أصبح الناس يجاهرون بمعاصيهم
ويقولون "العمر مرة"
لو أن العمر مرة
فجهنم 100عمر ..!شفته وماصدقتش عيوني ، لااااا فدوي ، أرجوك لاااا ، مادقوليش غرفتك تجهزي فاها باش يخونك ، ليه ولعشيقته ، مافيش هكي فدوي ، انتي بني آدم ، انتي تحسي ، نوضي عيطي ،نوضي طلعيه برا حوشك ، ديري اي ردة فعل ، فدوي هكي تموتي ، فدوي انتي مش صنم ، فدوي انتي روووووووح .......👆💔💔
خاش يتمختر معاها ولاكأنه مداير حاجة ، غمزني بكل حقارة ، الله ياخدك ياعبد الله الله ياخدك ، قربعت الباب بقوة جهدي ، وقعمزت جنب فدوي ، خديت القران من ايدها ، صدق الله العظيم ، اشبحيلي ، احني لازم نهربو ، ونعيشو بروحنا ، حنعلمو اصغارك ، ونرفعو عليه قضيه طلاق ، وحتربحاها اني اكيدة ، هزيتها من كتافها ، اني نكلم فيك ردي عليا ، تعاقبي فيا هكي ، اني شن ذنبي ، يكفي اللي فيا ردي ، جاوبت بهدوء ، يامريم اللي تشبحي فيه برا هذا شاطان ، عنده علاقات بالهبل باسم الدين ، حيجيبني تحت رجليه زي كل مرة ، لكن المرة هادي معاش متحمله ندفع ثمن هروبي زي المرات اللي فاتو ، فدوي قصدك جربتي تهربي ، شن دار فيك فدوي ، شن كان الثمن ، قامت شويه من قفطانها واهني الصدمه ، حافر كلمه حيوانه علي رجلها بالموس ، وكاوي رجلها ، رجلها مشوهه ، حسبي الله ونعم الوكيل فيه ، يامريم الثمن المرة هادي انه يطلقني ويحرمني من صغاري ، لو يحرق جلدي مليون مرة ، لو يذبح كل عرق حي فيا ، لو يخوني علي فراشي مع مليون عاهرة ، مايهمني شيء لكن الا صغاري ، هذا بني ادم مش طبيعي ، ياخد في حبوب ويحشش ، ويضرب حتي في يبر ، مستعد يبيع صغاري ويقبض الثمن ، بدم بارد ، الصبر بس يامريم الصبر ، صغاري بيبدو رجاله ، وحياخدو حقي من هالظالم ، لكن اني لازم نتحمل ، علشان صغاري ، اني مضطرة نتحمل ونسكت في كل مرة ، كان لازم فاها نعيط ، {وبشر الصابرين }اللهمَّ هِمَّةً كهِمَّة عُمر بن الخَطاب يوم
قال :
إنِّي لا أسألُ اللهَ خِفَّةَ الحِمْلِ
ولكني أسأله قوَّةَ الظَّهر !💜وفي كل مرة كنت نشفق علي فدوي ، ونحس بأنه أصعب الصعاب اللي مريت بيها نطفه في بحر مشاقها ...🌺👌
نضنا الصبح ودرنا قهوتنا وفتحنا فيروز ، وطبعا عبد الله مش موجود ، جت بتخش اضم دارها ، قلتلها خليني توا نضمهالك اني ونغسل كل شيء ، خشيتلها وكانت فوضي، كلها نجاسه والا اني حسيتها هكي ، كل شيء قمته وغسلته حتي الستار ، والفرشه وكل شيء .
