مذكرات عاشقه

الحلقه 16💋

الحلقه ١٦
+18
دف الباب عليا واني مرعوبه من منظره ،هجم عليا طوول واني نعيط بعلو صوتي ، وهوا الشرارة اللي في عيونه كانت حتقتلني ، قالي مادامك مصفحة حندخلهولك من الخلف ، واني سمعت الكلمه هادي وبدييت  نعيط ونبكي بصوت اعلي وندف فيه لكن كان اكبر واقوي مني ، ايه هذا زوجي هذا اللي مفروض يكون اماني وراحتي ، حيغتصبني وين حقوقي في مجتمع لايعاقب الرجل علي اخطائه ومعاصيه ، اني نتعرض لاغتصاااب من قبل زوجي ، ياربي خلقتهم اقوي منا مش باش يهينونا ولا يستعبذونا ، ياربي حتي اللي حرمته يحللو فيه ، ياربي انتهكو حرماتنا ، ياربي لوثُوا اجسامنا ، ياربي تحرشو بينا ، ياربي تعدو علينا ، واني في عز المي ووجعي الباب يطق بقوة خلت الحيوان سعيد يحول من عليا واني قاعدة شبه عاريه زحفت منستر روحي وسعيد فتح الباب وكنت انت ياسامي كنت مقابلاتك ملوحه والدم معبيني ، استفسرت علي صوت العياط من سعيد قالك مرتي تدلع عليا ، واني نعيط ونترجي فيك تنقدني منه ، لكن انت مادرت ولا ردة فعل وجيت بتمشي ، نضت بكل قوتي ودفيت سعيد برا وصكرت الباب بالقفل ودرت  علي الحوش كله نسكر فيه واني متحطمه الله ياخدكم كلكم ، صدمتك في قوتي كانت واضحة علي وجهك ، وسعيد يطق بكل قوته ، انت تحشمت علي وجهك واخيرا ولزيته برا الحوش ، اني مشيت للحمام انحي في حوايجي ونبكي خشيت دوشت واني الدم معاش بي يبطل مني ومعاش قادرة نقعمز والله واللي اسمه الله اللما نشكي فيه ومش حنسكت ياسعيد الكلب ، قررت نقعد مصفحة الفترة هادي ، جني يقعد فيا اهون من ينتهكو غشاء بكارتي هالنجسين  .
بكيت وكل مانبكي يزيد حقدي وتزيد قساوتي علي هالدنيا وعليهم ونوعد روحي نكون اقوي باش ننتقم من كل اللي عذبوني .
توضيت وصليت واني نرجف شكلني مرضت خديت شيتي وحاولت نقرا ، الرعشه اللي حصلتها كانت كفيله بأني ننسي حتي اسمي لكن الحمدالله مشيت وجاوبت وادهمت علي العيادة  واطمنت علي امي وقعدت جنبها للعشيه بعدها قررت نمشي لمحاميه وتاء الثأنيت شرطي لانه مش حيحس بمعاناتي الا مرأة زيني ، وحكيتلها قصتي كلها ووعدتني تساعدني في رفع قضيه الطلاق ودرت تقرير شرعي بالاغتصاب اللي صار وحتي لو زوجي مش من حقه يغتصبني من الخلف ومحرم شرعا لشيء هذا لكن شهوتهم ديما فوق كل شيء ، الدكتورة اللي فحصتني اعطتني ادويه وقالتلي معلومه قريب بكيت منها ، انه الجماع من الخلف يسبب مرض السرطان للمرأة ، ربي ببساطه خلق هالفتحة لغرض معين تطلع منها الفضلات وبس لكن دخول اي شيء خلالها يسبب سرطان القولون ومن اصعب السرطانات ، وهكي نعرف ونتاكد انه كل شيء ربي حرمه لسبب ولحكمه مش من فراغ لكن ياريتنا نستوعبو هذا الشيء ...👌🌺
