مذكرات عاشقه

الحلقه 17💋

الحلقه ١٧
بعنوان (البحه في الروح💋 )
خديت دواي واني منموت من الوجع اااااه معاش قادرة لا نقعمز ولا نتكي ولا شيء وقاعدة ننزف ، نستغرب الصراحة انه في اناث يخدمو فاها الخدمه هادي، وفي نفس الوقت ماتنفتحش ، يعني عاهرة بثوب مريم العذراء ، اني مريم نستحقر كل أمراة تبيع جسمها بالحرام ، عندي اهون تدفن حيه زي مايديرو في الجاهليه ولا تشوه سمعتنا ، البنت الليبيه كانت مثال للشرف والعزة والطهارة ، علاش لوثو شرفنا وغطستوه في هالوحل ، الله ياخد فيكم الحق .
قداش منعاني من الوحدة كنت نخاف نقعد بروحي في الحوش وهاني قعدت بروحي في الدنيا كلها .
رقدت ونضت علي صوت المعيقلي وهوا يتلو ايات قرآنيه من سورة الرحمان قعدت ندير في قهوتي وكأنه صوته يغدي في روحي ، صوته كان ونيسي في وحدتي اتصلت بالممرضه نتطمن علي ماما ، عيني تتأمل في اركان الحوش، بجد بلاك ياأمي ماله لون وماله طعم مافيشي ريحتك ياأميرة قلبي والله ☝️بلاك مايسوي ، وتفكرت انه بوي قبل مايموت كتب الحوش باسم امي طول جتني فكرة ونزلت اعلان في النت" كليه مقابل حوش" وكتبت العنوان ورقم التلفون ونزلت وصف الحوش ويااااارب نحصل متبرع وانسجته متطابقه
قعمزت نكتب في مذكرتي نيين طق الباب وياريتني مافتحت .
صدمتي كانت بوجودك انت وامك ومرتك دخلتكم واني شبه دايخة .
"استر وجعي يالله ،لاتعري انكساري بنظرة شفقه من عبادك "
امك تتأسف مني وخجلانه تشوف لعيوني تتحجج بمرضها وانها ماكانتش قادرة ادجي تشوفني ، هه وانت هل عندك حجج باللهي ، بالك حتي انت مريض ولا عاجز ااااه حقه انت مسحور علي قولتك ،هه وان شاالله ربي يفك جهلك ، مرتك كانت متغيرة مش هادي الانسانه اللي شوفتها اول مرة هاديكا المؤدبه اللي كانت مثال في الاخلاق والراحة ، حاليا انشوف في انسانه تانيه نظرتها فوقيه ، غر المستكه اللي تلعب في فمها تسبب اضطراب ولا شعرها اللي مدايراته احمر فاقع ، ووجها من كثرة الستوك معاش ينشاف ويامغير البشر ، ولبستها اللي تحشم والذهب اللي شكلها لابساته كله مش معقبه شيء في الدولاب وهادي اللي بدلتها بيا ريتك تتهني وتعرف بمن بدلتني ، كنت تشبحلي وتشبحلها وكأنك تقارن وتحسب ، واني لاشفتك ولا نبي نشوفلك ، عيني في امك الانسانه الطيبه اللي عارفه انها مغصوبه ببعدها عليا وانت السبب والمسبب وكل شيء وياريتك تفهم ياريت 👌🌺
سألتني مرتك قالو متزوجه شايب وبدت تضحك ،واني نشبحلها وندور في البنت اللي عجبتني البنت اللي حافظه القران البنت التقيه ، سورة البقرة ، الراحة النفسيه ، بنت الشيخ مالقيت شيء كله تبخر وكأنه كان مجرد جلد سلحاته اول ماتزوجت ، كأنها كانت هكي علشان بيئتها وبغصب من باها بدون اي اقتناع بهالشيء واول ماطلعت جردت نفسها من كل شيء وخلاته كله في حوش اماليها ، وهل الزواج كرت امان يسمحلك اديري فيه اي شيء ، ماهو اني خلاص اتزوجت معاش مهمه سمعتي معاش مهم نتقرب لربي معاش مهم نحفظ جوارحي معاش مهم نستر نفسي ، واااااه ياقناعاتكم .......🌹👆
كنت فاتحة سورة ياسين بصوت المعيقلي عشقي ، بكل وقاحة قالتلي صبح يافتاح خيرك فاتحة قرآن وكانك في جنازة علاش مستعجله علي امك .
وهل القرآن ينفتح بس في الجنازات وهل ربي ينذكر بس في الموت ، اسلامنا وديننا نركنوه علي الرف ونتفكروه وقت الموت ، ويييين منمشو بيه هذا كله بس غر وييين .
شبحتلك وكأني مستنيه ترد علاها ، انت شبحتلها بنظرة حارة وقعدت سااكت .
وجعتني كيف تفاول علي امي وسكتت مش اكراما ليك ولا اكراما لها لكن اكراما لامك اللي كانت امي التانيه ، بشرتني امك انكم حتمشو للعمرة واستغربت لما قالتلي كنتنا بتقعد في الحوش وبيجي خاها يقعد معاها ، قلتلها وعلاش ماتمشيش معاكم ، تحججت هيا بأنه رجلها توجع فاها وماتقدرش علي تعب العمرة . وياريتني كنت عاجزة ونزحف زحف فيك يامكه..... 🌹
المهم عزمتني عندها وقعدت شادة فيا ، وعيونك انت كانو حكايات وافقت و
طلعتو انتو ولبست وطلعت
يارب النهايه اللي نستحقها بعد كل هالتعب🤲🌺
