مذكرات عاشقه

الحلقه 14💋

الحلقه 14
ركبت معاك سيارتك اللي مزينه ، كان خاطري نركبها واني عروستك ، حلالك ، نصيبك ،ولكن ياسوء المقادير ، تلفتلك بكل جرأة ولاول مرة نسألك ياسامي لييييش ليييش درت فيا هكي ليش بعتني ليش بس ليش اني شن درتلك ، حبك ضيعني ياسامي حبك سمم قلبي ، حبك قتل كل خليه في جسمي ....
كانت نظرتك حادة وتنهيداتك قويه وكل مالها تعلي اكثر واكثر وكأنك تنازع في الموت ، شديت ايدك بعنف بتملك وحطيتها علي قلبي ، بس نبيك تسمع دقات قلبي كيف تتلخبط بقربك ، كانت عيونك معبيه دموع ولاول مرة نشوفك بهالحاله ، وقفت السيارة وسألتني هل صح عرسي بعد يومين ، واكدتلك الخبر ، كان وجك مقلوب وكأنه مش عاجبك ، بغض النظر علي غرضي من الزواج ياسامي انت مش من حقك تزعل ، انت اخر واحد في هالدنيا من حقك تلوم عليا ، كان اني بعت روحي علشان امي فأنت بعتني علشان ولا شيء ، رجعت عاودتلك سؤالي ليش ياسامي تخليت عليا فهمني ، وقفت السيارة وكنت ترعش نزلت راسك علي الدومان وجسمك يرعش ، خفت عليك وقربت منك بعدتني بكل قوتك واتفجرت فيا ( ماتحاااولي تمثلي دور الضحيه دور البريئه دور الملاك قدامي ، اني اصلا كاشفكم كلكم ، انتم كلكم عاهرات ، كلللللللللللللكم )
اني صدمتي من كلامك جمدتني ، كملت انت كلامك ( ماتشوفيليش بيهم اهما عيونك ، اييييييه زيك زيهم شن فرقتي ترا )
اني بلعت ريقي وتكلمت معاك بهدوء : زي مني ياسامي انت علي من تحكي ؟
(انتي وحده ق... وزي ماحكيتي معاي تراك قالبتاها علي راس ) وماكملتش كلمتك الا واني ضارباتك كف بقوة قوتي وفتحت باب السيارة ونزلت ، وياريتني ماركبت معاك اصلا وياريتني ركبت مع التاكسي والراجل اللي يخوف كان اهون قعدت نجري ونجري وانت لي لحظات مش مستوعب الكف بعدها نزلت تجري وراي وتنادي عليا ، اني ماكنتش نسمع في ولا حاجة غير كلمتك الاخيرة انتي ق... انسكر في وداني بقوة مانبيش نسمع ونبكي بهستيريه ، خليتني مجنونه ياسامي ، حولتني من عاشقه لمختله عقليا ، تعببت اقسم اني تعبت تعبببببت
جريييت بكل قوتي معاش نبي نشوفك معاش نبي نسمع صوتك كرهتك علي قد حبي علي قد خيبتي علي قد خوفي علي قد يتمي علي قد افعالك كرهتك ، كنت قريبه من العيادة خشيت نجري نبي نشوف اميمتي الحاجة الوحيدة اللي مازلتلي في الدنيا ، لقيتها تاعبه هلبا قعدت جنبها نيين غفيت ، فتحت عيوني لقيته قدامي اعوذبالله من الشيطان الرجيم .
الدكتور سعيد (خطيبي الشايب): غدوة عرسنا ياعروستي .
اني : ايييه غدوة عمليه امي ان شاالله ربي ينوضهالي سالمه غانمه .
سعيد : انتي اقعدي عاقله وتسمعي في الكلام ونوعدك امك تبدا كويسه .
اني "شفتله بنظرة حقد وخشيت الحمام غسلت وجهي وتوضيت  "
لما طلعت لقيته مش في الحجرة فردت الصلايه وابديت نصلي والدموع كل مالها تقوي والعبرة والتنهيدات اقوي من غير قصد مني ناضت امي وقعدت تشبحلي وتبكي ، تبكي علي عجزها تبكي علي حظ بنتها وعلي الدنيا كيف جارت علينا ومالقينا لا سند ولا ظهر ....
يومي كله قعدت مع امي نحضن فاها ونبوس فاها نبي نشبع منها كل مانتخيل فكرة انها بدير عمليه خطيرة نتلبطها مانبيش يبعدوني عليك ياعزوتي في هالدنيا
وجي يوم العمليه وعرسي في نفس الوقت 😞
خشت امي للعمليات واني علي اعصابي نقرا في القران وندعيلها ، ربي يكون معاك يافرحتي انتي ....
بعد ساعات طلع سعيد وهوا يضحك وبشرني بنجاح العمليه الحمدالله والشكر لله ، فرحتي ماخلاهاش تكمل وين قالي فاتحتك بتنقرا توا وشويه اطمني علي امك ومنروح بيك لحوشنا .
وياقهرتي في نصيبي وياقهرتي في قسمتي وياقهرتي في بختي مالي حظ انا قليله الحظ ياميمتي اني نصيبي مايل ، ماعندي علي شن نتكي لا اب ولا اخ ولا اخت ولا حبيب ولا شيء اني وحيدة ضايعه بروحي في هالدنيا وياريتني ماطلعت من رحمك ياامي وياااااريت
نقرت فاتحتي واني خاليه من المشاعر لا حب لا كره لا سعادة لا حزن لا شيء لوهله نسيت اني بشر يحس .....🌺
شفتك من بعيد راقدة في سلام ، فرحت علي الاقل انتي كويسه وبترجعي زي قبل حتي لو كان الثمن اني نبيع نفسي علشانك ياست الكل ...
ركبت مع سعيد السيارة واني عاجزة نتقبل فكرة انه ابدي زوجي خلاص هذا حلالي وهوا اللي منكمل عمري معاه ، ياريت الوقت يوقف يااااااريت مش قااااادرة مش قاااااادرة ، وصلت للحوش واني راسي مصدع من كثرة التفكير ، اول ماوصلت قالي خشي تلقي شنطه الدخول في الحجرة شريتلك كل شيء جهزي نفسك شويه ونلحقك ، قلبي طبووول من الخوف .... يااااارب احفظني منه يااااارب مانبيشي ...🌺

لبست بالسيف وقعمزت واني متوترة وخااايفه تخيلت هاللحظات مع حد نحبه ويحبني ، تخيلتك ياسامي واني فرحانه ومعاك وكل شيء مع بعض جت في راسي صورتك وانت معاها مع مرتك وياقلبي عليا وخلاص 💔
خشلي واني ندعي ربي يلطف فيا ولما يعرف مايقتلنيش لكن كنت لازم ندير هكي باش نكسب وقت ونتاكد من نجاح عمليه امي .
خشلي زي الوحش واني متقززة منه
بعد دقايق ناض زي الغول وتلني من شعري ياحيوااااااانه ياكلبه علاش مادقوليش انك مصفحة ياحقييييييييرة لعنه الله عليك يامتعو العار وبدي يضرب فيا واني متحمله الضرب وكان اهون من هلبا حاجات تانيه  ونحي السبته وابدي يجلد فيا واني في خاطري نردد في كلمه وحدة كلكم زي بعض ورب الكون 🤲اللما ننتقم وتوا تشوفو الكل وهذا وعد 👌......وحيجيكم يوووووم حتندمو ... واني بنت امي .
انتهت الحلقه 🌺