فيروز لما غنت بعدك علي بالي ~ياقمر الحلوين ~يازهرة تشرين ~ياذهب الغالي ، كانت تغني علي يوسفي ، اني متأكدة أصلا ، لانه مافيش غيرك يسكن في البال ، والحلاوة صدقنني انخلقت من عيونك ، وكان علي الزهور فاأنت زهرة شبابي البالي ، وأغلي حاجة في عيني اااااااه يوسفي قلبي اشتاق لعيونك وربي 🌺❤💋، باهي شن الحل ، نبي نشوفك ، اسألت فدوي وين ساكن يوسفي قالتلي في الشقه اللي فوقنا، ويافرحتي ، طلعت قريييب ، قرييييب ، قررريب ، البست عبايتي وركبت ، يارب قاعد يارب قاعد ، طقيت مرة اتنين تلاثه عشرة ، فقدت الامل وجيت نازله ، لقيته راكب من الدرج ، ريحه عطره الممزوجه بالدخان سببتلي اغماء ، وقف قدامي ، بابتسامته الحلوة ، تفضلي مريم افطري معاي ، قتله مانقدرش نخش ، قالي حااضر اصبري بس ، طلع زوز كراسي وقالي اصبري توا نديرلك احلي فطور ، ادللي بس ، جابلي صفرة فاها دحي مقلي ومطبوخ وتن وطماطم وجبنه وكل شيء كان في قمه الترتيب والنظام ، قالي ماتستغربيش مرومه لما زوجت خواتي ، كنت اني للي نخدم في امي المريضه ، انطيب ونكنس ونرتب ، وان شاءالله تكون راضيه عليا في قبرها ، يوسفي اعجابي ليك كل يوم يزيد اكثر واكثر واكثر ، مرومتي اني مش مراهق ولا طايش ، ولا عمري لعبت بقلب بنت ، اني طالب الحلال ، ونبيك حلالي ، اني ناكل قال كلمه حلالي اشرقت وبديت نكح ووجهي ولا احمر ، يوسفي يضحك ويشرب فيا اميه ، يوسفي بالشويه عليا ، قلبي الصغير لايتحمل كل الفرح هذا ههه ، قعد يضحك عليا ، واني فجأة انصبت عليا ميه مسقعه ، اني ماقتلاش علي العار اللي صارلي وعلي زواجي ، نضت فيسع ، وقتله انكلمك بعدين ، وهوا حاير معاي ، طلع طرف دخان وابدي يدخن .
نزلت واني قلبي مقبوض ، كيف منحكيله ، كيف منقوله ؛ هل حيتقبلني ، ولا حيتخلي عليا ، يارب عيني يارب ، قعمزت نصلي وندعي ربي يقدملي اللي فيه الخير ويقوي قلبي علي تحمل كل هالمشاق الصعبه .....🌺👌
لقيت فدوي باديه ادير في غداء وشكلها مكترة اكيد فيه ضيوف لكن مني ، اكيد ضيوف تبع عبد الله ، مفاجاءات عبد الله غير متوقعه وغير مفرحه ، الله يستر من الجاي ، خشيت نجهز معاها وحطيت غداء الصغار وكليت معاهم بعتالي ساعدتهم في واجباتهم ، واللهي طلعتي شاطرة يامريم ، باهي لو خلاك الصادق تكملي قرايتك ، شن رح تكوني ، دكتورة ، معلمه ، مهندسه ، ممرضه ، شن كنت حنضيق عليك ياصادق لو خليتني نتعلم وناخد شهادة ، كنت حنكبر ونكبركم معاي ، كنت حنعلي اسم بوي وعيلتنا ، كنت رفعت راسكم ، كنت شرفتكم ، واللهي ماكنت حنجيبلكم العار ، بس نبي نفهم بأي حق ، قتلتلي حلمي ، محيتلي طموحي ، دمرت ذاتي ، وخربتلي كياني ، الله يرحمك وخلاص ، كبدي طابت من المرار ..🌺🌺🌺🌺🌺🌺👆↗
فدوي جهزت صفرة تتقدم لملوك ، حطتها وخشت ، طلع جايب معاه صحابه الحشاشين والسكارين ، واللي يصدم معاهم دواعش ، وعلي اساس يناقشو في الدين ، وطلع يموللهم في نشاطاتهم ، وتفجيراتهم داخل وخارج ليبيا ، مقعمز معاه واحد يلقب بالقرش ، بيتت عليهم من شق الباب ، وكانت مناظرهم تخوف ، اشكالهم لاتبت لي الاسلام بأي صله ، كان الخمر رفيقهم طول الجلسه، اني نستحي من الاشكال اهيا الصراحة 🌺 👌، استحياءي وخجلي كبير أمام رسولنا الكريم ، اللي كان يبكي شوقا لي لقاءنا ، تاريه حيبكي آسفا علي ديننا وقيمنا ومبادئنا اللي تناثرت مع مهب الريح 👌👌👌👌👌👌❤
يقول إبليس لـ لله عز وجل :
وعزتك وجلالك لأغوينهم ما دامت أرواحهم في أجسادهم
فقال تعالى : وعزتي وجلالي لأغفرن لهم ماداموا يستغفرونني !!
- استغفرالله واتوب اليه♥️.انتهت الحلقه
نبي تعليقات الحلقه الجايه حتحكي مريم ليوسف ماضيها
وفي رايكم شن حتكون ردة فعله ......🔥🔥🔥🔥🔥🔥🔥🔥🔥🔥🔥🔥🔥
أنت تقرأ
مذكرات عاشقه
Roman d'amourروايه باللهجة الليبيه مستوحاة من قصه حقيقيه طرحت فيها الكثير من القضايا كالتحرش والاغتصاب والخيانه والحروب وداعش والفقر والزواج بالاكراه وغيرها .......... كانت مقدمه الروايه اشبه بالمذكرات وبعدين حتتغير وتوضح الصورة اكثر ❤ الروايه قويه هلبببببا و...