روحت للحوش وجت عيني في عينك وكأنك ادقول امس متعرضه لاغتصاب واليوم طالعه ومكمله حياتك عادي جدا ، اييييه علي فكرة عادي ، لاني تعودت علي خدلانكم تعودت علي خيباتي منكم وتعودت علي جرحكم والدنيا مش حتوقف علي حد ، قتلي بنظرة استفزازيه شني ماعجبكش الشاباني  عاد كنتي متعودة علي الصغار وضحكتلي ضحكه مستفزة ، وكل مرة تسمعني شيء يقهر ، وكل كلمه كانت زي الخنجر تطعن في قلبي الغبي اللي في يوم حبك ونبضلك ، شفتلك من فوق للوطا وخشيت واني ننزف من حبك وياريت هالقلب ماحبك ......🌺
واخيرا كملت كورساتي ومنبدا نخدم ونظرا لتفوقي العالي طلب مني الدكتور نخدم في المصحة متعه في قسم التحاليل ووافقت وبمرتب محترم والحمدالله حسيت روحي درت انجاز خديت تورته ومشيت باها لامي بمناسبه اول يوم خدمه وامي كانت فرحانتلي  هلبا دموعها كانو دموع فرح ، مقعمزة نتأمل في امي نيين رقدت ، اااه ياميمتي سر الحياة مو بالمي لا سر حياتي عيونك ، عيونك وبس نشوفهم نبرا نقوي نصح ، ياويلي من حناانك ومن قلبك يانظر عيوني انتي ، والله الدنيا بلاكي ماتسوي، لكن ياميمتي وجهك تاعب وجسمك فشل ،الكيماوي هد حيلك ومحي ملامحك ، خدي شعرك ، واني معاش عارفه شني ندير بروحي مخلييني كأنه ماعنديش خوت مشيت سألت علي حالتها  وقالولي ضروري ندور متبرع تاني محتاجة لكليه بأقصي سرعه ااااااه ياامي ياريت نقدر نعطيك كلاويه الاثنين واللهي مانقصر لكن ماباليد حيله  قعدت ندور من عيادة لعيادة بالك نلقي متبرع لكن لاسف ماحصلتش ، وفي من نصحني ندير اعلان علي النت ،تي اني حتي تلفون ماعندي ، باقي الفلوس اللي فاضلات شريت بيهم تلفون وشفرة وقلت لصاحب المحل يعلمني نفتح فيس ونت ،روحت درت حاجة خفيفه كليتها ونزلت كذا اعلان في كم صفحة وحطيت رقمي ، غفيت بدون مانحس ،نضت علي رنه التلفون فرحت معناها فيه متبرع ،رديت وطلع واحد مكسد لا والاخ يبيني نمشي معاه للاستراحة باش يأمنلي كليه لامي ، يعني تبي ولا ماتبيش يبو يديروني عاهرة ، صكرت عليه واني يآسه من كل شيء .
حالتي اقسم بالله تصعب علي الكافر بلا سند بلا ظهر بلا شيء اقرب الناس ليا باعتني وطامعه فيا
وكأني مريض في غرفه الانعاش سمع أقرب الناس علي قلبه يتسائل امتي بيموت ويريحنا .......🌹
تعرف ياسامي علي  بالي نعيش اللي عشته معاك لكن مش معك ،مشتاقه للحب مشتاقه لحد يسندني ، مشتاقه للامان مشتاقه للسند ، مشتاقه نحب نجن نهبل معاه زي ماهبلت معاك ياسامي لكن مش انت ، حد يحبني زي ماحبيتك حد يصوني حد يكون قوتي ومملكتي ، لكن اني بديت جبانه معاش نقدر نعطي فرص معاش نقدر نأمن علي قلبي معاش نقدر نعطي ، وصلت لمرحله معاش نقدر نخلي لحد ظهري بدون مانفكر انه حيطعني ..
🌺🌺
انتهت الحلقه