مذكرات عاشقه

الحلقه 15 💋

الحلقه 15
في مشاعر مش مفروض كانت تطلع ، فيه كلام مش مفروض قلناه ، فبه تضحيات ياريتنا ماقبلنا باها ،اعذاار مفروض ماصدقناهاش ، فيه  جواهر انهدت لاشخاص جاهلين قيمتها ، وحيحسو باها بعد فوات الاوان ....🖖🌹
عظامي تكسرو تكسير زحفت للحمام ودوشت بالسيف جسمي كله ازرق توضيت وصليت ودعيت ربي يخلصني من هالعيشه ....
حاولت نفتح الباب لقيته مسكر بالمفتاح طقيت وخبطت وعيطت بصوتي اللي شبه مبحوح علي امل اي حد يسمعني لكن مافيش فايدة
قعدت يومين علي هالحاله بدون لاكل ولا شيء اضطريت نشرب من ميه الحمام باش نقعد عايشه وياغلاوة الروح ويارخصها ....🌺
انفتح الباب واني ملوحه شبه ميته كركرني وتلفظ بكل الالفاظ البديئه واطعن في شرفي وفي كل شيء لوحني في الصاله وقالي حتجي في العشيه مراة تفك التصفيح  ، شن اللي خلاني نقوي دقيقتها مش عارفه دفيته بكل قوتي وابديت نعيييييييط بعلو الصوت نبي نشووووووف اميييي تواااااا تواااااااا نبي نشوفها ولا تحلم تقربني قبل مانتاكد من انها كويسه ، توتر ووافق لكن اشرط عليا نخفي اثار الضرب ومانكلم حد غير امي وافقت لبست عبايتي وطلعت نجري وركبت معاه ، السيارة كلها واني نتحسبن عليه ياااااارب خودلي حقي من عافيته ياااااارب ، هالظالم جازيه ياااااارب ....💔
وصلت للعيادة وكأني حصلت كرت النجاة مشيت لغرفه امي لقيتها تعبانه وتإن هلبا وفرحت وين شافتني  ، اني ساكته وهيا ساكته ونشبحو لعيون بعض وكأنها حاسه وعارفه وقرت عيوني بدون مانحتاج نحكي ، لغه الارواح كانت كافيه ، رابط الامومه اللي بيني وبينها كفيل يوصل كل الكلمات اللي عجزت نقولها ، لحسن حظي اول ماخش سعيد نادوه لحجره العمليات فيه عمليه مستعجله وسيبني مع امي طلعت من الحجرة وخشيت في دكتور ، ارتبكت وسألته علي حال امي ، قعد يشبحلي وخلاص وكأنه كان حاير يقولي اولا ، ترجيته يتكلم ، صدمني لما سألني من وين جبتو المتبرع تعرفوه انتم ؟
قتله زوجي جابه وهوا دكتور معاكم دكتور سعيد ،انصدم  قالي يامدام الكليه اللي زرعناها في جسم والدتك طلع فاها كتله سراطانيه نشطه ...💔💔
لالا لا👋 انت غالط اللي تحكي علاها امي  ، لاالالااا السرطان ، مستحييييل لالالا انت ملخبط 💔
امي بدت بجرعات الكيماوي وسعيد جي بياخدني فضحته في العيادة ومخليت ماقتله وتحلف فيا ومشي وادارة العيادة باش ماتصيرش فضيحة علي التسيب اللي صار تكفلو بمصاريف العلاج ، اني شبه عايشه  الحوش معاش روحتله نهائي لبستي قاعدة علي لحمي لها اسبوع وشكلي ادقول طالعه من قبر ، قررت نروح ندوش ونجيب حوايج لامي ونولي ، خديت تاكسي وخلصته لما وصلت ، لقيتك فم حوشكم لابس الزبون وتضحك واني واقفه عندي الدنيا شفتلك بطرف عيني وخشيت ، مانبيش من يشمت فيا وحنغير حياتي وحنذمكم كلكم ، خشيت دوشت ودرت حاجة سريعه كليتها ، ليا ايام ماذقت الزاد ، لقيت عندي حديدتي وخاتمي الذهب اللي واخدتهملي امي علي اساس نلبسهم لما نتزوج ثقال وحقهم فيهم فتحت دولابي اللي حكم مافيشي حوايج خديت سروال والقيت كاب طويل للركبه لبسته وخديت وشاح ودرت شويه لمسات في وجهي ومشيت صرفت الحديدة والخاتم وجابولي مبلغ كويس اشتركت في كورس تحاليل بالشهادة المعتمدة وكورس انجليزي خترت اقل مدة ممكنه ودفعت الرسوم فضلي فلوس مشيت خديت حوايج لامي وماكله وخديت لروحي لبسات نمشي بيهم للكورس حطيت الحاجات في الحوش ولبست لبسه حلوة ودرت لمسات علي وجهي وطقيت علي حوشكم ، طلعتلي مرتك سلمت علاها وباركتلها واني نضحك ومش عارفه منيين نجيب في قوتي ، قلتلها ناديلي وخيي سامي نبيه شويه ،جت الكلمه في وذنه طلع وانصدم فيا لاني طالعه قنينه هلبا ،" نوصفلكم ملامحي لاول مرة "اني بيضاء وعيوني سود وكبار رموشي كثيفات خشمي واقف جسمي معدل غمازة تزين خدي وعندي خدود حلوين ،
اما سامي اسمر ونقشه علي الاكحل لحيته تهبل وعنده خط في حاجبه محليه .
باركتله وهوا مصدوم فيا ، ايييه اني ماننكسرش اني ماننذلش ، مش اني اللي نبكي علي راجل ، مش اني اللي ينهيني راجل ، اني قويه واقوي منكم اني قادرة نعيش بدووونكم ، كل اصناف الرجال اللي حاوطوني كانو انذل ماخلق الله ،❤ فارقوني  لاتجوني ولا اريد اخبار منكم توصل ولا شيء اصلا 💔
فارقوني وارحموني
دنيتي في البعد احسن .....🌺🌹

مديتلك صندوق فيه كل الهدايا متعك وتلفون وكل شيء ، قالي لا اهما ليك ، قتلك لا اهما مش ليا ،رجعو لاصحابهم الاصلين ، امانتك وصلت وخيي سامي ربي يهنيك ، شديتلي ايدي سحبتها منك بقوة ، الله يعلم كتافي قداش متحمله عليهم ، وربي يقويني ، طيبت عشاء لامي ومشيتلها بتت معاها والصبح مشيت للكورس وهكي بدت حياتي، سيارة الصادق مدرسه واني شادتها في التاكسيات ، قررت نتعلم نسوق وفعلا سجلت في دورة قيادة واخديت الرخصه وامي حالها بدي يتحسن وعلي اساس عندها عمليه اليومين الجايات ، والحيوان سعيد مختفي ، عندي امتحانات في الكورس وبتت في حوشنا باش نقدر نقرا كويس نسمع قي صوت برا ونكذب في روحي طلعت منتاكد فتحت الباب ونشوف في الايدة شفت خيال جنب التوته ارتعبت وكيف جايه منسكر الباب يدفه عليا .....
انتهت الحلقه