مذكرات عاشقه

الحلقه 31💋💋💋

يا ألله أنا لسـتُ إلَّا كائـناً صغيراً على هذه ألارض خسـارته لا تحدث شرخـاً بالعالم ، وأحزانه لا تكسف بالشمس ، لكن وحدك يا الله تعرف كيف تنطوي في قلبه الحياة " 🧡

قداش مالانسان في اوقات يحس روحه جبان ، مهان مذلول ، وهوا مش قادر يدير ولا حاجة ، يتفرج بعيونه وخلاص يتااااابع في التصرفات في الحركات في ردات الفعل في كل حاجة انكتبت وقاعدة تنكتب ، زعما اني اخترت قدري ومصيري ، والا اني عشته بدون اختيار ، بدون لاحول ولاقوة مني ، كل مالانسان يتعمق في التفكير ، يتعب ، وتعبه يزيد لما مايلقاش اجوبه علي اسئلته ، لكن اللي نعرفه ومتاكدة منه ، انه كل شيء بايد ربي ، وهوا شايفني وعارفني قداش عانيت وقاعدة نعاني ....
نضت الصبح منفطر لقيت فارس مقعمز علي الصفرة ويطنش عليا ، قعمزت ناكل وخالتي فرحانه بيا واخيرا نضت من مكاني وقبلت الماكله ، بعد انقطاع عن الدنيا كلها ، نشوف لهدي، حالك احسن من حالي صدقيني ، علي الاقل لقيتي عيله تسندك ، لقيتي خوك بمليون راجل واقف جنبك ، اني مالقيت حد ياهدي ، مالقيت حد ،خوي اللي من لحمي ودمي اول واحد قتلني ، يلاااا ماعلينا ، اخرتها حفرة ...
نضت نضم في الكوجينه ونسمع في هدرزتهم وضحكهم وجوهم مع بعض ، برغم كل الظروف يخلقو في جو عائلي ، والابتسامه يصنعو فاها صنع ، علشان يعيشو ويكملو ......
خش فارس يغسل في ايديه ، وكأني مش موجودة في الكوجينه ، يتجااااهل فيا بشكل غير طبيعي ، اللهم طولك ياروووح 😤
خدي كلاشنه وطلع ، اني نراااقب بعيوني ، قداش مافاضيه وربي ، تي يدير اللي يبيه ، ماغلطت في حد اني
خشيت ندير في الغداء وخالتي تحلف وهدي تحلف ، واني نقوللهم خاطري نطيب ليا هلبا علي الكوجينه ، درت غداء مشكل بين حار وسلايط ومسقي ، رتبت الصفرة علي خشته هوا ، اول ماخش انزل تحت رجلين امه وباس ايدها ، قاللها قصدك هذا كله مطيبتيه انتي لااااه عليك يمه ؛ رجليك يوجعو فيك ، قالتله لا هادي مريومه الغاليه اللي مطيبه ، شافلي بنظرة حادة و قاللها كولو صحتين اني متغدي مع الولاد وخش لداره ... حركاته بدت تضربلي في اعصابي ، متعب متعععب لحد الهوس هالشخص ....
ضمينا حوستنا علي طقه الباب ، طلعو عيله عمهم ، وعندهم بنات يكسرو الرقبه بلبسهم ودلاعهم ، ويسألو علي فوفو ، تي مني فوفو ، اخرتها انت يافارس اللي الرجوله تنقط منك تنقيط مخليهم يدلعوك فوفو ، افففففف نفخولي راسي بتبوديعهم الزايد ، وفارس مقعمز يضحكلهم ويهدرز معاهم ، تي اصلا كلكم زي بعض ، نضت من بحداهم وخشيت المطبخ ، دمي علاش محروق ، هوا صح اني تتجاهلني يافارس والشكالات اهيا تضحكلهم ، نغسل في الماعين ونكلم في روحي زي المهبوله ، ننين خش عليا هوا ، طنشت عليه وتلفتت علي الجيهة التانيه ، قالي ردي بالك اطيبي انتي علي العشاء ، عازم ولاد خلي هدي هيا اللي اطيب،  الدم وصل لراسي ، قتله كييييييف كيييييييبف ، شن قصدك باها هادي ، قالي وطي صوووتك مش ضروروي اتسمعي اللي برا ، قتله تييي تعرف مش الحق فيك ، الحق في اللي مدايرلك