكن انتي خليتيني هكي ، قتلك بصوت يرجف وخفيف يادوب طالع (الو ) فرحتك وتنهديتك وين سمعت صوتي عمرها ماتغيب عليا ، وبعدها سمعت صوت في الحوش قلت اكيدة جي المكروه خوي وسكرت عليك ، لقيتك فاتح نت فايبر قلت واللهي اللما  انكلمك

ليس مهما من أكون ......ولا داعي لذكري اسمي ...لن يفيدك ابدا  سماع صوتي .....ولا رؤية حروفي ....إعلم انني اعرفك جيدا ..وتأذيتوا منك كثيرا ....وكنتوا في رحلة لنسيانك قاتلي ....واعتقدتوا بأنني علي مشارف النجاح في هذه المهمة المستحيلة .....!!!
لكنني لم اعلم بأن روحي امتزجت مع روحك لتنتج شرارة قاتلة ...تنخز فيها  قلبي مع كل خطر يقترب منك .... ....!!.......اجل.......!!!......
احسست بروحك تناجي روحي وتطلب منها الاقتراب لتنزع الخطر عنك وتدعو لك ............

ماقدرتش ياسامي والله ماقدرت انكون بعيدة وانت بخطر ماقدرتش نمثل علي روحي بأنك ماتهمنيش ...ماقدرتش نسمع الرصاص ونسمع بالمشكلة ومانخافش عليك ......لما اتصلت ماقدرتش انرد عليك ياسامي والله ماقدرت .....صوتي اختفي ....في اللحظة هاديكا حسيت ان احبال الصوتية اتقطعت .....ولا عمري اتخيلت اني ادجيني الجرأة ونكتبلك رسالة ونبعتهالك  ...... لحد هادي اللحظة بجديات اني مش مصدقة اني درت هكي اني عفست علي آخر حبة كبرياء داخلي وكلمتك ......لكن تعرف اني كنت مستعدة اندير اي شيء المهم انت مايصيبك أي مكروه المهم انت تكون بخير وسلامه. ....
صدقني مش مهم تعرف مني اني ونتمني انك تكون زي مانعرفك ومايعرف حد برسائلي .........
نترجاك دير بالك علي روحك  لانه روحك مش ملكك لوحدك ......
وسامحني علي الازعاج واعرف اني بجديات لو مش من الموقف اللي صار مستحيل اني نفكر نكلمك .....لان هذا ضد مبادئي ..........اني مش مقتنعة باللي درته لكن ماكانش عندي خيار تاني .....امس حالتي كانت بالويل ....كنت خايفة عليك هلبااااا ......ربي يحفظك ويحميك ومايوريني فيك وجع يارب ......

بعتلك هادي الرساله حرفيا واول مابعتها القيتها تمت المشاهدة، ااه ياسامي وانت تقرا فاها كنت اني نغلي وعلي اعصابي ومعاش قدرت نتصور ردة فعلك وانت تقرا فاها شني ،كان خاطري بس نشوف تعابير وجهك ااااه ، اول ماقريتها قتلي نطلب منك طلب واني طول قتلك اتفضل ، قتلي بكل اصرار انتي مني ، قتلك مش ضروروي تعرف وانت قعدت مسكر راسك ، قتلي جمله ياسامي عمري ماننساها ، قتلي زي ماأنتي تعرفيني وخفتي عليا حتي اني نبي نعرفك باش نخاف عليك ، كلمتك لو تعرف شن ولعت فيا ، لو تعرف قداش نقزت لما ريتها ولا قداش قلبي دق دقه ولا وجهي اللي ولا احمر زي الطماطمه كأنك قتلي انحبك ههههه ، وطبعا كيف جايه ومن حظي العطيب اللي ماله دواء فجأة ......
انتهت الحلقه
تابعوني ..