مذكرات عاشقه

الحلقه 29 💋💋

مذكرات عاشقه 🌺
الحلقه 29 💋💋

إنْ حزنت نفسك
فحاورها بهذه الآية "لاتحزن إنّ الله معنا فأنزل سكينته عليه"

*وإنْ دَعَتك نفسك إلى معصية
فحاورها بهذه الآية "قل أذلك خيرٌ أم جنة الخلد التي وُعِدَ المتقون"

*وإن اتاك الهم واليأس والغّم وتكلّمَ عليك الناس
فحاور همّك وغمّك بهذه الآية "ولقد نعلم انّك يضيق صدرك بما يقولون فسبِّح بحمد ربك وكن من الساجدين"

#فاطمئن💚🍃

جسمي كله يرعش من اول ماشفت الكلب ابديت نقرا في قران بصوت عالي ، والكلب واقف يشبحلي من بعيد ويعوي ، واني نزيد نقرا في القران بصوت اعلي ، شكله يخوف،  سكرت عيوني بقوة وابديت نرتل في القران ونبكي ، وكل جوارحي تترجي في ربي يساعدني ويقعد معاي ، لما افتحت عيوني لقيت الكلب متكي علي الارضيه وهادي ، كملت نقرا في القرآن ، بسكينه بآمان بثقه انه ربي مستحيل حيخدلني ....
‏﴿ ويسأَلُونك عن الجِبال فَقُلْ يَنْسِفُهَا رَبي نَسْفًا ﴾
من يستطيع ✺.نسف الجبال في لحظة
قادر أن يزيل ↜.همك في لحظة
احسن ✭.الظن بهِ فقط ..

خش واحد من جماعته ابدي يهز في الكلب ويضرب فيه برجله ويقوله نوض عضها تي نووووووض خيرك تمرقدت ، الكلب رجع لحالته وعضه من ايده ، واني في خاطري نشكر في ربي مليون مرة ، لانه بادي ياخدلي في حقي منهم ، جو مجموعه وطلعو الكلب ، وهذاكا يعيط سعفوه ويحلفلهم انه من اشرس الكلاب كيييف مايعضهاش ، واني في قلبي نرد عليه ، مافيش حاجة مستحيله علي ربي ، ربي قادر علي كل شيء. ....👌❤
حطوني في زنزانه  تانيه كانو فاها مجموعه من المخطتفات ، اللي لها شهور ، واللي لها سنين ، فيه الي كانت طالعه للسوق وانقامت ومعاش شبحت امالاها ولاقدرو يوصلو فاها ، قالتلي مصورينا ، ولما يجي زبون يختار البنت اللي تعجبه ، يركباها يجهزاها وكان رفضت يقعدو يعذبو فاها للصبح ، فيه وحدة مقعمزة في التركينه ووجها مغطي بشعرها وتبكي وتخبط علي رجلاها  ، قلتلهم هادي خيرها ، قالولي هادي خطفاها هيا وامها ، اغتصبو امها قدامها نيين مااااتتت ، وهيا جاباها اهني ، لها اسبوعين علي نفس الدقعميزة والبكي ، قلتلهم باهي لما وحدة يجاها زبون علاش ماتهربش منه ، تفتح السيارة وتهرب ، قالتلي كلهم مسلحين  ، يعني اللي بدير هكي حتموت ، وحتي كان ماقتلهاش هوا ، حتشدها العصابه وحتعذبها نييين تتمني الموت ، الموضوع مش ساهل زي ماتفكري .....
قعدنا ايام مسجونين ، لاماكله زي الناس ولا ميه نظيفه ولامعامله باهيه ولاشيء ، اني شادتها دعاء وقرآن ، نتفكر في كل شيء مر عليا في حياتي ، اني ماكنتش راضيه بمعاملة الصادق ، لقيت روحي في الاعظم ، نتفكر في ايامات امي الله يرحمها ، في نور ، في سامي ، في فدوي والصغار،  في يوسفي ... زعما معاش نشوفك تاني ، وربي استاحشتك😭
الايام تفوت علينا وكأنها سنين ، كل ليله يرفعو فينا لحجرة التعذيب ويكسدو علينا بالضرب ، جلودنا تشوهت من كثرة الخبط ، في وحدة افريقيه مسكينه نييين بتهبل ادجاها نوبات صرع وتنوض تعيط وتبكي ، قالولي كان يرفعو فاها لاستراحات ، ويجبرو فاها تمارس مع مجموعه كبيرة ، نييين هبلاها ، احني بشر ، مش أجساد تنباع وتنشري بالفلوس تسكتو باها شهوتكم ......🌺🌺🌺