مذكرات عاشقه

الحلقه السابعه 💋

١
في مرة اتصلت بيك وانت رديت عليا قتلي الووو الووو قعدت انكلم فيك وانقولك الووو شورا انت ماتسمعش فيا امشي سكرت عليا .
قعدت اني شوية بعدين اتصلت بيك امشي قتلي نسحابها امك خوفتيني كنت منسكر تلفوني مرة واحدة ومعاش نفتحه .
اهني كانت الصدمة بالنسبة ليا صح اضحكت معاك بس غصتي بكلامك كانت اكبر اول ماسكرت منك كتبتلك الكلام هذا 👇

تعرف بجديات امبكري ماتوقعتش تفكر بهادي الطريقة كيف تفكر انك تسكر تلفونك وتهرب اه قولي .....كان المفروض انك تتصل وادقولي اني انكلم امك وانتي اطلعي من الموضوع مش تختار الحل الاسهل وتتخلي عني بهادي السهولة ..كيف يجيك قلب انك تسيبني انواجهم بروحي ...كيف انهون علييييك بهادي الطريقة ..اني ديما كنت معتبراتك سند وظهر ليا امبكري حسيت ظهري انكسر .....بجديات صدمتي كانت كبيرة هلبببببا ماكنتش متوقعة ردة الفعل هادي ابدا.....كنت نبيك تكون معاي وتواجه ماما بكل ثقة وتفهمها كل شيء .....باهي بالله عليك تخيل ماما كشفتني واني قعدت نحكيلها عليك وانقوللها انك ماتلعبش بيا وانك تبيني بجديات وانقوللها اهو نتصلك بيه كلميه ...وانجي نتصل بيك وتطلع مقفل ..شوف منظري بعدين قدامها وشوف الموقف كيييف بيكون صدقني حنتمني الموت من كل قلبي لانه الموت حيكون ارحم من اي شيء حنعيشه .......فأني انقولك ياسامي كان انت مش قدها الحكاية ومانقدرش نعتبرك سند وامان خلينا نبعدوا نيييين اترتب امورك وتشوف روحك بعدين كلم امك ويجي الموضوع وكأني مانعرفكش وخلاص .

كتبتلك الكلام هذا بس ماقدرتش نبعتهولك ماكنتش نبي ندير مشااكل وسامحتك ومابيتش نقولك اني زعلت اصلا ، كان الموقف واضح بانك تخليت عليا ، وكذبت روحي وقلت هادي غلطة وخلاها تمشي في حالها .
 
٢
تعرف كنت ديما نتخييل في اللحظة اللي بتحكي فاها لامك وادقولها انك تبيني تخيلت جميييع الطرق بجميييع الصيغ " تخيلت كل كلمة انت حدقولها اتخيلت لما بتتصل بيا وادقولي اني قلت لامي اني نبييييك حلالي .............
بس بجديات نهنيييك الطريقة اللي انت درتها ماخطرتش في بالي اطلاقا الاهانة اللي حسيتها بكلامك عليا عمري ماتعرضتلها ولا تخيلت اني حنواجه الموقف هذا في حياتي
من كثرة الالم هذيكا الليلة نذمت اني خشيت معاك في علاقة لاول مرة💔💔

تنامُ باكي و تمُوت قهراً من أفعالهم
وتتوعد بـ إھمالهم,
لكن حين تراهم تنسى كل شيء وَ تبتسم لهم !
هذا ما يسمَى بِـِ غبآء القلب !

وبعدها ركبت  فوق وقعدت نبكي نييين اعييت واتصلت بييك مع اول كلمة منك وبدون اي اعتذارات سامحتك وترجييتك انك تكلم امك وتصلح صورتي قدامها وقعدت نستني فيييك ونذكر فيك انك تكلمها لحد ماقتلك علي الفايبر كلمتها ياسامي  قتلي لا قتلك وعلاش قتلي هكي مانبيش نكلمها ....
اهني تم كل شيء اهني وقفت عقارب الساعة بالنسبة ليا ، اهني انزف قلبي هلببببا ، اهني حسيتك طعنتني بقوة .
ومع ذلك سامحتك ياحبيبي وكملت معاااك وبدون اي اعتذارت منك ، كملت علشااان الحب الكبير اللي في قلبي ليييك .