قيمه وواقف يرد عليك ، وخشيت لدار وطربقتها وراي ، دمي يفووووووووور فوراااااااااان ، واقفه قدام المرايه ونكشخ ونعيط ونرتب في جمل ، ومفروض قتله هكي ، لااااا مفروض هزبته ، ولا لااااااا مفروض دفيته وطلعت ، وبين هادي وهذيكا واللي صار واللي  مفروض يصير دموعي نزلو بروحهم  ، ماقدرتش نشد روحي من الانهيار ، فعلا اني متعبه اني كلي تعب، ومش متحمله حتي النفس لما بالك الحروف اللي تجرح ، كلني جروووح كلني تلف ، نبي من يضمد ، معاش عندي وساااااااع لي الكسر  ارحموووووومي ياجنس ادم كفااااااني  ......
غطيت روحي ببطانيتي ورقدت ، وكأني منهرب من كل شيء بالنوم ، جتني هدي تبي تنوضني ، لقتني ساخنه حرارة وعرق ، نادت امها وفارس   ، خشو يجرو ، قامني هوا  في غمره وحطولي عبايه علي السريع ، وطار بيا للمصحة ،  فتحت عيوني بعد ساعات من الاغماء ، لقيت خالتي وهدي وفارس واقف في الباب ، تحمدولي بالسلامه ، لكن فارس بدي يلكحلي ويحدفلي في كلام يجرح ، وفي لجديد ردي بالك ومشقيتينا معاك ،ودلااااااع زاااايد ،وانتي مهمله  ومش عارف شني ، اني خلاااااص تنهدت وكنت حنبكي ، قالتلي هدي ماتصدقيشي هالكذاب ، تي قبل خمسه دقايق بس ، كان يعيط علي الدكاترة في الممر ، تي كان يصيرلها حاجة اللما نهد المصحة علي روسكم ، والا وجها كيف اسود وهوا يجري بيك وتبرعلك حتي بدمه ياحنه ، قاللها سكري فمك ومعاش تبالغي ، توا اني وجهي اسود ، تي اهو قريييب يبخ الدم ، وبعدين قلتلهم هكي باش مايبلوناش باها ونقعدو حاصلين ،  وطلع طوووول وجها معاش شفته نيين ركبنا في السيارة ، حطيت ايدي علي مكان التغديه،  وابتسمت ، يعني الدم اللي يجري في عروقي هوا دمه ❤
إحساس غرييييب لكن حلوووو
خشينا للحوش اي شيء نقوله يدير عكسه ، نقول محلاه الهدوء ، يعلي في التلفزيون ، نقول الجو دافي ، يسكر الدفايه ، يضاااااايق فيا بكل الطرق الممكنه ، مافهمتش خيره مداير راسه من راسي ، ماتفهميشي كيييف يفكر ، وقت الحرب والجبهه ، شخصيه ودماااغ وشجاعه تبارك الله ، وقت البصارة ، ماتلقيش معاه مكان ، وقت البرادة نيين يكرهك في حياتك ، تركيبه غريبه عمري ماشفتها بجد ، وجاياته عليا ياكبدي  هالايام ، استاحشت يوسف ، بصدق يوسف كاااااان معبيلي حيااتي ، كان وحيقعد جرح في قلبي 💔
اخبروه...
كم تعلقت بتلك العيون.. وتلك الابتسامة البريئة التي لم اتخيل ان اراها على وجه رجل ..فلطالما كان الرجال في نظري بعيدين كل البعد عن البراءة..
اخبروه ..
كم دق قلبي عندما التقيته.. حتى كاد ان يطير.. مثل طائرة ورقية بين يدي طفل شقي ..
اخبروه كم كنت به متيمة.. حتى اني نسيت كل الماضي والامه.. ولم ار امامي شيئا سواه..
اخبروه..
أخبروه اني تعلقت به كتعلق زليخة بيوسف.. وعشقي له قد فات الحدود..
اخبروه...اني كنت اتنفسه.. وانه كان السلام في زمن الحروب..
اخبروه  فإنه لايدري..
اخبروه كم كان القلب يعشقه.. ولكن منذ فارقني ، مات قلبي والنبض فارقه..
اخبروه اني تهت من بعده وصرت اشلاء.. ولم يبق مني سوى مذكراتي .." مذكرات عاشقة"