مشيت لخدمتي كنت طول الوقت واقفه مش قادرة نقعمز من الالم وحسيت المنطقه ملتهبه قعدت ماشيه جايه علي الحمام ونغير في القطن من التبول الا ارادي ، دموعي نزلو ووجعني حالي غسلت وجهي بالميه المصقعه وكملت شغلي ، مشيت للعيادة لقيت امي راقدة بست راسها وقريتلها شويه قران وروحت كليت فمين ورقدت وهذا حالي قعدت اسبوع واني في نفس النظام ، مشيت اليوم لحوشكم مدايرين حفله بسيطه ، مابيتش نمشي مبهدله شريت قفطان اسود طويل فخم ومستور نوعا ما ودرت شعري ومكياج خفيف مشيت وكل اللي مقعمزين عيونهم عليا ، سألتني مراة لو كنت مرتبطه او لا ،ماخلتنيش نتكلم مرتك من ردها السريع ، ايه جارتنا متزوجه شايب في عمر جدها ، الكل شافلي بنظرة شفقه واللي يقول اكيد اخداته علي خاطر فلوسه واللي ينعتني بالغبيه واللي يصخف علي حالي ويقولي صغيرة علاش لوحاها اماليها هالتلويحة وقعدت حديت الجلسه ، وفي نظرها هكي انتصرت عليا ،طلعت من جنبهم وقعدت انادي في امك نبي نسلم علاها ونروح قالولي انها في حوشك فوق اتجرأت وركبتلها ، طقيت علي الباب وماتوقعتش وجودك فتحتلي وانت مصدوم لا بل مبهور كنت تمسح علي وجهك وتفتح وتسكر في عيونك كأنك مش مصدق ، قتلك اني اسفه والله ماكنت نعرف انك فوق جايه منشوف امك ،نزلت راسك وسمحتلي نخش وخشيت حوشك اللي كان حوشنا كل تركينه فيه اني اخترتها ادق التفاصيل ،كان كله علي ذوقي باش تعيش فيه معاك غيري
"وإني أَدُوسُ بساطك اليوم غريباً بعد أن كانت كل هذه الرٌّوحٌ منزلي "👆🌺
باركت لامك وعيونك كانو بياكلوني رغم اني كنت مستورة وقفطاني مش مبين شيء من جسمي لكن روحي وانوثتي كانو طاغيين علي كل شيء ، سلمت علي امك وبست ايدها قلتلها انتي اميمتي وغاليه علي قلبي فوق ماتتصوري رغم كل شيء اني مستحيل ننساك ربي يرجعكم سالمين ، ومرات ترجعي تلقي جيران جدد لازم نبيع الحوش باش نعالج امي ، قعدت امك شادة فيا وتبكي ، قلتلها ماتبكيش ادموعك عذاب لقلبي حنقعد نزورك وحنطل عليك مش اني اللي نبيعها العشرة ولا تهون عليا 👆 وفي يومها في شيء اتكسر في عيونك ،يومها شفت اول دمعه نذم سمحتلها تنزل .....
فاتت ايام واسابيع وتحاشيت فاها شوفتك بقدر الامكان ، مش اني اللي نضعف لحبك ،مش اني اللي ننهزم ، اني فوق الحب وفوق المشاعر ، قضيه طلاقي ماشيه والواضح اني حنكسبها ومش هكي وبس حنحبسه ، كنت طالعه كالعادة صادفتني في الشارع بنت مقعمزة علي الرصيف ومغطيه عيونها وتبكي ، درست ونزلتلها ، خيرك تبكي ردي عليا ياحلوة ، وهيا مستمرة تبكي ،باهي هادي وين امها البنت في حاله مش طبيعيه وقفتها لقيت قفطانها من تالي دم ، شني هذا تعالي معاي وهيا خايفه وتبكي وماتبينيش نقرب منها ، قلتلها مسك حد قربك حد احكيلي باش نجيبلك شكلاطه ونداويلك الجرح ،قعدت تشبحلي والدموع ماوقفتش من عيونها نعطاها عمره قيسه ٧ سنين ، قلتلها اني صاحبت ماما ، قالتلي انتي صاحبتها معناها كنتي معاها فوق في السماء ، شديت دموعي وقلتلها ايه كنت معاها تعالي اركبي في السيارة نشريلك شكلاطه ونجي وافقت واني مشيت نسال في المحلات بالك حد يعرف اهلها ،اللي استغربته انه ماكانش حد هامه الموضوع وقالو شكلها من البارح مش لاقيه اهلها وتبكي ، ليله تامه ياجبارين هاليتيمه مخليينها في الشارع وتبكي ولا حنت قلوبكم .
وهل لك يايوسف أن ترمي بقميصك علي وطني ربما يعود كما عاد يعقوب بصيرا ♡

خديتلها شكارة عبيتها شكاليط وحاجات واعطيتهالها خليتها تاكل وطلبت منها تحكيلي شن سبب الجرح ، قالتلي اني عايشه مع بابا ومرته وصغاره واللي فهمته انه امها هيا الزوجه التانيه وتوفت ،وانها عندها خوتها الكبار وهيا البنت الوحيدة في الحوش ،وانه خاها المراهق كان يدخل فاها معاه لداره ويشبع في شهوته بأخته ويااعاااااركم يأمه محمد ، وانها تعرضت لاغتصاب من خلف وماقدرتش نشد روحي الا واني حاضنتها ياروحي انتي ، اني وياك ضحايا هالمتوحشين ،ضحايا هالمجتمع وهالمرة بكيت بكيت اقسم بالله بعبرتي اني وياها وياويلكم من ربي ياويلكم

والبحة ماكانتش في الصوت كانت في الروح ......👌🌺
انتهت الحلقه
نبي تعليقات الحلقه الجايه فاها هلبا احداث ناريه وبيتغير فاها كل شيء