مذكرات عاشقه

الحلقه التاسعه 💋

"وعزتي وجلالي إن أتاني عبدي ليلا لقبلته ،
وإن أتاني نهارا قبلته ، وإن تقرب مني شبرا تقربت منه ذراعا، وإن تقرب مني ذراعا تقربت منه باعا، وإن مشي إلي هرولت إليه ، وإن استغفرني غفرت له ...."
فاستغفر الله من كل ذنب عظيم استغفر الله من كلمه من كل همسه من كل حركه ماترضيكش ياربي، يارب ماليا غيرك جيرني ياااااااارب يااااارب .
لقيت التغديه راكبه في ايدي ، الله يعلم ياسامي قداش اني كنت متمنيه نموت بجديات، وحاولت ننتحر كذا مرة وانقدوني ولما عرف "خوي الصادق ردة فعله دمرتني قاللهم توا اعرضاها علي طبيب شرعي نبي نتاكد قاعدة بنت ولالا امالا علاش بتنتحر اكيدة هالكلبه خاسرة شرفها وخايفه نقتلاها"
وكأن الشيء الوحيداللي مفروض تزعلي ولا تدمري علي خاطره هوا الخوف ، قصدي لو واحدة خسرت شرفها اغلي ماتملك مفروض تبكي عليه لكن الكارثه تلقاها تبكي من ردة فعل اقرب الناس لها وانه اكيد حيقتلاها وحيعذباها ، علاش ديما التعامل مع المرأة بهالشكل ، طفله مغتصبه بدل ماتساعدها تاخد حقها المهدور من الشخص اللي اغتصبها ، تمشي تقتلها باش تغسل عارك ، هكي ديننا! هكي اسلامنا ! هكي قال ربي ! معقوله كميه الجهل في عاداتنا  الباليه المهتريه من عشرات السنين ، شن فرقتو علي دفن الاناث" الوأد " اللي حرمه ديننا ولاحاجة وحق ربي ولاحاجة .
عرضوني علي دكتور ، من اول ماخش عليا وعيونه بياكلوني ماكله ، قرب مني واني كنت نرعش رعيش قالي ارخي روحك ياق... تعطيني اللي نبيه نستر عليك ونقوللهم قاعدة بنت ، اني من الصدمه جمدت ،
توا  هذا دكتور!، هادي اخلاق الدكاترة! ، هذا شرف المهنه! ، هذا القسم! ، هذا مسلم !، هذا من نفس ديني ! هذا ولد بلادي اااااااااااااااه
شدني وقعد يتحرش بيا واني ندف فيه وحاط ايده علي فمي ويفنص فيا كانو عيونه حمر ويقولي اقسم بالله يطلع الكلام هذا من اهني نقتلك ونطلع نفضحك قدامهم ياق... واكيدة قالبتاها علي راسك باش جايبينك لطبيب شرعي فصكري فمك خيرلك ، دفيته بقوة قوتي   وقتله"بغصتي  وبدموعي وبعيااااااط " اني عذرااااااااااااااااااء اني بننننننننننت ماااااااااااااامسني حد اني اشررررررف منكم كلللللللللللللللكم " ووخر وكانت الصدمه علي وجهها "
انهرت بالدموع وقعدت نغطي في جسمي الي شبه عاري نلملم في باقي انوثي اللي انداست انلملم في باقي عذريتي ، نداري في لحمي اللي خوي عرررااااه ، نجمع في شتات كرامتي وكبريائي اللي بعتروه. ...

الدكتور طلع ووجها كله عرق شد خوي من سوريته ودفه علي الحيط قاله عندك علم انه  اختك طاهرة  ياحيوااااان وعذرررراء واللي درته وحق  ربي ماهو رجووووووله تجيب اختك اللي من لحمك ودمك للمكان اهوا ، خوي دفه وزفر بقوة وقاله قوللها تطلع نستني فاها في السيارة ، لبست عبايتي واني نرعش خش الدكتور وحاول يعتذر واني شادة كلمه واحدة بس علي لساني حسبي الله ونعم الوكيل حسبي الله ونعم الوكيل جسمي كله قارفه منه حاسه روحي منرجع اععع كارهه روحي ، نبي نظفه نبي نغسله بوراكينه بصابون خاطري نحك جلدي ويتفتفت وادجي طبقه جديدة طبقه طاهرة طبقه نظيفه ، كرهت اعضائي اللي شافها اللي حاول يغتصبها ، اللي تحرش باها ، خاطري نستأصلهم من جسمي ، باش معاش نكون شهوة لحد ، باش نكون مجردة من كل حاجة نجسه .
اول ماركبت في السيارة شدني من شعري وقعد يخبط فيا علي الروشن ويضرب فيا واني مش فاهمه اني شن درت اني شن ذنبي بأي حق يمحيني بأي حق ننضرب بأي حق يهيني بأي حق يسبني بأي حق يحرمني من قرايتي بأي حق يدوس عليا ، هذا كله لاني يتيمه لاني معنديش اب ياخد بحقي، معنديش حد ننسند عليه ، يادنيا ياظالمه ولا البشر  اللي  فيك هما الظالمين .....
رجعت فمي دم ووجهي ازرق تلبطت امي وقعدت نبكي ونقوللها حرااااااام ظلمتوني حرام عليكم واللهي طاااهرة واللهي يمه مامسني واحد والهي حرااااااام عليكم وامي تبكي معاي ، خش خوي وقعدت تدعي عليه وادقوله الله لاتربحك الله يكسر ايديك زي ماكسرت عظام هاليتيمه ، الله ياخد فيك الحق ياولد بطني علي قداش ماظلمت اختك ، حتي واني في حظن امي ماحترمهاش ولا رحمني ، كرني من شعري زي الشاه طلعني من حضنها وقعد يجرجر فيا علي الوطا وحدفني بقوته ونحا السير من سرواله وقعد يجلد فيا بكل قوته وصحته وضخامته وامي تخبط فيه علي ظهره وادف فيه وتدعي عليه وتبكي بعبرتها ، دفها بكل قوته جت طايحة علي ظهرها معاش قدرت تنوض وتقيم في ايداها تبي توصل فيا تبي تفكني منه وتبكي بحسرتها بوجعها، واني في البدايه كنت نحس لكن بعد الجلدة العشرين معاش حسيت بشيء اغمي عليا من كثرة وقوة الضرب ...
قال الرسول عليه الصلاة والسلام (رفقا بالقوارير ) لم يستوصو بنا خيرا يارسول الله
عاملونا بكل وحشيه وكأنهم يضربو في دابه مش بشر  ، شوهو اجسامنا ، محو ملامحنا ، وينك يارسول الله تشوف امتك اللي تفتخر بها بين الامم ، شوف معاملتهم لنسائهم شوف كيف هانونا شوف كيف عذبونا ، ابسط حقوقنا حرمونا منهم ، فهمهم ياحبيب الله انه مش هادي الدعوة اللي كنت تنشر فيها ولاهذا الدين اللي ناديت الناس بيه ، فهمهم انه هذا ماليشي اسم غير  انه حيوانيه ، وحشيه ، وغجريه ؛ ماليشي اي علاقه بالغيرة علي الشرف .
حسبي الله ونعم الوكيل حسبي الله ونعم الوكيل ححسبي الله ونعم الوكيل
انتهت الحلقه
💔💔