مذكرات عاشقه

الحلقه23💋💋

قُلْ يَا عِبَادِيَ الَّذِينَ أَسْرَفُوا عَلَىٰ أَنفُسِهِمْ لَا تَقْنَطُوا مِن رَّحْمَةِ اللَّهِ ۚ إِنَّ اللَّهَ يَغْفِرُ الذُّنُوبَ جَمِيعًا ۚ إِنَّهُ هُوَ الْغَفُورُ الرَّحِيمُ.

كل الأطمئنان في هذه الآيه ❤️

تعبانه وانت ياربي  الوحيد اللي شايفني و حاسس بيا من مشكله لمشكله ومن مصيبه لمصيبه ، الدنيا مش شينه لكن البشر ذلوني  وقهروني في عمري ~{ان مع العسر يسر♡ }
حاضنه الصغار وهما يتعايطو ويبكو مرعوبين من بوهم اللي مفروض يكون عزهم وكرامتهم وسندهم واتزانهم وامانهم ، انت اسوء مثال للي الابوة وللزوج وللاخ وللسند  ياعبد الله ، كل انسان مفروض ياخد من اسمه ولو شويه ، وانت للأسف خديت المقطع الاول فقط ، بدل ماتكون عبد مخلص لربي ، بديت عبد لشهوتك و مطامعك وفسادك ؛ الابوة مش بالكلام ولا بالفلوس ، الابوة حنان وأمان وظهر وأخلاق ، انت وين والاخلاق وين .....🌺👆
كانت اجسامهم ترتعش وزينب ماقدرتش تتحمل وبللت روحها من الخوف ، يركب في لمفتاح وبيفتح ويتوعد بذبح صغاره ، زحفت فدوي وشدت في رجليه ، قالتله اضربني اني ، سيبهم هما ، سألتك بالله العظيم ، خلي الصغار وتعالا اضربني كسرني ، حتي بتذبحني اللي تبيه ديره ، لكن هما ارحمهم ..... واهني بس نقدر نقول الجنه تحت اقدام الامهات ، ربي مش من فراغ قالها ، الام اللي اضحي بروحها وكرامتها علي شان اطفالها هادي تستحق كل الشكر والامتنان ، امي مش بس جابتني وربتني وعلمتني ، لااا أمي انهانت ، أمي انضربت ، أمي توجعت ، أمي انسبت ، أمي انذلت ، أمي انجرحت ، أمي انكسرت الف مرة باش تكبرنا ، أمي ثم أمي ثم أمي لحد آخر يوم في عمري .....👆👌🌺↕
رقدتهم واني نبكي بعبرتي ، نسمع في شهقات فدوي برا وعياطها ، ندعيلها ومالي غير الدعاء

الرجولة بجميع معانيها 
‏اختصرها النبي عليه الصلاة والسلام بقوله :
‏" خيركم خيركم لأهله،
‏وأنا خيركم لأهلي "!

لو مرتك وصغارك مالقوش فيك الخير ، من بيلقاه ، تحسابو كلمه الدين ساهله ، باش ادقولو فاها بهالاستسهال ، مش اي حد يربي لحيته ، ويصليله ركعتين في الجامع يبدا شيخ وفاهم في الدين ، الدين راهو معامله حب وفاء تضحيه أمان كلمه طيبه صدقه ، بدل مادقول قال الله وقال الرسول بدن فهم وبدون وعي ولا اكثرات بالمعاني الحقيقيه ، اتصرف كبني ادم سوي ، حاول اتكون كويس مع البشر ، مش تعذب وتستغيب وتوجع وتقهر الناس وادقول لا اني ننصح ، اني نقرب فيهم لربي ، ابدا من نفسك وافهم انه دينا دين التسامح والمعامله الطيبه مش الضرب ولا التخويف ولا الترهيب 👌👌👌👌👌↗
فدوي تكركر في روحها بالسيف مهانه وذليله ، خشت دوشت وهوا تلوح علي الكنبه .
جي الصبح ومش عارفه كيف رقدت اصلا ، نضت القيت الصغار مهناش وباب الدار مفتوح ، خفت يكون مداير فيهم حاجة،  نضت مخلوعه ونجري وندور ، القيت فدوي اطيب في الغداء وجنبها زينب مدوشه وترسم ، اني كنت نحلم ، معقوله اللي صار البارح كله حلم ، قربت من فدوي وحطيت ايدي علي ظهرها عيطت من الالم ونحتلي ايدي ، قلتلها كيف تقدري تكوني هكي فدوي ، وتفكرت روحي ليله اغتصابي من سعيد،  نضت بكل قوتي وبديت نغير في حياتي ورفعت قضيه طلاقي ، قصدي اني وقتها صح كنت قويه ، لكن قوتي جت في محلها،  وكنت رافضه للذل ، لكن انتي يافدوي قوتك في ضعفك ، وكل ماتسكتيله كل مايزيد يتماده معاك ، يافدوي ردي عليا ، تعاقبي فيا ولا في نفسك انتي ، شافتلي فدوي بنظرة ماقدرتش نفهمها ، وخدت بنتها وخشت للدار ، اففف شورا الاولاد في المدرسه .
•
‏- ياربّ التجـاوز ، العُبـور ، والمُـرور ،
ياربّ كُل شـئ إلا الـوقـوف فـي المُنتصف :) 🥀💙